Yeremiya 38:2 - Xitsonga (Bibele)

² “Ku vula Yehovha: La salaka emutini lowo u ta fa hi matlhari, kumbe hi ndlala kumbe hi ntungu, kambe la humelaka eka Vakalediya u ta hanya, vutomi bya yena byi ta va ku phanga ka yena a tshama a hanya.

BIBELE Mahungu Lamanene

² a wu byela marito ya HOSI Xikwembu lama nge: “Lava nga ta sala emutini lowu va ta dlawa hi matlhari ni tindlala ni mintungu. Kambe lava humaka va ya tinyiketa eka Vakalediya va nge dlayiwi, va ta ponisa vutomi bya vona.

Yeremiya 38:2 Referans Kwoze

Yeremiya 39:18

Hikuva ndzi ta ku lamulela, u nga ka u nga wi hi fumu, kutani vutomi bya wena byi ta va ku phanga ka wena, hikuva u ndzi tshembile, ku vula Yehovha.’ ”

Yeremiya 45:5

Loko u ri wena xana u ta tilavela swilo leswikulu-ke? U nga tshuki u swi lava! Hikuva waswivo, ndzi ta tisela nyama hinkwayo makhombo, ku vula Yehovha; kambe ndzi ta ku nyika vutomi bya wena xi va xuma xa wena, hinkwako laha u nga ta ya kona.”

Yeremiya 34:17

“Hikwalaho, ku vula Yehovha, a ku: N'wina a mi ndzi yingisanga ku vula mfanelo ya un'wana ni un'wana ku tshunxa makwavo ni xaka ra yena, vonani, mina ndza mi byela mfanelo, ku vula Yehovha: Ndzi tshunxa fumu, ni ntungu, ni ndlala; ndzi mi nyiketa ku xanisiwa eku fumeni hinkwako ka misava.

Ezekiele 14:21

“Hikuva Hosi Yehovha u ri: Hambi ndzi ba muti wa Yerusalema, hi ku avanyisa ka mina ka mune, ku nga tlhari, ni ndlala, ni swivandzana, ni ntungu, leswaku ku herisiwa vanhu ni swifuwo,

Yeremiya 42:17

Vanhu hinkwavo lava phikelelaka ku ya eEgipta ni ku aka kona, va ta fa hi matlhari, ni ndlala, ni ntungu, a ku nga ha poni munhu emahlweni ka ku biha kuloku ndzi nga ta va humesela kona.

Ezekiele 7:15

“Ehandle ku ni fumu, emutini ku ni ntungu ni ndlala. La nga emasin'wini u ta dlawa hi fumu, la nga emutini u ta lovisiwa hi ntungu ni ndlala.

Ezekiele 6:11

Hosi Yehovha u ri: “Bana hi swandla swa wena, u raha hi nenge wa wena, u ku: Yo! Hikwalaho ka manyala hinkwawo lama chavisaka ya yindlu ya Israele, leyi nga ta wa hi fumu ni ndlala ni ntungu.

Yeremiya 44:13

Ndzi ta ba lava akeke etikweni ra Egipta, kukotisa loko ndzi bile Yerusalema, hi matlhari, ni ndlala ni ntungu.

Yeremiya 42:22

Sweswi-ke, swi tiveni leswaku mi ta fa hi matlhari, ni ndlala ni ntungu, exivandleni lexi mi tirhandzelaka ku ya aka eka xona.”

Yeremiya 29:18

ndzi ta va phalalela hi matlhari ni ndlala ni ntungu ndzi va nyiketa ku xanisiwa eku fumeni hinkwako ka misava, ni le ku rhukaniweni, ni le ku onhakeni, ni ku va xihlamariso ni xisandzu ematikweni hinkwawo lawa ndzi nga ta va hlongola exikarhi ka wona.

Yeremiya 27:13

Mi rhandzela yini ku fa hi matlhari ni ndlala, ni ntungu, wena ni tiko ra wena hilaha ku vulaka Yehovha hikwalaho ka tiko leri ri nga tirheliki hosi ya Babilona?

Yeremiya 24:8

“Kutani kukotisa sweswi endliwaka eka makuwa layo biha, lama nga dyiwiki hikuva ma bihile, ku vula Yehovha, ndzi ta endla sweswo eka Sedekiyasi, hosi ya Yuda, ni ka tindhuna ta yena, ni ka nsalo wa Yerusalema, lowa ha seleke etikweni lero, ni ka lava akeke etikweni ra Egipta.

Yeremiya 21:4

lawa mi lwaka ha wona ni hosi ya Babilona, ni Vakalediya lava mi siveleleke ehandle ka rirhangu, ndzi va hlengeleta emutini wolowo.

Yeremiya 27:11

Kambe tiko leri vekaka tinhamu ta rona ejokweni ra hosi ya Babilona ku n'wi tirhela, ndzi ta ri tshika etikweni ra rona, ku vula Yehovha leswaku va ri rima, va tiakela kona.” ’ ”

Yeremiya 29:16

“Vonani, ku vula Yehovha hikwalaho ka hosi leyi tshameke exiluvelweni xa Davhida, ni hikwalaho ka tiko hinkwaro leri akeke emutini lowu, va nga varikwenu lava nga yangiki eku bohiweni na n'wina;