Yeremiya 38:16 - Xitsonga (Bibele)

¹⁶ Kutani hosi Sedekiyasi a hlambanyela Yeremiya exihundleni, a ku: “Ha Yehovha la hanyaka, la hi nyikeke vutomi, a ndzi nga ku dlayi, hambi ku ri ku ku nyiketa emandleni ya vanhu lava lavaka vutomi bya wena!”

BIBELE Mahungu Lamanene

¹⁶ Hiloko hosi Sedekiyasi a hlambanyela Yeremiya va ri vambirhi exihundleni, a ku: “Ndzi tiyisa emahlweni ka HOSI Xikwembu lexi hanyaka, muendli wa hina, ndzi ri, ndzi nga ka ndzi nga ku dlayi, naswona a ndzi nga ku nyiketi eka vavanuna lava ringetaka ku ku dlaya.”

Yeremiya 38:16 Referans Kwoze

Yeremiya 37:17

Hosi Sedekiyasi a rhumela ku n'wi vitana, kutani hosi yi n'wi vitela endlwini ya yona exihundleni, yi ku: “Xana rito ri kona leri humaka eka Yehovha xana?” Yeremiya a hlamula a ku: “Ri kona,” a engeta a ku: “U ta nyiketiwa emavokweni ya hosi ya Babilona.”

Yohane 3:2

a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Zakariya 12:1

Vuprofeta bya rito ra Yehovha ehenhla ka Israele: Ku vurile Yehovha la andlaleke matilo, la vangeke misava, la vumbeke moya wa munhu eka yena:

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Yeremiya 34:20

Ndzi ta va nyiketa emavokweni ya lava nga valala eka vona, ni le mavokweni ya lava lavaka vutomi bya vona, ni mitsumbu ya vona swi ta va swakudya swa makoti ya le henhla, ni swa swivandzana swa misava.

Tinhlayo 27:16

“Yehovha, Xikwembu xa mimoya ya tinyama hinkwato a a veke ehenhla ka nhlengeletano wanuna la humaka emahlweni ka vona, ni la nghenaka emahlweni ka vona,

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Vaheveru 12:9

Swi tsandza ni vatata wa hina va nyama, va hi layile kutani hi va chavile; xana ngopfungopfu hi nga ka hi nga tiveki ehansi ka loyi a nga Tata wa mimoya, kutani hi ta hanya xana?

Esaya 42:5

La vulaka sweswo i Yehovha la tumbuluxeke matilo loyi a ma andlaleke, la anekeke misava ni swo mila swa yona, loyi a nyikeke moya eka lava akeke eka yona, ni ku hefemula ka lava fambaka eka yona.

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Timhaka 17:25

na kona, a xi tirheriwi hi mavoko ya vanhu, swange hiloko xi pfumala xilo ni xin'we; kasi hi xona xi nyikaka hinkwavo vutomi, ni ku hefemula, ni swilo hinkwaswo.

Timhaka 17:28

hikuva eka yena hi ni vutomi, ni ku fambafamba, ni ku hanya; kukotisa loko vabumabumeri van'wana va n'wina va nga vula, va ku: ‘Hi rixaka ra xona kunene.’