Yeremiya 36:7 - Xitsonga (Bibele)

⁷ Kumbe va ta veka xikhongelo xa vona emahlweni ka Yehovha, va hundzuka un'wana ni un'wana emikhuveni ya yena leyo biha, hikuva ku kariha ku kurile, na kona ku leva kukulu loku Yehovha a ku vuleke ehenhla ka tiko leri.”

BIBELE Mahungu Lamanene

⁷ Kumbexana vanhu lava va ta hundzuka etindleleni ta vona leto homboloka, kutani va ya rila eka HOSI Xikwembu, hikuva xona xi vurile leswaku xi lava ku va ba hi vukari bya xona lebyikulu byo chavisa.”

Yeremiya 36:7 Referans Kwoze

Yeremiya 36:3

Kumbe va yindlu ya Yuda va ta yingisa ku biha hinkwako loku ndzi ku anakanyeke ku va endlela kona, leswaku va ta hundzuka un'wana ni un'wana emikhuveni ya yena leyo biha, ndzi ta va tshikela ku homboloka ka vona ni swidyoho swa vona.”

Hosiya 5:15

Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Yeremiya 21:5

Kutani mina hi xiviri, ndzi ta lwa na n'wina hi voko leri tlakukeke, ni voko ro nonon'hwa, hi ku hlunama, ni ku kariha, ni ku leva lokukulukumba.

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

2 TIHOSI 22:17

Hikuva va ndzi tshikile va hisele swikwembu swin'wana mirhi ya risuna ku ndzi pfuka hi mitirho hinkwayo ya mavoko ya vona, vukari bya mina byi pfurhele ndhawu leyi, byi nga ka byi nga timeki.

2 TIHOSI 22:13

“Yanani, mi ndzi vutisela Yehovha, mi vutisela ni tiko ni va Yuda hinkwavo hikwalaho ka buku leyi kumiweke; hikuva vukari bya Yehovha lebyi hi pfurheleke byikulu, hikuva vatata wa hina a va yingisangi marito ya buku leyi, ku endla hinkwaswo hilaha hi tsaleriweke hakona eka yona.”

Zakariya 1:4

Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.

Yonasi 3:8

vanhu, ni swifuwo, a va ambale tinguvu leto khwaxa, va huwelela hi matimba eka Xikwembu, kutani un'wana ni un'wana a fularhela ndlela ya yena leyo biha ni mitirho yo biha ya matimba leyi nga emavokweni ya vona!

Daniele 9:13

Kukotisa loko ku tsariwile enawini wa Muxe, swo biha leswi hinkwawo swi hi humelele sweswo. Kambe a hi olovisanga mombo wa Yehovha, Xikwembu xa hina, hi ku tshika swidyoho swa hina, ni ku tlharihela ntiyiso wa wena.

Ezekiele 22:20

Kukotisa loko ku hlengeletiwa silivhere, ni koporo, ni nhumbu, ni ntsopfu, ni thini exikarhi ka fulo, ku pfurhetela ndzilo ehenhla ka swona leswaku swi n'oka ndzi ta mi hlengeletisa sweswo evukarini bya mina ni le ku holoveni ka mina, kutani ndzi ta mi veka kona efulweni, ndzi mi n'okisa.

Ezekiele 20:33

Ndza hanya, ku vula Hosi Yehovha, hi xandla lexi nga ni matimba, ni voko leri tshalambutiweke, ni vukari lebyi chuluriweke, ndzi ta fuma ehenhla ka n'wina.

Ezekiele 13:13

“Hikwalaho, ku vula Hosi Yehovha: Hi vukari bya mina ndzi ta pfuxa xidzedze; hi vukari bya mina ku ta na mpfula leyikulu, ndzi ta nisa xihangu xo mbundzuxa.

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Ezekiele 5:13

“Vukari bya mina byi ta va pfurhela hi ku hetiseka. Ndzi ta tirihisela, va ta tiva leswaku mina Yehovha, ndzi Xikwembu lexi nga ni rilondzo, loko ndzi va ndzi hetisela vukari bya mina ehenhla ka vona.

Yeremiya 26:3

Kumbe va ta yingisa, va hundzuka un'wana ni un'wana emikhuveni leyo biha ya yena, leswaku ndzi ta hundzuka eku biheni kuloko mina ndzi anakanyeke ku va endla hikwalaho ka mitirho ya vona leyo biha.

Yeremiya 25:5

A va ku eka n'wina: ‘Hundzukani un'wana ni un'wana emikhuveni yo biha ya yena, ni le ku biheni ka ku endla ka n'wina, mi ta tiakela etikweni leri Yehovha a mi nyikeke rona ni vatata wa n'wina hi masiku, hilaha ku nga heriki.

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Yeremiya 16:10

Kutakuloko u tivisile tiko leri timhaka teto hinkwato, loko va ku: ‘Xana Yehovha u vula ha yini khombo lerikulu lero tano ehenhla ka hina xana? Kambe ku biha ka hina ku kwihi, ni xidyoho xa hina hi xihi lexi hi nga dyohela Yehovha, Xikwembu xa hina, ha xona xana?’

Yeremiya 1:3

ri va kona ni le mikarhini ya Yoyakimi, n'wana Yosiya, hosi ya Yuda, ku yisa eku heteleleni ka lembe ra khume na rin'we ra ku fuma ka Sedekiyasi, n'wana Yosiya, hosi ya Yuda, enkarhini lowu va Yerusalema va yisiwaka evukhumbini, hi n'hweti ya vuntlhanu.

2 TIKRONIKA 34:21

“Fambani, mi ya ndzi vutisela Yehovha, ni lava seleke va Israele ni va Yuda, emhakeni ya marito ya buku leyi va yi kumeke, hikuva vukari bya Yehovha lebyi a hi karihelaka ha byona byikulu, hikuva vatata wa hina a va hlayisangi rito ra Yehovha ku endla hinkwaswo hilaha ku tsariweke hakona ebukwini leyi.”

Duteronoma 31:17

Kambe vukari bya mina byi ta va pfurhela hi siku lero, kutani ndzi ta va tshika, ndzi va fihlela mombo wa mina, va ta dyiwa, kutani makhombo layo tala ni nhlomulo swi ta va wela ehenhla kutani va ta ku hi siku leri: ‘A hi leswi Xikwembu xa mina xi nga riki xikarhi ka hina leswi makhombo lawa ma ndzi weleke ehenhla xana?’

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

Yeremiya 37:20

Kutani sweswi, hosi yanga! Wa nga yingisa xikhongelo xa mina; a xi amukeriwe emahlweni ka wena; u nga ndzi tlheriseli endlwini ya Yonatani mutsari, ndzi nga ti fela kona.”

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;

Ezekiele 12:3

Hikwalaho, n'wana wa munhu, u tilunghisela nhundzu ya ku rhurha, u rhurha ni nhlekanhi emahlweni ka vona; u ta suka halenu, u ya kun'wana emahlweni ka vona. Kumbe va ta swi vona leswaku i va yindlu ya ku tiarisa.

Daniele 9:18

Rhiya ndleve, Xikwembu xa mina, u yingisa; hanyanya, u languta marhumbi ya hina, ni muti lowu vuriwaka hi vito ra wena, hikuva ni loko hi veka swikhongelo emahlweni ka wena, a hileswaku hi tidzunisa hi ku lulama ka hina, kambe swi ri ntsena hikwalaho ka tintswalo letikulu ta wena.

Yuwele 2:12

“Hambi ku ri namuntlha,” ku vula Yehovha, “vuyani eka mina hi timbilu ta n'wina hinkwato, mi titsona swakudya, mi rila, mi tiba swifuva.

Yuwele 2:13

Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.