Yeremiya 34:15 - Xitsonga (Bibele)

¹⁵ N'wina kutani, a mi hundzukile, a mi endla swo lulama emahlweni ka mina, hi ku vula timfanelo ta ku tshunxeka ka un'wana ni un'wana eka makwavo; a mi endlile ntwanano emahlweni ka mina, endlwini leyi vito ra mina ri vuriwaka ehenhla ka yona.

BIBELE Mahungu Lamanene

¹⁵ A hi khale mi hundzukile mi endla leswi lulameke emahlweni ka mina: Mi byerile varikwenu lava a va ri mahlonga ya n'wina leswaku ma va ntshunxa! Mi tibohele sweswo mi ri endlwini leyi vito ra mina ri vuriwaka eka yona.

Yeremiya 34:15 Referans Kwoze

Yeremiya 34:8

Rito ri hume eka Yehovha, ri ta eka Yeremiya, loko hosi Sedekiyasi a endle ntwanano ni tiko hinkwaro leri nge Yerusalema, leswaku va vula mfanelo yoleyo:

2 TIHOSI 23:3

Hosi yi yima exiyimisweni, kutani yi tiboha emahlweni ka Yehovha ku landza Yehovha, ni ku hlayisisa milawu ya yena, ni marito ya yena, ni ku lerisa ka yena hi mbilu hinkwayo ya yona ni moya hinkwawo wa yona, ni ku chivirika hi marito ya ntwanano lowu, lama tsariweke ebukwini leyi. Kutani tiko hinkwaro ri nghena entwananweni lowu.

Nehemiya 10:29

va hlangana ni vamakwavo va tihosana, va nghena na vona eku hlambanyeni ni le ku tiyiseni, va ku va ta famba emilawini ya Xikwembu, leyi va yi nyikiweke hi Muxe, nandza wa Xikwembu, va ta hlayisa ku lerisa hinkwako ka Yehovha, hosi ya hina ni marito ya yena ni milawu ya yena, va ta famba ha swona.

Matewu 15:8

‘Tiko leri ra ndzi chava hi milomu ya rona: kambe timbilu ta vona ti le kule na mina ngopfu.

Yeremiya 32:34

Kambe va vekile manyala ya vona endlwini leyi vito ra mina ri vuriwaka ehenhla ka yona va yi nyamisa.

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.

Pisalema 119:106

Ndzi hlambanyile, ndzi tiyisa, ndzi ku: Ndzi ta famba hi milawu ya ku lulama ka wena.

Pisalema 76:11

Vulani ku hlambanya ka n'wina eka Yehovha Xikwembu xa n'wina, mi va mi ku hlayisa, Hinkwavo lava n'wi rhendzelaka exikarhi a va tise tinyiko eka Loyi a chavisaka!

2 TIHOSI 14:3

A endla leswo lulama emahlweni ka Yehovha, ntsena ku nga ri kukotisa Davhida, tata wa yena; a endla hinkwaswo hi laha Yowasi, tata wa yena a endleke hakona.

2 TIHOSI 12:2

Yowasi a endla leswi lulameke emahlweni ka Yehovha hi masiku hinkwawo ya yena, hikuva muprista Yehoyada a a n'wi dyondzisa.

Levhitika 25:10

Mi ta hlawula lembe ra ntlhanu wa makume, mi va mi huwelela ku tshunxeka ka vaaki hinkwavo va tiko. Ri ta va ka n'wina lembe ra ku tsaka, ra Jubili; un'wana ni un'wana wa n'wina u ta tlhelela endzhakeni ya yena, kambe un'wana ni un'wana u ta tlhelela eka rikwavo.