Yeremiya 34:13 - Xitsonga (Bibele)

¹³ “Ku vula Yehovha Xikwembu xa Israele: A ndzi endlile ntwanano ni vatata wa n'wina, hi nkarhi lowu ndzi va humeseke etikweni ra Egipta, endlwini ya vukhumbi, ndzi ku:

BIBELE Mahungu Lamanene

¹³ “Mina HOSI Xikwembu xa Israele ndzi ri, ndzi endlile ntwanano ni vatata wa n'wina, siku ndzi va humeseke evuhlongeni le tikweni ra Egipta, ndzi ku ka vona:

Yeremiya 34:13 Referans Kwoze

Vaavanyisi 6:8

Yehovha a rhuma wanuna wa muprofeta eka vana Vaisraele, a ku eka vona: “Yehovha Xikwembu xa Israele, u ri: ‘Ndzi mi humesile eEgipta, ndzi mi humesile endlwini ya vukhumbi.

Yoxuwa 24:17

Hikuva Yehovha i Xikwembu xa hina. Hi yena la hi humeseke, hina ni vatata wa hina, etikweni ra Egipta endlwini ya vukhumbi, ni loyi a endleke emahlweni ka hina, mahlori lamakulu lawa; hi yena kambe la hi hlayiseke endleleni hinkwayo leyi hi fambeke eka yona, ni le xikarhi ka matiko hinkwawo lawa hi hundzeke exikarhi ka wona.

Yeremiya 31:32

Ku nga ri kukota ntwanano lowu ndzi wu endleke na vatata wa vona siku ndzi va khomaka hi voko ku va humesa etikweni ra Egipta, va nga lava nga tshova ntwanano wa mina, kasi a ndzi ri n'wini wa vona, ku vula Yehovha.

Duteronoma 5:27

Tshinela u ri wena, u ta yingisa hinkwaswo leswi vuriwaka hi Yehovha, Xikwembu xa hina, kutani u ta hi byela hinkwaswo leswi Yehovha, Xikwembu xa hina, xi ku byeleke swona, hi ta swi yingisa kambe hi ta swi endla.’

Eksoda 24:3

Kwalaho Muxe a ya byela vanhu timhaka hinkwato ta Yehovha, ni ku lerisa hinkwako. Kutani tiko ri hlamula hi rito rin'we, ri ku: “Timhaka hinkwato leti vuriweke hi Yehovha hi ta ti endla.”

Yeremiya 11:7

Hikuva ndzi tshama ndzi byela vatata wa n'wina, siku ndzi va humesaka etikweni ra Egipta ku fika namuntlha, ndzi ri karhi ndzi pfuka nimpundzu, ndzi huwelela, ndzi ku: “Yingisani rito ra mina.”

Yeremiya 11:4

lowu ndzi wu leriseke vatata wa n'wina, siku ndzi va humesaka etikweni ra Egipta, ehondweni ya nhumbu, ndzi ku: Yingisani rito ra mina, mi endla hinkwaswo leswi ndzi mi lerisaka swona; hilaha mi nga ta va tiko ra mina, mina ndzi va Xikwembu xa n'wina;

Yeremiya 7:22

hikuva a ndzi byelanga vatata wa n'wina, kambe a ndzi va nyikangi ku lerisa hikwalaho ka tiholokosta ni hikwalaho ka magandzelo, siku ndzi va humeseke etikweni ra Egipta,

Duteronoma 29:1

Hi wona marito ya ntwanano lowu Yehovha a leriseke Muxe ku wu endla ni vana va Israele etikweni ra u Mowabu, wu ri handle ka ntwanano lowu a nga wu endla na vona eHorebe.

Duteronoma 24:18

U ta anakanya leswaku a wu ri khumbi eEgipta, ni leswaku Yehovha, Xikwembu xa wena, a ku kutsurile kona; hikwalaho ndzi ku lerisaka ku endlisa sweswo.

Duteronoma 16:12

u ta tsundzuka leswaku a wu ri khumbi eEgipta kutani u ta hlayisa ni ku endla ku lerisa loku.

Duteronoma 15:15

u ta tsundzuka leswaku a wu ri khumbi eEgipta; ni leswaku Yehovha, Xikwembu xa wena, a ku kutsurile; hikwalaho ndzi ku nyikaka nawu lowo namuntlha.

Duteronoma 13:10

u ta n'wi khandla hi maribye leswaku a fa; hikuva u lavile ku ku susumetela ekule na Yehovha, Xikwembu xa wena la ku humeseke etikweni ra Egipta, endlwini ya vukhumbi.

Duteronoma 8:14

mbilu ya wena yi nga tshuki yi tikurisa, u va u rivala Yehovha, Xikwembu xa wena, lexi ku humeseke etikweni ra Egipta, endlwini ya vukhumbi,

Duteronoma 7:8

kambe hi leswi Yehovha a mi rhandzaka, naswona a hlayisa ku hlambanya loku a ku hlambanyeleke vatata wa n'wina; hikwalaho ka swona Yehovha a mi humeseke hi voko ra matimba, kambe u ku kutsurile endlwini ya vukhumbi, evokweni ra Faro, hosi ya Egipta.

Duteronoma 6:12

u ta chava ku rivala Yehovha la ku humeseke etikweni ra Egipta, endlwini ya vukhumbi.

Duteronoma 5:6

“ ‘Hi mina Yehovha, Xikwembu xa wena, la ku humeseke etikweni ra Egipta ni le ndlwini ya vukhumbi.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

Yeremiya 34:12

Kutani rito ra Yehovha ri ta eka Yeremiya, ri ku: