Yeremiya 34:1 - Xitsonga (Bibele)

¹ Rito ri hume eka Yehovha ri ta eka Yeremiya, loko Nebukadnetsara, hosi ya Babilona ni mavandla ya yena hinkwawo, ni ku fuma hinkwako ka matiko lama fumiwaka hi voko ra yena, ni matiko hinkwawo, va lwa na Yerusalema, ni miti hinkwayo ya matlhelo ya kona, ri ku:

BIBELE Mahungu Lamanene

¹ Siku rin'wana, Nebukadnetsara hosi ya Babilona a ta ni mavuthu ya yena hinkwawo ku ta hlasela muti wa Yerusalema, ni miti leyi nga kusuhi na wona; naswona a ta ni mavuthu ya matiko hinkwawo lama nga hansi ka yena. Kutani Yeremiya a rhwexiwa rito hi HOSI Xikwembu:

Yeremiya 34:1 Referans Kwoze

Yeremiya 1:15

Kambe vonani, ndzi ta rhamba matiko hinkwawo ya ku fuma ka le n'walungwini,” ku vula Yehovha, “leswaku rin'wana ni rin'wana ri ta veka xiluvelo xa rona emitsendzeleni ya tinyangwa ta Yerusalema, ni le mahlweni ka marhangu hinkwawo ya kona, hi ku rhendzela, ni le mahlweni ka miti hinkwayo ya Yuda.

Yeremiya 32:2

Mavandla ya hosi ya Babilona a ma sivelela Yerusalema, kutani muprofeta Yeremiya a pfaleriwile exivaveni xa khotso, endlwini ya hosi ya Yuda, laha Sedekiyasi, hosi ya Yuda, yi n'wi pfaleleke kona,

Daniele 5:19

Kutani hikwalaho ka vukulukumba lebyo ngi xi n'wi nyikile byona, vanhu va tinxaka hinkwato, ni va matiko hinkwawo, ni va tindzimi hinkwato, a va ri ni ku chava, va rhurhumela emahlweni ka yena; a tshama a dlaya loyi a rhandzaka ku n'wi dlaya, a hanyisa loyi a rhandzaka ku n'wi hanyisa, a tlakusa loyi a rhandzaka ku n'wi tlakusa, a tsongahata loyi a rhandzaka ku n'wi tsongahata.

Daniele 4:22

wu ringanisa wena, hosi, wena u nga kula u kuma matimba, wena loyi vukulu bya wena byi kuleke byi fika etilweni, ni ku fuma ka wena ku naveke ku yisa emakumu ka misava.

Daniele 4:1

Mina, hosi Nebukadnetsara, ndzi tsalela vanhu hinkwavo, ni matiko, ni va tindzimi hinkwato, lava akeke ematikweni hinkwawo, ndzi ri: Ku tsaka a ku mi talele!

Yeremiya 34:7

Hi loko mavandla ya hosi ya Babilona ma ri karhi ma lwa na Yerusalema, ni miti hinkwayo ya Yuda leyi seleke: A lwa na Lakixi, na Azeka, hikuva a yi ri miti ya makhokholo leyi nga sala exikarhi ka miti ya Yuda.

Yeremiya 21:2

“Wa nga hi vutisela eka Yehovha hikuva Nebukadnetsara, hosi ya Babilona, wa hi hlasela; kumbe Yehovha a nga hi endlela rin'wana ra masingita ya yena, leswaku loyi a suka eka hina.”

Yeremiya 32:1

Hi rona rito leri nga ta eka Yeremiya, ri huma eka Yehovha, hi lembe ra khume ra Sedekiyasi, hosi ya Yuda ri nga lembe ra 18 ra Nebukadnetsara.