Yeremiya 33:9 - Xitsonga (Bibele)

⁹ Muti lowu eka mina, wu ta va vito ro tsaka, ni tinsimu, ni ku kwetsima emahlweni ka matiko hinkwawo ya misava, lama nga ta twa vunene hinkwabyo lebyi ndzi nga ta va endlela byona; va ta chava, va rhurhumela hikwalaho ka vunene hinkwabyo ni ku tsaka hinkwako leswi ndzi nga ta va endlela swona.

BIBELE Mahungu Lamanene

⁹ Loko vanhu va misava hinkwayo va twa hinkwaswo leswinene leswi ndzi swi endlelaka va le Yerusalema, va ta ndzi tsakela, va ndzi dzunisa ni ku ndzi twarisa; loko va vona ku kateka ni ku rhula loku ndzi ku tiselaka Yerusalema, va ta hlamala va ndzi komba xichavo.’ ”

Yeremiya 33:9 Referans Kwoze

Esaya 60:5

“U ta swi vona, kutani u ta tsaka, mbilu ya wena yi ta tlulatlula, yi va yi ahlama hi ku tsaka, hikuva rifuwo ra lwandle ri ta kongoma wena, vukosi bya matiko byi ta ta eka wena.

Yeremiya 13:11

Hikuva kukotisa loko vamba ri namarhele xisuti xa munhu, a ndzi tinamarhetile yindlu hinkwayo ya Israele ni ya Yuda hinkwayo, ku vula Yehovha, leswaku ri va tiko ranga ni ku twala ka mina, ni ku dzuna ka mina, ni ku kwetsima ka mina. Kambe va arile ku yingisa.

Esaya 62:7

Mi nga tshuki mi n'wi nyika nkarhi, ku kondza a pfuxeta Yerusalema, a va a wu twarisa la emisaveni.

Nehemiya 6:16

Kuteloko valala hinkwavo va hina va swi twa, va matiko hinkwawo lama hi rhendzeleke va tshuka, va pfimba timbilu, va chava hi ku vona leswaku mitirho yoleyo yi endliwile hi Xikwembu xa hina.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Yeremiya 31:4

Ndzi ta ku aka, kutani u ta va u akiwile, wena, nhwanyana wa Israele! U ta va u tibombisa hi mirumba ya wena, u ta huma u famba exiyin'weni xa vatsaki.

Yeremiya 26:6

ndzi ta endla yindlu leyi kukotisa Xilo, ni muti lowu, ndzi wu endla eXilo lexo rhukaniwa hi matiko hinkwawo ya misava.’ ”

Esaya 62:12

Va ta vuriwa tiko ro kwetsima, vakutsuriwa va Yehovha, kutani wena u ta thyiwa la laviwaka, muti lowu nga tshikiwiki.

Pisalema 40:3

U nghenise enon'wini wa mina risimu lerintshwa, Ku dzunisa Xikwembu xa hina. Lavo tala va swi vonile va ve ni ku chava, Kutani va tshembile Yehovha.

Zakariya 12:2

“Vonani, ndzi ta endla ha Yerusalema, xinwelo xa sululwana eka matiko hinkwawo ya matlhelo, ni ka Yuda swi va tano, loko ku sivelelwa Yerusalema.

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Yeremiya 29:1

Hi lawa marito ya tsalwa leri muprofeta Yeremiya a ri rhumeleke a ri Yerusalema, eka vakulukumba lava seleke eku bohiweni, ni ka vaprista, ni ka vaprofeta, ni ka tiko hinkwaro, lava Nebukadnetsara a nga va khoma eYerusalema, a va yisa Babilona.

Yeremiya 3:17

Emikarhini yoleyo va ta vula leswaku Yerusalema, i xiluvelo xa Yehovha; matiko hinkwawo ma ta hlengeletana eYerusalema, hi vito ra Yehovha, kutani a va nga ha rhambi hi ku nonon'hwa ka timbilu ta vona.

Estere 8:17

Etikweni rin'wana ni rin'wana, ni le mutini wun'wana ni wun'wana, eswivandleni hinkwaswo leswi rito ra hosi ni ku lerisa ka yona swi fikeke eka swona, Vayuda va tshamisa eku tsakeni ni le ku tsakisiseni va endla nkhuvo hi siku lerinene; ku tsandza ni lavanyingi exikarhi ka vanhu va matiko va tiendla Vayuda, hikuva ku chava ka Vayuda a ku va wele ehenhla.

2 TIKRONIKA 20:29

Kutani ku chava Xikwembu ku va eku fumeni hinkwako ka matiko ya matlhelo, loko va yingisa leswaku Yehovha u lwile ni valala va Israele.

Pisalema 130:4

Hikuva ku rivalela ku le ka wena, Leswaku u chaviwa.

Esaya 55:13

Ematshan'weni ya mitwa ku ta kula kipresi, ematshan'weni ya mphasamhala, ku ta kula mirta; swi ta twarisa Yehovha, xi ta va xikombiso lexi nga heriki, lexi nga herisiwiki.”

Esaya 62:4

U nga ka u nga ha vuriwi la tshikiweke va nga ka va nga ha vuri tiko ra wena swirilo kambe u ta vuriwa: Ndzi titsakele ha yena, ni tiko ra wena Mutekiwa; hikuva Yehovha u ta titsakela ha wena, ni tiko ra wena ri ta va ni nuna.

Esaya 64:2

ku fana ni ku pfurha ka ndzilo wa tihunyi leti omeke, hilaha ndzilo wu virisaka mati; valala va wena va ta tiva vito ra wena, matiko ma ta rhurhumela emahlweni ka wena.

Yeremiya 3:19

Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Yeremiya 24:6

Ndzi ta va languta hi tihlo lerinene ndzi va tlherisela etikweni lero ndzi va akisa, ndzi nga va onhi; ndzi va byala, ndzi nga va tsuvuri.

Yeremiya 32:42

“Hikuva, ku vula Yehovha: Kukotisa loko ndzi tisele ku biha lokukulu hinkwako ehenhla ka tiko leri, na swona, ndzi ta tisa eka vona vunene hinkwabyo lebyi ndzi byi vuleke eka vona.

Yeremiya 33:14

“Vona, ku vula Yehovha, ma ta masiku lawa ndzi nga ta hetisa rito ra vunene leri ndzi ri vuleke hikwalaho ka yindlu ya Israele, ni hikwalaho ka yindlu ya Yuda.

Yeremiya 49:25

Swi lo yini-ke, muti wa vubombi, muti wa ku tsakisa ka mina, a wu tshikiwanga?

Ezekiele 26:20

ndzi ta ku cukumeta kun'we ni lava nghenaka enceleni, eka vanhu va khale, ndzi ku akisa emisaveni ya le hansi, emarumbini ya khale, kun'we ni lava ngheneke enceleni, leswaku a ku nga ha akiwi; ndzi ta veka ku kwetsima etikweni ra lava hanyaka.

Ezekiele 39:13

Vanhu hinkwavo va tiko va ta va lahla, ri ta va eka vona siku ro twala, leri ndzi nga ta titwarisa ha rona, ku vula Hosi Yehovha.

Duteronoma 30:5

Yehovha, Xikwembu xa wena, xi ta ku vuyisa etikweni leri vatata wa wena va ri fumeke, kutani u ta ri fuma, xi ku katekisa, xi ku andzisa ku tlurisa vatata wa wena.

Esaya 43:21

Tiko leri ndzi tiendleleke rona ri ta vula ku dzuneka ka mina.

Esaya 62:1

Hikwalaho ka Siyoni, ndzi nga ka ndzi nga miyeri, hikwalaho ka Yerusalema, ndzi nga ka ndzi nga wisi, ku hlayiseka ka yena ku kondza ku vonakala kukota vurhonga, ni ku pona ka yena kukotisa rivoningo.

Yeremiya 31:14

Ndzi ta xurhisa mimoya ya vaprista hi mafurha, kutani tiko ra mina ri ta xurha ku nandzihaka mina, ku vula Yehovha.”

Ezekiele 36:35

Va ta ku: ‘Misava yoleyo, leyi ngi yi hlaseriwile, yi hundzuke yi fana ni ntanga wa Edeni; miti leyi ingi yi endliwile marhumbi, ni mananga, ni ku nhlanhliwa, yi akiwa kutani, ma va makhokholo!’

Zakariya 1:17

Engeta u tlakusa rito, u ku: Yehovha wa tinyimpi u ri: Miti ya mina yi ta tala mikateko, yi ko yi khapakhapa; Yehovha wa ha ta chavelela Siyoni, a tihlawulela Yerusalema.’ ”