Yeremiya 33:2 - Xitsonga (Bibele)

² “Ku vula Yehovha la nga ta endla swoleswo, Yehovha la swi lunghisaka leswaku a swi tirha, loyi Yehovha ri nga vito ra yena.

BIBELE Mahungu Lamanene

² “HOSI Xikwembu lexi endlaka makungu, lexi vumbeke misava xi tlhela xi yi tiyisa, vito ra xona i HOSI, kutani xi vurisa sweswo xi ri:

Yeremiya 33:2 Referans Kwoze

Esaya 37:26

“ ‘A ku swi twangi hilaha ndzi lunghiseke hakona swilo leswi khale xana? Ndzi swi kanerile emasikwini ya khale ngopfu, sweswi ndza swi tshika, swi humelela leswaku u endla marhumbi hi miti ya makhokholo.

Eksoda 15:3

Yehovha i nhenha ya matimba, Vito ra yena i Yehovha.

Eksoda 6:3

Ndzi tikombisile eka Abrahama, ni le ka Isaka, ni le ka Yakobo, ndzi ri Xikwembu xa matimba hinkwawo, kambe vito ra mina ra Yehovha a ri nga tiviwi hi vona.

Nhlavutelo 21:10

Kutani yi ndzi yisa hi moya entshaveni leyikulu, leyo leha, yi ndzi kombisa muti lowo kwetsima, Yerusalema, lowu xikaka hi le tilweni eka Xikwembu, wu ri ni ku kwetsima ka Xikwembu; rivoningo ra wona ri fana ni ribye ra nkoka lowukulu, kukotisa ribye ra yaspere, leri vonikelaka kukota kristala.

Esaya 62:7

Mi nga tshuki mi n'wi nyika nkarhi, ku kondza a pfuxeta Yerusalema, a va a wu twarisa la emisaveni.

Esaya 43:21

Tiko leri ndzi tiendleleke rona ri ta vula ku dzuneka ka mina.

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Esaya 14:32

Va ta ku yini ka lava rhumiweke hi tiko? Va ta ku: “Yehovha u akile masungulo ya Siyoni, kutani lava khombo va tiko ra yena va chavela kona.”

Pisalema 102:16

Kutakuloko Yehovha a ta pfuxa Siyoni, U ta tikombisa eku kwetsimeni ka yena.

Pisalema 87:5

Ni le Siyoni va ta ku: “Un'wana ni un'wana u velekiwe kona,” Muungameri la tlakukeke hi yena la wu tiyisaka.

Nhlavutelo 21:2

Ndzi vona ni muti lowo kwetsima, Yerusalema lowuntshwa, lowu xikaka hi le tilweni eka Xikwembu, wu tilunghisile kukota mutekiwa la tibombiseleke nuna wa yena.

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Vaheveru 11:10

Hikuva a a langutele muti lowu nga ni masungulo, lowu Xikwembu xi nga muaki ni musunguri wa wona.

Amosi 9:6

Wa aka tindlu ta yena leti tlakukeke etilweni, u veka tilo ri endla lwangu ehenhla ka misava, u vitana mati ya lwandle a ma halatela henhla ka misava; vito ra yena i Yehovha.

Amosi 5:8

kasi hi yena la endleke Xirimela ni Nhlahle; la hundzuluxaka munyama wu endla ku vonakala ka mixo, ninhlekanhi wu hundzuka munyama; u vitana mati ya lwandle, kutani u ma chululela ehenhla ka misava; Yehovha i vito ra yena.

Yeremiya 32:18

U endlile hi tintswalo ku yisa etinxakeni ta madzana, u vuyisile ku homboloka ka vatatana exifuveni xa vana va vona endzhaku ka vona; hi wena Xikwembu lexikulu, xa matimba, lexi vito ra xona a nga Yehovha wa mavandla.

Yeremiya 10:16

Ku averiwa ka Yakobo a ku kotisi leswo tano, hikuva hi yena la vumbeke swilo hinkwaswo, kutani Israele i tiko leri nga ndzhaka ya yena; Yehovha wa tinyimpi i vito ra yena.

Yeremiya 16:21

“Hikwalaho-ke, langutani sweswi ndzi ta va tivisa voko ra mina ni matimba ya mina, kambe ndza ha ta va tivisa swona; kutani va ta tiva leswaku vito ra mina i Yehovha.”

Yeremiya 51:19

Loyi a nga ku avela eka Yakobo a nga fani na swona; hikuva hi loyi a vumbeke swilo hinkwaswo, kutani Israele i ku averiwa ka yena; Yehovha wa tinyimpi i vito ra yena.

Esaya 42:8

Hi mina Yehovha, hi rona vito ra mina, ndzi nga ka ndzi nga nyiki un'wana ku vonakala ka mina, ni swifaniso ku vongiwa ka mina.