Yeremiya 33:11 - Xitsonga (Bibele)

¹¹ ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

BIBELE Mahungu Lamanene

¹¹ Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Yeremiya 33:11 Referans Kwoze

1 TIKRONIKA 16:34

Dzunisani Yehovha, hikuva u lulamile, Hikuva tintswalo ta yena ti kona hi masiku!

Pisalema 107:22

A swi humese magandzelo yo khensa, A swi twarise mitirho ya yena hi ku huwelela ka ku tsaka!

Pisalema 107:1

Dzunisani Yehovha, hikuva u lulamile, Hikuva tintswalo ta yena hi leti nga heriki.

Pisalema 106:1

Dzunisani Yehovha! Dzunisani Yehovha, hikuva u lulamile, Hikuva tintswalo ta yena hi leti nga heriki.

Vaheveru 13:15

Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

Esaya 51:11

Vakutsuriwa va Yehovha va ta tlhela va nghena eSiyoni hi tinsimu ta ku tsaka; ku tsaka loku nga heriki ku ta va etinhlokweni ta vona, ku tsaka ni ku tsakisisa swi ta tshama na vona; ku vaviseka ni mikosi swi ta va balekela.

2 TIKRONIKA 29:31

Kutani Hezekiya a vulavula, a ku: “Leswi mi tihlawuleleke Yehovha, tshinelani sweswi, mi tisela yindlu ya Yehovha switlhavelo ni magandzelo ya ku khensa!” Kavaloko nhlengeletano yi tisa switlhavelo ni magandzelo ya ku khensa, kutani hinkwavo lava nga swi rhandza va humesa tiholokosta.

2 TIKRONIKA 5:13

kutani lava yimbaka tinanga ni lava yimbelelaka a va fanela ku yimbelela swin'we, hi rito rin'we ku dzunisa ni ku vonga Yehovha; kutani, kakuloko va yimba tinanga ni swiphambati, ni timbila tin'wana ni loko va yimbelela, va ku: “Dzunisani Yehovha, hikuva i wa vunene, hikuva tintswalo ta yena ti kona hi masiku!” Kavaloko yindlu, yindlu ya Yehovha yi tatiwa hi papa;

Nhlavutelo 18:23

Ku vonakala ka mavoningo a ku nga ha voningi eka wena, ni rito ra muteki ni ra mutekiwa, a ri nga ha twakari eka wena; hikuva vaxavisi lava nga eka wena a va ri vakulukumba va misava, hikuva matiko hinkwawo ma hambukisiwile hi madambi ya wena.

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

1 TIKRONIKA 16:8

“Dzunisani Yehovha, khongelani vito ra yena! Tivisani exikarhi ka matiko, mitirho leyikulu ya yena!

Zakariya 8:19

“Yehovha wa tinyimpi u te: Ku titsona swakudya ka n'hweti ya vumune, ni ka ya vuntlhanu, ni ka ya vuntlhanu na timbirhi ni ka ya vukhume, swi ta hundzukela yindlu ya Yuda ku tsaka ni mikhuvo leyinene; ntsena mi tirhandzela ntiyiso ni ku rhula.

Sofoniya 3:14

Yimbelela hi ku tsaka, nhwanyana wa Siyoni! Israele, huwelela, u tsaka! U va u tsakisisa hi mbilu hinkwayo wena nhwanyana wa Yerusalema!

Yeremiya 33:7

ndzi vuyisa va Yuda lava khomiweke, ni va Israele lava khomiweke, ndzi tlhela ndzi va akisa kukotisa emikarhini ya khale.

Yeremiya 7:34

Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Esaya 52:9

Banani mikulungwana, n'wina hinkwenu swin'we, marhumbi ya Yerusalema; hikuva Yehovha u chavelerile tiko ra yena, u kutsule Yerusalema!

Pisalema 116:17

Ndzi ta ku gandzela hi timhamba ta mikhenso, Ndzi ta vitana vito ra Yehovha.

2 TIKRONIKA 7:3

Kutani vana va Israele hinkwavo va vona ndzilo ni ku kwetsima ka Yehovha loko swi xika endlwini, kutani va korhama ehansi emaribyeni, va khinsama va dzunisa Yehovha, va ku: “Hikuva i wa vunene, hikuva tintswalo ta yena hi leti nga heriki.”

Zakariya 10:7

Efrayimi u ta kota nhenha; timbilu ta vona ti ta tsaka kukotisa loko swa nga va nwile vhinyo. Vana va vona va ta swi vona, va tsaka; timbilu ta vona ti ta titsakela eka Yehovha.

Zakariya 9:17

Hikuva ku saseka ka vona ku ta va lokukulu! Koro yi ta kurisa varisanyana, ni vhinyo leyintshwa vanhwanyana.

Yonasi 2:9

Lava tinyiketaka eka leswa hava, va titsonela tintswalo.

Yeremiya 33:26

na kona ndzi ta tshika vatukulu va Yakobo ni va Davhida, nandza wa mina ndzi nga ha tshuki ndzi teka evaneni va yena la nga ta fuma vatukulu va Abrahama, ni va Israele, ni va Yakobo; hikuva ndzi ta vuyisa vakhomiwa va vona, ndzi va tsetselela.”

Yeremiya 25:10

Ndzi ta miyeta eka vona rito ra ku tsaka, ni rito ra muteki, ni rito ra mutekiwa mpfumawulo wa ribye ni ku vonakala ka rivoni.

Yeremiya 16:9

Hikuva, Yehovha wa tinyimpi, Xikwembu xa Israele u vula a ku: Maswivo, ndzi ta miyeta exivandleni lexi, emahlweni ka n'wina ni le mikarhini ya n'wina, rito ra ku tsaka ni rito ra ku rhula rito ra muteki ni rito ra mutekiwa.

Nehemiya 12:43

Siku rero Vaisraele va tlhava magandzelo lamakulu va tsaka, hikuva Xikwembu a xi va tsakisile hi ku tsaka lokukulu; swi tsandza ni vavasati ni vana a va tsaka; ku tsaka ka Yerusalema, ku twakala kule.

Nehemiya 8:12

Kutani tiko hinkwaro ri suka ri ya dya, ni ku nwa, va rhumela van'wana swakudya, va endla nkhuvo lowukulu, hikuva a va twisisile marito lawa va ma byeriweke.

Ezra 6:22

Va endla nkhuvo wa swinkwa leswo kala comela, hi masiku ya ntlhanu na mambirhi hi ku tsaka, hikuva Yehovha a a va tsakisile, ni ku kucetela mbilu ya hosi ya Asiriya, leswaku yi tiyisa mavoko ya vona emitirhweni ya yindlu ya Xikwembu, ya Xikwembu xa Israele.

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

2 TIKRONIKA 20:21

Kutani a endla makungu ni tiko leswaku va ta veka vanhu ku yimbelelela Yehovha ni ku n'wi dzunisa, va ambele tinguvu ta vuvombi leti hlawuliweke va ta rhangela nyimpi, va ku: “Dzunisani Yehovha, hikuva tintswalo ta yena hi leti nga heriki!”

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

Yeremiya 17:26

Kambe va ta suka emitini ya Yuda, ni le matlhelweni ya Yerusalema, ni le tikweni ra Benjamini, ni le rivaleni, ni le ntshaveni, ni tlhelo ra dzonga, va tisa tiholokosta ni magandzelo, ni mihlengo, ni mirhi ya risuna, va tisa ni magandzelo ya ku khensa endlwini ya Yehovha.

Yeremiya 30:19

Ka ha ta huma eka yona ku khensa ni rito ra lava tsakeke; ndzi ta va tatisa, va nga ha ti tshama va hungutiwa; ndzi ta va dzunisa, va nga ti soriwa.

Yeremiya 32:44

Masimu ma ta xaviwa hi mali, va ta tsala matsalwa ya nxavo, va ma tiyisa, va teka timbhoni, etikweni ra Benjamini ni le matlhelweni ya Yerusalema, ni le mitini ya Yuda, ni le mitini ya le ntshaveni, ni le mitini ya le rivaleni, ni le mitini ya tlhelo ra n'walungu; hikuva ndzi ta vuyisela lava khomiweke va vona, ku vula Yehovha.”

Nahume 1:7

Yehovha u ni tintswalo, i xichavelo esikwini ra khombo, u tiva lava chavelaka eka yena.

Pisalema 85:7

Oho Yehovha, hi kombise vunene bya wena, U hi nyika ku hlayiseka ka wena!

Pisalema 147:13

Hikuva u tiyisa tinghole ta tinyangwa ta wena, U katekisa vana va wena exikarhi ka wena.

Esaya 52:8

Yingisa tinhlori ta wena! Ti tlakusa rito, ti huwelela swin'we; hikuva hi mahlo ya tona, ti vona ku vuya ka Yehovha eSiyoni:

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Amosi 9:14

Ndzi ta tshunxa tiko ra mina ra Israele evukhumbini bya rona, kutani va ta pfuxa miti leyi onhakeke va aka kona; va ta rima masimu ya vhinya, va nwa vhinyo ya wona, va ta rima mitanga ya mirhi va dya mihandzu ya yona.