Yeremiya 32:8 - Xitsonga (Bibele)

⁸ “Kutani Hanamele, n'wana tatana lontsongo, a ta eka mina exivaveni xa khotso, hilaha Yehovha a vuleke hakona, a ku eka mina: ‘A ku ndzi xaveri nsimu ya mina, leyi nga eAnatoto, etikweni ra ka Benjamini, hikuva mfanelo ya ku hlayisa i ya wena, ni yo kutsula i ya wena; u tixavela yona.’ Kutani ndzi tiva leswaku i rito ra Yehovha.

BIBELE Mahungu Lamanene

⁸ Kutani ku humelela leswi HOSI Xikwembu xi swi vuleke: Makwerhu Hanamele a ta eka mina le xivaveni xa varindzi, a ku ka mina: ‘Ndzi kombela leswaku u xava nsimu ya mina leyi nga le Anatoto, etikweni ra Benjamini, hikuva hi wena u nga ni fanelo ya ku kuma nsimu ya kona ni ku yi hlayisa. Tixavele yona!’ Hiloko ndzi swi vona leswaku mhaka ya kona yi fambisiwa hi HOSI Xikwembu.

Yeremiya 32:8 Referans Kwoze

Yeremiya 32:7

Vona Hanamele, n'wana Xalumi, makwavo wa tatana, u ta ta eka wena, a ku: ‘Ti xavele nsimu ya mina eAnatoto hikuva hi wena la faneleke ku yi kutsula u xava.’

Yeremiya 32:2

Mavandla ya hosi ya Babilona a ma sivelela Yerusalema, kutani muprofeta Yeremiya a pfaleriwile exivaveni xa khotso, endlwini ya hosi ya Yuda, laha Sedekiyasi, hosi ya Yuda, yi n'wi pfaleleke kona,

Yeremiya 33:1

Rito ra Yehovha ri tlhela ri ta eka Yeremiya loko a ha pfaleriwile exivaveni xa khotso, ri ku:

1 TIHOSI 22:25

Kutani Mikaya a ku: “U ta swi vona siku leri u nga ta huma ekamareni yin'wana ku ya tumbela ekamareni yin'wana.”

Yohane 4:53

Kutani tata wa n'wana a tsundzuka leswaku hi wona nkarhi lowu Yesu a nga te eka yena: “N'wana wa wena u hanyile;” kutani a pfumela ni va yindlu ya yena hinkwavo.

Zakariya 11:11

Wu tsemiwa hi siku rero; kutani leti tsaneke ta ntlhambi, leti a ti ndzi langutele, ti swi vona hi sweswo leswaku a ri ri rito ra Yehovha.

1 TIKRONIKA 6:60

wa nyimba ya Benjamini, Geba ni tikwana ra wona, na Alemete, ni tikwana ra wona; na Anatoto ni tikwana ra wona. Miti hinkwayo ya vona a yi ri khume na minharhu, hi tindlu ta vona.

1 TIHOSI 2:26

Loko a ri Abiyatara, muprista, hosi yi ku eka yena: “Suka u famba emasin'wini ya wena, eAnatoto, hikuva u fanekele hi rifu; kambe namuntlha a ndzi nga ku dlayi, hikuva u pingile areka ya Hosi Yehovha emahlweni ka Davhida, tata wa mina, kambe u tsongahatiwile na tatana, eku tsongahatiweni hinkwako ka yena.”

Yeremiya 1:1

Marito ya Yeremiya, n'wana Hilkiya, un'wana wa vaprista va Anatoto, etikweni ra Benjamini.

Yeremiya 32:25

Hambiswiritano, Hosi Yehovha u te eka mina: “U tixavela nsimu yoleyo hi mali, u teka timbhoni,” kasi muti wu nyikiwe emavokweni ya Vakalediya!’ ”

Yeremiya 37:12

Yeremiya a huma eYerusalema, a ya etikweni ra Benjamini, ku huma exikarhi ka tiko.

Ezekiele 12:7

Ndzi endla hilaha ndzi lerisiweke hakona: Ninhlekanhi, ndzi humesa nhundzu ya mina, nhundzu ya ku rhurha, nimadyambu, ndzi boxa khumbi hi mavoko ya mina; loko byi ri vusiku, ndzi humesa nhundzu ya mina, ndzi tirhwexa emakatleni emahlweni ka vona.