Yeremiya 32:41 - Xitsonga (Bibele)

⁴¹ Ndzi ta titsakela ku va endla swinene, ndzi va simeka etikweni leri hi kunene, hi mbilu ya mina hinkwayo, ni moya wa mina hinkwawo.

BIBELE Mahungu Lamanene

⁴¹ Ndzi ta tsaka ku va katekisa hi mbilu ya mina hinkwayo, ndzi va nyika vutshamo lebyi tiyeke etikweni rorero.

Yeremiya 32:41 Referans Kwoze

Yeremiya 24:6

Ndzi ta va languta hi tihlo lerinene ndzi va tlherisela etikweni lero ndzi va akisa, ndzi nga va onhi; ndzi va byala, ndzi nga va tsuvuri.

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Amosi 9:15

“Ndzi ta va byala etikweni ra vona, a va nga ha tlheri va tsuvuriwa etikweni ra vona leri ndzi va nyikeke rona,” ku vula Yehovha, Xikwembu xa wena.

Esaya 62:5

Hilaha jaha ri tekaka wanhwana, hi sweswo vana va wena va ta hlangana na wena; hilaha muvutiwa a tsakisaka muteki, hi sweswo na wena u ta tsakisa Xikwembu xa wena.

Esaya 65:19

Kutani ndzi ta titsakela ha Yerusalema, ndzi ta tsaka hikwalaho ka tiko ra mina; kutani ku nga ka ku nga ha twakali rito ra swirilo, hambi ku ri ku huwelela ka ku chava.

Yeremiya 31:28

Kutani, kukotisa leswi ndzi tshamaka ndzi va langutela ku yimbula, ni ku hahlula, ni ku mbundzuxa, ni ku onha, ni ku endla swo biha, na kona ndzi ta va langutela ku aka, ni ku simeka, ku vula Yehovha.

Yeremiya 18:9

Kambe kungakuloko ndzi byele tiko kumbe vuhosi, leswaku ndzi ta va akisa, ndzi va ndzi va simeka.

Duteronoma 30:9

kutani Yehovha, Xikwembu xa wena, u ta andzisa ku kateka ka wena emitirhweni hinkwayo ya mavoko ya wena, u ta andzisa mihandzu ya khwiri ra wena, ni mihandzu ya swifuwo swa wena, ni mihandzu ya misava ya wena; hikuva Yehovha u ta tlhela a titsakela ha wena a ku katekisa, hilaha u titsakeleke hakona hi vatata wa wena;

Duteronoma 28:63

Kukotisa leswi Yehovha a titsakeleke ku mi katekisa, ni ku mi andzisa, hi sweswo, Yehovha u ta titsakela ku mi lovisa, ni ku mi herisa; kambe mi ta tsuvuriwa emisaveni leyi mi nga ta nghena eka yona ku yi fuma.

Pisalema 80:8

U tsuvule vhinya etikweni ra Egipta, U hlongorile matiko, kutani u yi simeka.

Esaya 62:4

U nga ka u nga ha vuriwi la tshikiweke va nga ka va nga ha vuri tiko ra wena swirilo kambe u ta vuriwa: Ndzi titsakele ha yena, ni tiko ra wena Mutekiwa; hikuva Yehovha u ta titsakela ha wena, ni tiko ra wena ri ta va ni nuna.

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

Esaya 60:21

Ku ta kumiwa lavo lulama ntsena etikweni ra wena, va ta fuma tiko hi masiku; i hluke leri ndzi ri byaleke, i ntirho wa mavoko ya mina, leswaku wu ta ndzi twarisa.

Ezekiele 36:36

Matiko lama nga ta va ma sele ematlhelweni ya n'wina, ma ta tiva leswaku hi mina Yehovha, ndzi pfuxeke leswi ingi swi nhlanhliwile, ndzi byarile kambe leswi ingi swi hlaseriwile! Mina Yehovha, ndzi vulavula, ndzi va ndzi endla.

Hosiya 14:5

Ndzi ta fana ni mberha eka Israele; u ta baleka ku fana ni khon'wa, a mila timitsu kukotisa Lebanoni.