Yeremiya 32:4 - Xitsonga (Bibele)

⁴ Kutani Sedekiyasi, hosi ya Yuda a nga ka a nga phonyoki emavokweni ya Vakalediya, kambe u ta nyiketiwa emavokweni ya hosi ya Babilona; a ta vulavula enon'wini wa yena, ni mahlo ya yena ma ta vona mahlo ya loyi.

BIBELE Mahungu Lamanene

⁴ Sedekiyasi hosi ya Yuda a nga ka a nga chupuki emavokweni ya Vakalediya; hakunene ú ta nyiketiwa eka hosi ya Babilona, a yisiwa emahlweni ka yona, yi n'wi tengisa hi yoxe.

Yeremiya 32:4 Referans Kwoze

Yeremiya 38:23

Vasati va wena hinkwavo, ni vana va wena va ta yisiwa eka Vakalediya, na wena u ta tsandzeka ku pona emavokweni ya vona, kambe u ta khomiwa hi voko ra hosi ya Babilona; kutani muti lowu, wu ta hisiwa hi ndzilo, hikwalaho ka wena.”

Yeremiya 38:18

Kambe loko u nga humi u ya tinyiketa eka tindhuna ta hosi ya Babilona, muti lowo wu ta nyiketiwa emandleni ya Vakalediya va wu hisa hi ndzilo; na wena, u nga ka u nga poni emavokweni ya vona.”

Yeremiya 37:17

Hosi Sedekiyasi a rhumela ku n'wi vitana, kutani hosi yi n'wi vitela endlwini ya yona exihundleni, yi ku: “Xana rito ri kona leri humaka eka Yehovha xana?” Yeremiya a hlamula a ku: “Ri kona,” a engeta a ku: “U ta nyiketiwa emavokweni ya hosi ya Babilona.”

Yeremiya 34:3

Kutani wena, u nga ka u nga poni emavokweni ya yena, u ta khomiwa u nyiketiwa emavokweni ya yena; mahlo ya wena ma ta vona mahlo ya hosi ya Babilona, nomu wa yena, wu ta vulavula ni nomu wa wena, kutani u ta ya eBabilona.’

Yeremiya 34:21

Na yena Sedekiyasi, hosi ya Yuda, ni tihosana ta yena, ndzi ta va nyiketa emavokweni ya lava lavaka vutomi bya vona, ni le mavokweni ya mavandla ya hosi ya Babilona lama mi sukeleke.

Yeremiya 21:7

Endzhaku ka sweswo, ku vula Yehovha, ndzi ta nyika Sedekiyasi, hosi ya Yuda, ni malandza ya yena, ni tiko, ni lava siyiweke emutini lowo hi ntungu, ni matlhari, ni ndlala, ndzi ta va nyiketa emavokweni ya Nebukadnetsara, hosi ya Babilona, ni le mavokweni ya lava nga vavalala eka vona, ni le mavokweni ya lava lavaka vutomi bya vona, kutani u ta va ba hi vukari bya matlhari, a nga ka a nga va tweri vusiwana, a nga ka a nga va tsetseleri a nga ka a nga vi na nsovo.” ’

Yeremiya 25:35

“Varisi va ta pfumala vuchavelo, ni ku pona ku ta va hava eka vini va mitlhambi.