Yeremiya 32:30 - Xitsonga (Bibele)

³⁰ “Hikuva vana va Israele ni vana va Yuda va endlile leswo biha emahlweni ka mina ka ha ri evuntshweni bya vona; hikuva vana va Israele va ndzi pfukile ntsena hi ku endla ka mavoko ya vona, ku vula Yehovha.

BIBELE Mahungu Lamanene

³⁰ “Hakunene ku sukela ni khale, Vaisraele swin'we na va ka Yuda a va tshikanga ku endla leswo biha; a va tshikanga ni ku ndzi hlundzukisa hi mintirho ya vona; ndzi vula sweswo mina HOSI.

Yeremiya 32:30 Referans Kwoze

Yeremiya 25:7

Kambe a mi ndzi yingisanga, ku vula Yehovha, ku ri leswaku mi ta ndzi karihisa hi swiendlo swa mavoko ya n'wina; ndzi ta mi humesela swo biha.

Yeremiya 22:21

Ndzi vulavule na wena eku tirhuleleni ka wena, kutani u ku: ‘Ndzi nga ka ndzi nga yingisi!’ Hi wona mukhuva wa wena we evuhlangini bya wena lowa ku: ‘A ku na ku yingisela rito ra mina.’

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Yeremiya 2:7

Ndzi mi tisile etikweni ra ndzalo, leswaku mi ta dya mihandzu ya rona ni mafurha ya rona, kambe mi nghenile, kutani mi dyuhata tiko ra mina, ni ndzhaka ya mina mi yi endla manyala.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Ezekiele 23:3

va endle vuoswi le Egipta; evuntshweni bya vona va endle vuoswi; kona, va koka mavele ya vona, ku khomiwa mavele ya vona va ha ri vanhwana.

Ezekiele 20:28

Ndzi va yise etikweni leri ingi ndzi yimise voko ra mina, ndzi ku, ndzi ta va nyika rona, kutani kona va vona switsunga hinkwaswo leswo tlakuka, ni mirhi hinkwayo leyo tlhuma; kona, va tlhava magandzelo, va humesa timhamba ta vona leti ndzi karihisaka. Kambe va hisa mirhi ya risuna, va chela kona magandzelo ya swakunwa.

Ezekiele 20:8

“Kambe va tiarisa eka mina, va nga pfumeri ku ndzi yingisa, hambi a ri un'we wa vona a nga tshikanga ku homboloka ka mahlo ya yena, hambi ku fularhela swifaniso swa Egipta, kutani ndzi ku, ndzi ta chulula vukari bya mina ehenhla ka vona, ni ku hetisa vukari bya mina ehenhla ka vona etikweni ra Egipta.

Yeremiya 8:19

Mbilu ya mina yi hela exifuveni xa mina. Yingisani rito ra swirilo ra n'wana wa tiko ra mina leri humaka etilweni leri nga ekule; ri ku: “Xana Yehovha a nga ha ri kona eSiyoni xana? Xana hosi ya yena a ya ha ri kona-ke?” “Va ndzi karihisela yini hi swifaniso swa vona leswi vatliweke, byi nga vuhava bya matiko?”

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Yeremiya 30:14

Varhandziwa va wena hinkwavo va ku rivele; a va ha vuri nchumu ha wena hikuva ndzi ku tlhavile swa nga i nala, ni ku holoveriwa loku nonon'hwaka, hikwalaho ka ku tala ka ku homboloka ka wena, hikuva swidyoho swa wena swi tele ngopfu.

Yeremiya 36:2

“U titekela buku u ta tsala eka yona marito hinkwawo lawa ndzi tshamaka ndzi ku byela wona hikwalaho ka Israele ni hikwalaho ka Yuda, ni hikwalaho ka tiko hinkwaro, ka ha ri mpfhuka ndzi vulavula na wena, enkarhini wa Yosiya, ku fika siku leri.

Yeremiya 44:3

Hikwalaho ka ku biha hinkwako loku va ku endleke ku ndzi pfuka, va ya hisela swikwembu swin'wana mirhi ya risuna, va tirhela leswi va nga swi tiviki hambi mi ri n'wina, hambi va ri vatata wa n'wina.

Yeremiya 25:6

Mi nga landzeni swikwembu swin'wana ku swi tirhela ni ku swi khinsamela, mi nga tshuki mi ndzi karihisa hi swiendlo swa mavoko ya n'wina, na mina ndzi nga ka ndzi nga mi humeseli swo biha.’

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?