Yeremiya 32:29 - Xitsonga (Bibele)

²⁹ Vakalediya va ta lwa ni muti lowo, va ta nghena, va hisa muti lowo hi ndzilo va hisa ni tindlu leti va hiselaka Baali mirhi ya risuna ehenhla ka tona, va humesele swikwembu swin'wana swakunwa, va va va ndzi pfuka.

BIBELE Mahungu Lamanene

²⁹ Vakalediya lava lwaka ni muti lowu, va ta ta va ta wu hisa wu tshwa hinkwawo, ku tshwa tindlu leti Vaisraele va khandziyaka emalwangwini ya tona, va ya hisela Baali emirhi ya risuna, va humesela ni swikwembu swimbe emagandzelo ya swakunwa, va endlela ntsena ku ndzi hlundzukisa.

Yeremiya 32:29 Referans Kwoze

Yeremiya 21:10

Hikuva ndzi yimisele muti lowo, mombo wa mina hi ku biha, ku nga ri hi vunene, ku vula Yehovha; wu ta nyiketiwa emavokweni ya hosi ya Babilona leswaku yi wu hisa hi ndzilo.” ’

Yeremiya 19:13

Kutani tindlu ta Yerusalema, ni tindlu ta tihosi ta Yuda ti ta va thyaka kukotisa xivandla xa Tofete; ti nga tindlu leti hinkwato va khandziyaka ehenhla ka tona ku hisela vandla hinkwaro ra le tilweni mirhi ya risuna, ni ku chululela swikwembu swin'wana tinyiko.” ’ ”

Yeremiya 52:13

A hisa yindlu ya Yehovha, ni yindlu ya hosi; a hisa tindlu hinkwato ta Yerusalema ni tindlu hinkwato ta vakulukumba.

2 TIKRONIKA 36:19

Va hisa yindlu ya Xikwembu, va mbundzuxa rirhangu ra Yerusalema, va hisa tindlu hinkwato ta vuhosi, va onha swilo hinkwaswo swa risima.

Yeremiya 44:25

Ku vula Yehovha wa mavandla, Xikwembu xa Israele, a ku: N'wina ni vasati va n'wina mi vulavurile hi milomu ya n'wina, mi va mi endla hi mavoko ya n'wina, mi ku: ‘Hi rhandza ku hetisa leswi hi swi hlambanyeleke, hi ta hisela nkosikazi ya matilo mirhi ya risuna, ni ku yi chelela swakunwa.’ Kunene sweswi mi hetisile ku hlambanya ka n'wina ni marito ya n'wina!

Yeremiya 39:8

Vakalediya va hisa hi ndzilo yindlu ya hosi, ni tindlu ta va tiko, va mbundzuxa ni rirhangu ra Yerusalema.

Yeremiya 7:18

Vana va rhotela tihunyi, vatata wa vona va tshivela ndzilo, kutani vavasati va pfuva mbila, va endlela nkosikazi ya matilo swinkwa, kutani va chelela swikwembu swin'wana tinyiko ta swakunwa leswaku va ndzi karihisa.

Matewu 22:7

Kutani hosi, loko yi twa timhaka leti, yi kariha yi rhuma mavandla ya yona ku ya lovisa vadlayi valavo, yi hisa ni muti wa vona.

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

2 TIHOSI 25:9

A hisa yindlu ya Yehovha, ni yindlu ya hosi; a hisa tindlu hinkwato ta Yerusalema, ni tindlu hinkwato ta vakulukumba.

Timhaka 10:9

Siku leri tlhandlamaka, kakuloko va ha ri endleleni, va ri karhi va tshinelela muti, Petro a tlhandlukela elwangwini a ya khongela; a ku lava ku va nkarhi wa ntlhanu na wun'we.

Vaheveru 3:16

Hikuva i vamani xana lava a va kariheleke hi malembe ya mune wa makume xana?

Nehemiya 8:16

Hi kona tiko ri sukaka, ri ya lava marhavi kutani va tiendlela mitsonga, un'wana ni un'wana ehenhla ka yindlu ya yena, kumbe erivaleni ra yona, ni le rivaleni ra yindlu ya Xikwembu, ni le ntsendzeleni wa nyangwa ya Mati, ni le ntsendzeleni wa nyangwa ya ka Efrayimi.

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Yeremiya 32:3

yi ku eka yena: “U profetela yini loko u ku: ‘Ku vula Yehovha: Vona ndzi ta nyiketa muti lowo emavokweni ya hosi ya Babilona, a ta nghena eka wona.

Yeremiya 34:2

“Yehovha, Xikwembu xa Israele u vula a ku: U ya byela Sedekiyasi, hosi ya Yuda, u ku eka yena: ‘Ku vula Yehovha: Vona, ndzi nyiketa muti lowo emavokweni ya hosi ya Babilona, u ta wu hisa hi ndzilo.

Esaya 22:1

Swi lo yini leswi vanhu hinkwavo va wena va tlhandlukeleke ehenhla ka tindlu,

Yeremiya 7:17

Xana a ku voni leswi va swi endlaka emitini ya Yuda, ni le mitsendzeleni ya Yerusalema?

Yeremiya 30:14

Varhandziwa va wena hinkwavo va ku rivele; a va ha vuri nchumu ha wena hikuva ndzi ku tlhavile swa nga i nala, ni ku holoveriwa loku nonon'hwaka, hikwalaho ka ku tala ka ku homboloka ka wena, hikuva swidyoho swa wena swi tele ngopfu.

Yeremiya 52:12

Hi n'hweti ya vuntlhanu hi siku ra khume ra n'hweti (a ri ri lembe ra 19 ra ku fuma ka Nebukadnetsara, hosi ya Babilona), Nebuzaradani, ndhuna ya valanguteri, nandza wa hosi ya Babilona, a nghena eYerusalema.

Ezekiele 23:47

Kutani vandla ri ta va khandla hi maribye, ri va tlhava hi matlhari ya rona; va ta dlaya varisanyana va vona ni vanhwanyana va vona, va hisa tindlu ta vona hi ndzilo.