Yeremiya 32:2 - Xitsonga (Bibele)

² Mavandla ya hosi ya Babilona a ma sivelela Yerusalema, kutani muprofeta Yeremiya a pfaleriwile exivaveni xa khotso, endlwini ya hosi ya Yuda, laha Sedekiyasi, hosi ya Yuda, yi n'wi pfaleleke kona,

BIBELE Mahungu Lamanene

² Enkarhini wolowo, muti wa Yerusalema a wu rhendzeriwile hi mavuthu ya hosi ya Babilona; kutani muprofeta Yeremiya a a khomiwile a pfaleriwa exivaveni xa varindzi le ntsindza wa hosi ya Yuda.

Yeremiya 32:2 Referans Kwoze

Yeremiya 37:21

Kutani hosi Sedekiyasi a va byela leswaku Yeremiya a vekiwa exivaveni xa khotso a nyikiwa siku rin'wana ni rin'wana ximbundzu xa vuswa, xi huma entsendzeleni wa vasweki, ku fikela loko vuswa byi hela emutini, kutani Yeremiya a tshama exivaveni xa khotso.

Nehemiya 3:25

Palala, n'wana Uzayi, a sungula ni yinhla ni khokholo leri humelaka ehandle emahlweni ka yindlu leyo leha ya hosi, leyi ungameleke xivava xa khotso. Emahlweni ka yena, ku aka Pedaya, n'wana Paroxi.

Yeremiya 38:6

Kavaloko va khoma Yeremiya, va n'wi hoxa ekheleni ra Malikiya, n'wana wa hosi, leri ngi ri ri erivaleni ra yindlu ya khotso, va xikisa Yeremiya kona hi tinghole; a ku nga ri na mati ekheleni kambe a ku ri ni ndzhope, kutani Yeremiya a bodlhomela endzhopeni.

Yeremiya 33:1

Rito ra Yehovha ri tlhela ri ta eka Yeremiya loko a ha pfaleriwile exivaveni xa khotso, ri ku:

Yeremiya 32:8

“Kutani Hanamele, n'wana tatana lontsongo, a ta eka mina exivaveni xa khotso, hilaha Yehovha a vuleke hakona, a ku eka mina: ‘A ku ndzi xaveri nsimu ya mina, leyi nga eAnatoto, etikweni ra ka Benjamini, hikuva mfanelo ya ku hlayisa i ya wena, ni yo kutsula i ya wena; u tixavela yona.’ Kutani ndzi tiva leswaku i rito ra Yehovha.

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Yeremiya 36:5

Yeremiya a lerisa Baruku, a ku: “Mina ndza bohiwa, ndza tsandzeka ku ya endlwini ya Yehovha.

Yeremiya 32:3

yi ku eka yena: “U profetela yini loko u ku: ‘Ku vula Yehovha: Vona ndzi ta nyiketa muti lowo emavokweni ya hosi ya Babilona, a ta nghena eka wona.

Pisalema 88:8

U ndzi tshinetile ekule ni vanakulorhi, U ndzi endlile la nyenyetsaka eka vona; Ndzi pfaleriwe laha ku nga humiwiki.

Yeremiya 34:1

Rito ri hume eka Yehovha ri ta eka Yeremiya, loko Nebukadnetsara, hosi ya Babilona ni mavandla ya yena hinkwawo, ni ku fuma hinkwako ka matiko lama fumiwaka hi voko ra yena, ni matiko hinkwawo, va lwa na Yerusalema, ni miti hinkwayo ya matlhelo ya kona, ri ku:

Yeremiya 37:4

Yeremiya a a ri karhi a nghena a huma exikarhi ka tiko a nga si nghenisiwa ekhotsweni.

Yeremiya 38:13

kutani va koka Yeremiya hi mapindza, va n'wi humesa ekheleni, kutani Yeremiya a tshama erivaleni ra yindlu ya khotso.

2 TIHOSI 25:1

Hi lembe ra ntlhanu na mune ra ku fuma ka yena, hi n'hweti ya khume, hi siku ra khume ra n'hweti, Nebukadnetsara, hosi ya Babilona, a ta ni nyimpi hinkwayo ya yena ku hlasela Yerusalema. A gova emahlweni ka wona, kutani va wu akela switsulutsulu ematlhelweni hinkwawo.

Yeremiya 37:15

Kutani vakulukumba va pfukela Yeremiya va n'wi ba, va n'wi yisa endlwini ya khotso, endlwini ya Yonatani, mutsari, hikuva a va yi endlile khotso.