Yeremiya 32:19 - Xitsonga (Bibele)

¹⁹ U nkulukumba emakungwini, u ni matimba eku endleni; mahlo ya wena ma languta mikhuva hinkwayo ya vana va vanhu ku tlherisela eka un'wana ni un'wana hi mikhuva ya yena, mihandzu ya ku endla ka yena.

BIBELE Mahungu Lamanene

¹⁹ u mutsundzuxi lonkulu la tirhaka leswo hlamarisa; mahlo ya wena ma vona ni swihundla hinkwaswo swa vanhu. Munhu un'wana ni un'wana, u n'wi hakela hi ku ya hi mintirho ya yena; hinkwavo va tshovela leswi va swi byaleke.

Yeremiya 32:19 Referans Kwoze

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Esaya 28:29

Mhaka leyi, na yona, yi huma eka Yehovha wa tinyimpi, loyi a nga ni makungu lama hlamarisaka, ni mitirho leyi dzunekaka.

Pisalema 62:12

Ni tintswalo ti na wena, Hosi; Hikuva u tlherisela un'wana ni un'wana hi ku ringana ka mitirho ya yena.

Nhlavutelo 22:12

“Vonani, ndzi hatlisa ndzi ta, ndzi tamela hakelo ya mina, ndzi ta hakela un'wana ni un'wana hi leswi ringanaka ku tirha ka yena.

Yeremiya 16:17

Hikuva mahlo ya mina ma languta tindlela hinkwato ta vona leti nga tumbelangiki emahlweni ka mina, ni ku homboloka ka vona loku nga funengetiwangiki emahlweni ka mina.

Ntirho 34:21

“Hikuva mahlo ya xona ma languta mikhuva ya vanhu. Xi languta mafambele ya vona hinkwawo.

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Yohane 5:29

lava endleke swinene va ta pfuka ku ya evutomini, lava endleke leswo biha va ta pfukela ku avanyisiwa.

Yeremiya 23:24

Xana munhu a nga fihleka exihundleni, leswaku ndzi nga n'wi voni, ku vula Yehovha? A ndzi ku: Matilo ni misava swi tele ha mina, ku vula Yehovha?

Esaya 40:13

La pimeke moya wa Yehovha i mani? Mutsundzuxi wa yena a a ri mani? La n'wi dyondziseke xilo i mani?

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Swivuriso 5:21

Hikuva mafambele ya munhu ma le mahlweni ka Yehovha. Hi yena la tivaka mitila ya yena hinkwayo.

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Eklesiasta 12:14

hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

Pisalema 34:15

Mahlo ya Yehovha ma languta lava lulameke, Ni tindleve ta yena ti pfulekela ku huwelela ka vona.

2 TIKRONIKA 16:9

Hikuva mahlo ya Yehovha ma fambafamba emisaveni hinkwayo ku tiyisa lava nga va yena hi timbilu hinkwato ta vona. U endlile hi vuhunguki emhakeni leyi, hikuva ku sungula sweswi, u ta va ni tinyimpi.”

1 TIHOSI 8:32

wena, yingisa u ri ematilweni, u tirha u avanyisa malandza ya wena; u kombisa lowo biha ku n'wi tlherisela enhlokweni ya yena ku biha ka yena; kambe u kombisa la lulameke ku n'wi endla hi ku lulama ka yena.

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Ntirho 34:11

Hikuva u tlherisela eka munhu leswi ringanaka mitirho ya yena. U n'wi nyika ku ringana mikhuva ya yena.

Swivuriso 8:14

Ku tsundzuxa ni ku kateka i swa mina, Na wona mano, ni matimba i swa mina.

Yeremiya 21:14

Ndzi ta mi ba hi ku ringana mitirho ya n'wina, ku vula Yehovha; ndzi ta pfurhisa ndzilo exihlahleni xa n'wina leswaku wu heta matlhelo hinkwawo.”

Daniele 2:45

kukotisa loko u vone ribye leri phemekeke entshaveni, ku nga ri hi mavoko ya vanhu, ri seletela nsimbhi, ni koporo, ni vumba, ni silivhere, ni nsuku. Xikwembu lexikulu xi tivisile hosi leswi nga ta humelela endzhaku ka mikarhi leyi, kutani norho i wa xiviri, ni ku hlamusela ka wona ku tiyile.”

Pisalema 92:6

Xihunguki xi nge yi tivi, Ni wa rihlanyi a nge yi twisisi.

Pisalema 111:2

Mitirho ya Yehovha yikulu, Yi laviwa hi hinkwavo lava yi tsakelaka.

Esaya 59:18

U ta tlherisela un'wana ni un'wana hi mitirho ya yena, vukari eka valala va yena, ni ku ba eka lava n'wi vengaka, u ta tlherisela swihlale hi mfanelo.

Yeremiya 25:14

Hikuva, na vona va ta vekiwa ehansi ka matiko lamakulu, ni tihosi letikulu, kutani ndzi ta tlherisela eka vona hi ku endla ka vona ni mitirho ya mavoko ya vona.”

Zakariya 9:1

Hi byebyo vuprofeta lebyi vuriweke hi Yehovha ehenhla ka tiko ra Hadiraka, byi ta tshama ehenhla ka Damaska; hikuva Yehovha u languta vanhu kukota loko a languta tinxaka hinkwato ta Israele.