Yeremiya 32:18 - Xitsonga (Bibele)

¹⁸ U endlile hi tintswalo ku yisa etinxakeni ta madzana, u vuyisile ku homboloka ka vatatana exifuveni xa vana va vona endzhaku ka vona; hi wena Xikwembu lexikulu, xa matimba, lexi vito ra xona a nga Yehovha wa mavandla.

BIBELE Mahungu Lamanene

¹⁸ Vanhu va madzana-dzana, u va komba rirhandzu ra wena lero tshembeka, kambe a wu tshiki ku ba vana hikwalaho ka milandzu ya vatata wa vona. Wena Xikwembu lexi nga ni ntamu lowukulu, vito ra wena u HOSI ya matimba hinkwawo;

Yeremiya 32:18 Referans Kwoze

Yeremiya 10:16

Ku averiwa ka Yakobo a ku kotisi leswo tano, hikuva hi yena la vumbeke swilo hinkwaswo, kutani Israele i tiko leri nga ndzhaka ya yena; Yehovha wa tinyimpi i vito ra yena.

Eksoda 34:7

lexi tsetselelaka tinxaka ta madzana ya khume, lexi khomelaka munhu ku homboloka ni ku dyoha, ni xivi; kambe lexi nga landzuriki nandzu wa loyi a nga na wona; lexi baka vana ni vatukulu ku yisa erixakeni ra vunharhu, ni ra vumune hikwalaho ka ku dyoha ka vatata wa vona.”

Matewu 27:25

Kutani tiko hinkwaro ri hlamula, ri ku: “Ngati ya yena a yi ve ehenhla ka hina ni le henhla ka vana va hina.”

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Esaya 10:21

Masalela ya Yakobo ma ta hundzukela eka Xikwembu xa matimba.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Tinhlayo 14:18

‘Yehovha u hlwele ku kariha, u tele tintswalo, wa khomela nandzu ni ku dyoha; kambe xidyohi, a nga xi vuri la nga riki na nandzu, kutani a londza ku dyoha ka vatatana ehenhla ka vana va vona, ku fika erixakeni ra vunharhu ni ra vumune.’

Habakuku 1:12

Xana a hi wena wa ku sungula wena, Yehovha, Xikwembu xa mina, Mukwetsimi wa mina? Hi nga ka hi nga fi! Oho Yehovha! Tiko lero u ri vekele ku avanyisiwa; wena, Ribye ra mina, u lunghisele rona ku tshinyiwa.

Nehemiya 1:5

ndzi ku: “Yo! Yehovha Xikwembu xa matilo! Xikwembu lexikulu, lexi chavisaka, u hlayisela lava ku rhandzaka lava hlayisaka milawu ya wena, ntwanano ni tintswalo!

2 TIHOSI 9:26

‘Kukotisa loko ndzi vonile tolo ngati ya Naboto, ni ngati ya vana va yena, ndzi ta ku tlherisela sweswo ensin'wini yoleyo,’ ku vula Yehovha. Sweswi, n'wi tlakule u n'wi cukumeta ensin'wini yoleyo hilaha Yehovha a nga vula hakona.”

Yeremiya 31:35

Hikuva, ku vula Yehovha, la vekeke dyambu leswaku ku va ku vonakala ninhlekanhi, la vekeke n'weti ni tinyeleti leswaku ti voninga vusiku, la pfuxaka lwandle kutani magandlati ya rona ma va ma pfuma: Yehovha wa mavandla, hi rona vito ra yena.

Pisalema 50:1

Xikwembu xa matimba, yena Yehovha, wa vulavula, u vitana misava, Ku suka evuxeni ku yisa evupeladyambu.

Duteronoma 7:21

U nga tshuki u chava emahlweni ka vona, hikuva Yehovha, Xikwembu xa wena, u kona exikarhi ka wena, xi ri Xikwembu lexikulu, lexi chavisaka.

Genesa 49:24

Kambe vurha bya yena byi tshame byi tiyile; Mavoko ni mandla ya yena ma tiyisiwile Hi mandla ya Nhenha ya Yakobo, Hi loyi a nge Murisi ni Ribye ra Israele.

Luka 6:38

Hananani, mi ta hananiwa; va ta mi nyika exifuveni hi mpimo lowukulu, lowu congiweke, lowu hlunguhliweke, lowu halakaka; hikuva ku ringanisa loku mi ringanisaka van'wana hakona, mi ta ringanisiwa hakona na n'wina.”

Eksoda 34:6

Kutani Yehovha a hundza emahlweni ka yena, a ku: “Yehovha, Yehovha, Xikwembu xa tintswalo ni vunene, lexi hlwelaka ku kariha, lexi teleke tintswalo ni ku tshembeka,

Yeremiya 10:6

A ku na la fanaka na wena Yehovha; u nkulukumba; vito ra wena ri tlakukile hikwalaho ka matimba.

Yeremiya 20:11

Kambe Yehovha u le ka mina kukotisa nhenha leya matimba; hikwalaho, lava ndzi xanisaka va ta khunguvanyeka, kutani va nga ka va nga hluri nchumu; va ta khomisiwa tingana ngopfu hikuva a va tlharihanga; ti ta va tingana leti nga heriki, leti nga riki na ku rivariwa.

Yeremiya 50:34

Kambe mukutsuri wa vona u ni matimba, Yehovha wa tinyimpi i vito ra yena. Kunene, u ta va avanyisela ku nyika tiko ku wisa, kutani a pfilunganya vaaki va Babilona.

Daniele 2:45

kukotisa loko u vone ribye leri phemekeke entshaveni, ku nga ri hi mavoko ya vanhu, ri seletela nsimbhi, ni koporo, ni vumba, ni silivhere, ni nsuku. Xikwembu lexikulu xi tivisile hosi leswi nga ta humelela endzhaku ka mikarhi leyi, kutani norho i wa xiviri, ni ku hlamusela ka wona ku tiyile.”

Pisalema 89:9

U fuma ku tikukumuxa ka lwandle; Loko magandlati ma pfuka wa ma miyeta.

Yeremiya 33:2

“Ku vula Yehovha la nga ta endla swoleswo, Yehovha la swi lunghisaka leswaku a swi tirha, loyi Yehovha ri nga vito ra yena.