Yeremiya 31:9 - Xitsonga (Bibele)

⁹ Va ta, va ri karhi va rila; ndzi va fambisa va ri karhi va khongela, ndzi va yisa emilambyeni ya mati, hi ndlela yo lulama leyi va nga tiki khunguvanyeka eka yona; hikuva ndzi ta va tatana eka Israele, Efrayimi a va n'wananga wa mativula.

BIBELE Mahungu Lamanene

⁹ Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Yeremiya 31:9 Referans Kwoze

Matewu 5:4

Ku katekile lava rilaka, hikuva va ta chaveleriwa.

Yeremiya 3:4

Ni sweswi, wa ha vitana eka mina, u ku: ‘Tatana, u nakulorhi wa vuntshwa bya mina!

Eksoda 4:22

Kutani u ta ku eka Faro: ‘Yehovha u te: Israele i n'wananga wa mativula,

Yeremiya 50:4

Emikarhini yoleyo ni le nguveni yoleyo, ku vula Yehovha, vana va Israele va ta ta ni vana va Yuda, kutani va ta ya va ri karhi va rila, va lava Yehovha, Xikwembu xa vona.

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Esaya 63:13

la nga va fambisa exikarhi ka swiwa, tanihi mangwa exikarhi ka mananga, va nga ti khunguvanyeka?

Pisalema 23:2

U ndzi wisisa emadyelweni ya rihlaza, U ndzi fambisa ekusuhi ni mati layo rhula;

Nhlavutelo 7:17

hikuva Xinyimpfana lexi nga exikarhi ka xiluvelo xi ta va risa, xi va yisa eswihlobyeni swa mati ya vutomi, kutani Xikwembu xi ta hlangula mihloti hinkwayo emahlweni ya vona.”

Luka 6:21

Mi katekile n'wina mi nga ni ndlala sweswi, hikuva mi ta xurhisiwa. Mi katekile n'wina mi rilaka sweswi, hikuva mi ta tsaka.

Matewu 6:9

“N'wina khongerisani xisweswo: ‘Tata wa hina la nga ematilweni, vito ra wena a ri hlawuriwe,

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Yeremiya 3:19

Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

Esaya 64:8

Kambe sweswi, o Yehovha, u tata wa hina; hina hi vumba, wena u loyi a hi vumbeke, hinkwerhu hi ntirho wa mavoko ya wena.

Esaya 57:14

Va ta ku: “Boxani, boxani, lunghisani ndlela, Susani xikhunguvanyiso xihi ni xihi endleleni ya tiko ra mina!

Vaheveru 12:23

ni le nhlengeletanweni ya hinkwavo ni le kerekeni ya mativula lama tsariweke ematilweni ni le ka Xikwembu, muavanyisi wa hinkwavo, ni le ka mimoya ya lava lulameke lava nga hetiseka;

Vaheveru 12:13

mi endlela milenge ya n'wina tindlela leti lulameke, leswaku leswi khwitaka swi nga tshuki swi hambuka ndlela, kambe swi hola.

Vaheveru 5:7

Hi yena loyi, emasikwini ya nyama ya yena, a tiseleke loyi ngi a ri ni matimba ya ku n'wi ponisa eku feni, mikhongelo ya ku chivirika, a ri karhi a huwelela ni ku rila; a tlhela a yingisiwa, a susiwa tingana;

2 Vakorinto 6:18

Ndzi ta va tata wa n'wina, mi va vana va mina va xinuna ni va xisati, ku vurisa sweswo Hosi ya matimba hinkwawo.

Varhoma 8:26

Kambe na wona Moya wa hi pfuna eku karhaleni ka hina hikuva a hi tivi leswi hi fanelaka ku kombela emikhongelweni ya hina; kambe wona Moya wa hi khongelela hi mahika lama tsandzekaka ku vuriwa hi munhu.

Matewu 3:3

Hikuva hi yena loyi a nga vuriwa hi muprofeta Esaya loko a ku: “Rito ra loyi a huwelelaka emananga, ri ri: ‘Khulelani gondzo ra Hosi, mi lunghisa tindlela ta yena.’ ”

Hosiya 12:4

U khome makwavo hi xirhendze a ha ri ekhwirini ra mana wa yena, ni le vukulwini bya yena wa ha lwa ni Xikwembu.

Esaya 63:16

Hambiswiritano, u tata wa hina, hikuva Abrahama a nga hi tivi, na Israele a nga hi tivisisi; wena Yehovha, u tata wa hina, vito ra wena i mukutsuri wa hina hi masiku.

Duteronoma 32:6

Xana mi tlherisela Yehovha leswo tano xana? N'wina mi nga tiko ro hunguka, leri pfumalaka vutlhari A hi yena tata wa wena, ni muendli wa wena La ku endleke, ni la ku tiyiseke xana?

1 TIKRONIKA 29:10

Kavaloko Davhida a khensa Yehovha emahlweni ka nhlengeletano hinkwayo, a ku: “A ku khensiwe Yehovha, Xikwembu xa Israele tata wa hina, hi masiku ni masiku!

Tinhlayo 2:18

“Evupeladyambu, mfungho wa mixaxa ya Efrayimi hi mitlawa ya vona; hosi ya vana va Efrayimi, Elixama, n'wana Amihudi, ni vandla ra yena,

Pisalema 89:27

Mina ndzi ta n'wi endla mativula ya mina, La tlulaka tihosi hinkwato ta misava.

Pisalema 107:7

A va fambisa hi ndlela leyi lulameke, A va fikisa emutini laha va nga ta aka kona.

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.

Esaya 43:20

Swiharhi swa nhova swi ta ndzi dzunisa, vahlati ni tiyimbhu, hikuva ndzi ta va ndzi vekile mati emananga; ni milambu enhoveni, ku nwisa tiko ra mina, a nga muhlawuriwa wa mina.

Esaya 45:11

Ku vula sweswo Yehovha, Muhlawuriwa wa Israele ni mutumbuluxi wa yena: ‘Xana va ta ndzi vutisa leswi nga ta ta? Xana mi ta ndzi lerisa swa vana va mina ni swa ntirho wa mavoko ya mina?

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Malakiya 2:10

Xana a hi velekiwanga hinkwerhu hi tatana un'we? Xana a hi vumbiwanga hi Xikwembu xin'we xana? Hikwalaho ka yini hi kanganyisana un'wana ni un'wana ni makwavo, hi onhela yini ntwanano wa vatata wa hina xana?

Duteronoma 14:1

“Mi vana va Yehovha, Xikwembu xa n'wina: Mi nga tshuki mi titlhavela tinhlanga emirini, kambe mi nga tshuki mi byewula misisi emahlweni hikwalaho ka mufi.