Yeremiya 30:7 - Xitsonga (Bibele)

⁷ Yo! Mina! Siku leri hi lerikulu, a ku na rin'wana ro fana na rona; i mikarhi ya makhombo eka Yakobo; hambiswiritano, u ta pona ka swona.

BIBELE Mahungu Lamanene

⁷ Nkarhi wa maxangu lamakulu wa ta, a ku si humelela wo fana na wona. I nkarhi wa ku xaniseka ka va ka Yakobo, kambe eku heteleleni va ta ponisiwa eka wona.

Yeremiya 30:7 Referans Kwoze

Daniele 12:1

“Enkarhini wolowo, Mikaele, ndhuna leyikulu, leyi yimelaka vana va tiko ra wena, u ta humelela, kutani masiku ya mapfalo ma ta va kona, layonghasi ma nga siki vaka kona mpfhuka matiko ma ri kona, ku fikela enkarhini wolowo. Ntsena emikarhini yoleyo, tiko ra wena ri ta ponisiwa, va nga hinkwavo lava tsariweke ebukwini.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Daniele 9:12

Kutani xi tiyisile timhaka leti xi ti vuleke ehenhla ka hina, ni le henhla ka vafambisi va hina lava nga hi avanyisa, xi ko xi hi terisa khombo lerikulu ronghasi, leri ku nga siki va kona ehansi ka matilo hinkwawo leri kotisaka leri humeleleke Yerusalema.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Varhoma 11:26

kutani hi mukhuva wolowo, Vaisraele hinkwavo va ta hlayisiwa, hilaha ku tsariweke leswaku: “Mukutsuri u ta huma eSiyoni, u ta susa xisandzu eka Yakobo”;

Marka 13:19

Hikuva emikarhini yoleyo, ku ta va ni nhlomulo lowonghasi, ka hari mpfhuka wa ku sungula ka leswi vumbiweke, leswi Xikwembu xi nga swi tumbuluxa, ku fikela sweswi, lowotano wu nga si va kona, kutani wu nga ka wu nga vi kona ni siku ni rin'we.

Hosiya 1:11

Kutani vana va Yuda, ni vana va Israele va ta hlengeletana kun'we, kutani va ta tivekela hosi yin'we va huma etikweni; hikuva ri ta va lerikulu siku ra Yizriele.

Swirilo 1:12

“Xana a hi nchumu eka n'wina hinkwenu lava mi fambaka endleleni! Tsundzukani, mi vona loko ku vaviseka ku ri kona loku fanaka ni loku ndzi humeleleke, Loku Yehovha a nga ndzi vavisa hakona Esikwini ra vukari lebyi pfurhaka bya yena.

Yeremiya 30:10

Kutani wena Yakobo, nandza wa mina, u nga chavi, ku vula Yehovha, u nga rhurhumeli, Israele, hikuva vona, ndzi ta ku ponisa, ndzi ku vita emisaveni ya le kule, ndzi lava ni rixaka ra wena etikweni ra vukhumbi. Yakobo a ta vekiwa, a titshamela a tsakile, a nga ha chavisiwi hi munhu.

Pisalema 34:19

Makhombo ya la lulameke ma tele ngopfu, Kambe Yehovha u n'wi humesa eka wona hinkwawo.

Nhlavutelo 6:17

hikuva siku lerikulu ra ku kariha ka xona ri humelele, kutani i mani loyi a nga ri tiyelaka?”

Timhaka 2:20

Dyambu ri ta hundzuriwa munyama, ni n'weti wu ta hundzuriwa ngati, siku lerikulu ra Hosi, leri hatimaka, ri nga si ta.

Yuwele 2:31

“Dyambu ri ta hundzuka munyama; ni n'weti wu hundzuka ngati, ku nga si ta siku lerikulu, leri chavisaka ra Hosi.

Swirilo 4:6

Ku biwa ka nhwanyana wa tiko ra mina Ingi kukulu ku tlula ka Sodoma, La nga wisiwa hi nkarhinyana, Ku nga ri na mavoko lama rhumeriweke kona.

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Pisalema 25:22

Oho Xikwembu! Ponisa Israele emapfalweni ya yena hinkwawo!

Genesa 32:7

Kutani Yakobo a chava ngopfungopfu, a hlomuriwa mbilu; kutani a pambula vanhu lava ngi a ri na vona, ni swifuwana, ni swifuwo, ni tikamela, a endla mitlhambi mimbirhi;

Esaya 20:6

kutani lava akeke exihlaleni xolexo va ta ku hi siku rolero: ‘Vonani ku lova ka loyi ngi hi n'wi tshembile, loyi hi nga tsutsumela eka yena ku ya pfuniwa ni ku lamuleriwa emavokweni ya hosi ya Asiriya! Kutani, na hina, hi nga balekisa ku yini?’ ”

Yeremiya 2:27

va nga lava nge eka murhi: ‘U tatana,’ ni ka ribye va ku: ‘Hi velekiwe hi wena.’ Hikuva va ndzi kombile xikosi, wu nga ri mombo hambi siku va humeleriwaka hi khombo, va ku: ‘Yima, u hi ponisa!’

Yeremiya 2:28

Swi kwihi swikwembu swa wena leswi u tiendleleke swona? A swi yime swi ku pfuna hi siku ra khombo; hikuva wena Yuda, nhlayo ya swikwembu swa wena yi fana ni ya miti ya wena!

Yeremiya 14:8

Wena tshembo ra Israele, muhanyisi wa yena hi siku ra khombo, xana u ta fana ni wamatiko etikweni, kumbe kukotisa muendzi la hambukaka ku xwa vusiku byin'we ntsena xana?

Yuwele 1:2

Yingisani leswi, n'wina swidyuhati! Rhiyani ndleve, n'wina hinkwenu vaaki va tiko! Xana mhaka leyo tano yi tshama yi humelela emikarhini ya n'wina kumbe emikarhini ya vatata wa n'wina?

Yuwele 1:15

Hikuva siku ra Yehovha ri tshinele, ra ta kukota xirha xa Lowa matimba hinkwawo.

Zakariya 14:7

Ri ta va siku ri ri rin'we leri tiviwaka hi Yehovha: A ri nga vi na nhlekanhi, ni loko byi ri vusiku; kambe enkarhini wa madyambu ku vonakala ku ta va kona.

Mikiya 4:9

Kasi hi leswo yini loko u huwelela hi matimba? Xana a ka ha ri na hosi, kumbe mutsundzuxi wa wena u lovile, leswi ku vaviseka ku ku khomeke hi matimba, kukotisa wansati loko a veleka.

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.