Yeremiya 30:6 - Xitsonga (Bibele)

⁶ Ma nga vutisa mi ta vona xana wanuna a nga veleka xana? Ndzi vonisile ku yini mavoko ya wanuna un'wana ni un'wana loko ma le xisutini xa yena, kukotisa wansati la velekaka; kutani mombo wa un'wana ni un'wana wu hundzukele yini?

BIBELE Mahungu Lamanene

⁶ Famba u ya vona hi wexe, u tivutisa: Xana swa endleka leswaku wanuna a veleka n'wana xana? Hikwalaho ka yini ndzi vona vavanuna hinkwavo va tikhomelerile makhwiri ku fana ni wansati la nga ku tintshunxeni xana? Hikwalaho ka yini hinkwavo va basulukile swikandza xana?

Yeremiya 30:6 Referans Kwoze

Nahume 2:10

Ka byisiwa, ka phangiwa, ka onhiwa! Mbilu ya n'oka, matsolo ma gudlagudla, swisuti hinkwaswo swi khomiwe hi ku vaviseka, mimombo hinkwayo yi ondzile!

Yuwele 2:6

Emahlweni ka vona, matiko ma rhurhumela, mimombo hinkwayo yi hundzuka.

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Esaya 21:3

Hikwalaho swisuti swa mina swi tele ku vaviseka; ku lun'wa ku ndzi khomile tanihi loko wansati a veleka; ndza solovanya loko ndzi n'wi twa, ndzi tshukile loko ndzi n'wi vona.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Hosiya 13:13

Ku vaviseka ka mbeleko ku ta n'wi humelela. Yeloyi i n'wana wa xihunguki, hikuva a nga tihumelerisi enkarhini wa kona, leswaku a tswariwa.

Yeremiya 22:23

Wena, muaki wa Lebanoni, la akeke emarhavini ya tikedari, u ta kolorisa ku yini, siku khombo ri ku humelelaka, ri ri khombo leri fanaka ni ra muveleki!”

Yeremiya 6:24

Hi twile mpfumawulo wa rona, kutani mavoko ya hina ma herile matimba; khombo ri hi khomile, hi vaviseka kukotisa la velekaka.

Pisalema 48:6

Ku rhurhumela ku ti khomile, Kukotisa ku vaviseka loku khomaka wansati loko a veleka.

Daniele 5:6

Kavaloko mombo wa hosi wu hundzuka vala kutani miehleketo ya yona yi yi rhurhumerisa; masenge ya xisuti xa yona ma lungalunga, ni matsolo ya yena ma gundzagundza.

Yeremiya 50:43

Hosi ya Babilona yi yingisa mhaka ya vona, kutani mavoko ya yona ma hela matimba; khombo ri yi khomile, ni ku vava loku fanaka ni ka wansati loko a veleka.

Yeremiya 49:24

Damaska u tsanile, u tilunghisele ku baleka, kambe wa rhurhumela; khombo ni ku vaviseka ku n'wi khomile kukotisa loyi a velekaka.

Esaya 29:22

Hikwalaho Yehovha la kutsuleke Abrahama, u byela yindlu ya Yakobo, a ku: “Sweswi, Yakobo a nga ka a nga ha khomiwi hi tingana, kutani mombo wa yena wu nga ha tshami wu tshutshala.

Yeremiya 13:21

“U ta ku yini, siku ku vekiwaka ehenhla ka wena ku ku fuma, lava u va toloveteke rirhandzu ra wena xana? Xana u nga ka u nga khomiwi hi ku vaviseka, kukotisa wansati la velekaka-ke?

Yeremiya 48:41

Keriyoto u khomiwile, ni makhokholo ma ngheniwile. Esikwini leri, timbilu ta tinhenha ta Mowabu ti ta kotisa mbilu ya wansati la velekaka.

Yeremiya 49:22

Vonani, wa tlhandluka kukota gama, u haha, u andlala timpapa ta yena hitlhelo ra Bosira, kutani hi siku lero timbilu ta tinhenha ta Edomu ti ta kota mbilu ya wansati la velekaka.”