Yeremiya 30:19 - Xitsonga (Bibele)

¹⁹ Ka ha ta huma eka yona ku khensa ni rito ra lava tsakeke; ndzi ta va tatisa, va nga ha ti tshama va hungutiwa; ndzi ta va dzunisa, va nga ti soriwa.

BIBELE Mahungu Lamanene

¹⁹ Exikarhi ka vaaki va Yerusalema ku ta twala tinsimu to nkhensa, ni huwa ya lava nga minkhubyeni. Ndzi ta va andzisa, va tala swinene, ndzi ta va tlakusa, kutani a va nga ha tsongahatiwi.

Yeremiya 30:19 Referans Kwoze

Yeremiya 33:22

Kukotisa mavandla ya le matilweni lama nga hlayiwiki, ni sava ra lwandle leri nga ringanisiwiki; ndzi ta andzisa vatukulu va Davhida, nandza wa mina sweswo, ni Valevhi lava ndzi tirhelaka.”

Esaya 51:11

Vakutsuriwa va Yehovha va ta tlhela va nghena eSiyoni hi tinsimu ta ku tsaka; ku tsaka loku nga heriki ku ta va etinhlokweni ta vona, ku tsaka ni ku tsakisisa swi ta tshama na vona; ku vaviseka ni mikosi swi ta va balekela.

Esaya 60:22

Lontsongo u ta va khume ra madzana, lontsongo ngopfu, u ta va tiko lera matimba. Mina, Yehovha, ndzi hatlisisa swilo leswi emikarhini ya swona.”

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

Ezekiele 36:37

“Hosi Yehovha u vulavula sweswo, a ku: Ku ni mhaka leyi ndza ha ta ka pfumela ku laviwa hi yindlu ya Israele, ndzi va endlela yona: Ndzi ta andzisa vanhu va fana ni mitlhambi,

Zakariya 10:8

Ndzi ta va bela noti, ndzi va hlengeleta; hikuva ndzi va kutsurile va ta andza ku kota leswi ngi va andzile eku sunguleni.

Yeremiya 31:4

Ndzi ta ku aka, kutani u ta va u akiwile, wena, nhwanyana wa Israele! U ta va u tibombisa hi mirumba ya wena, u ta huma u famba exiyin'weni xa vatsaki.

Zakariya 12:8

“Hi siku rolero Yehovha u ta sirhela vaaki va Yerusalema; loko a ri loyi a nga riki na matimba exikarhi ka vona, esikwini rolero, u ta kotisa Davhida; yindlu ya Davhida vi va kukota Xikwembu, kukota ntsumi ya Yehovha emahlweni ka vona.

Zakariya 8:19

“Yehovha wa tinyimpi u te: Ku titsona swakudya ka n'hweti ya vumune, ni ka ya vuntlhanu, ni ka ya vuntlhanu na timbirhi ni ka ya vukhume, swi ta hundzukela yindlu ya Yuda ku tsaka ni mikhuvo leyinene; ntsena mi tirhandzela ntiyiso ni ku rhula.

Ezekiele 37:26

“Kutani ndzi ta boha na vona ntwanano wa ku rhula; ntwanano lowu nga heriki wu ta va na vona; ndzi ta va veka kona, ndzi va andzisa; ndzi ta veka vukwetsimelo bya mina exikarhi ka vona hilaha ku nga heriki.

Esaya 12:1

Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

Nehemiya 8:12

Kutani tiko hinkwaro ri suka ri ya dya, ni ku nwa, va rhumela van'wana swakudya, va endla nkhuvo lowukulu, hikuva a va twisisile marito lawa va ma byeriweke.

Ezra 6:22

Va endla nkhuvo wa swinkwa leswo kala comela, hi masiku ya ntlhanu na mambirhi hi ku tsaka, hikuva Yehovha a a va tsakisile, ni ku kucetela mbilu ya hosi ya Asiriya, leswaku yi tiyisa mavoko ya vona emitirhweni ya yindlu ya Xikwembu, ya Xikwembu xa Israele.

1 Petro 1:7

leswaku ku ringiwa ka ku pfumela ka n'wina loku hundzisaka nsuku lowu lovaka, (kasi na wona wu ringetiwa hi ndzilo) ku ta mi hundzukela ku dzunisiwa, ni xichavo, ni ku kwetsima, siku ku nga ta humelela Yesu Kriste;

Esaya 60:19

Dyambu ri nga ha vi ku vonakala ka wena ninhlekanhi, ni n'weti wu nga ha ku voningi Yehovha u ta va ku vonakala ka wena hi masiku, Xikwembu xa wena xi ta va ku twala ka wena.

Esaya 52:9

Banani mikulungwana, n'wina hinkwenu swin'we, marhumbi ya Yerusalema; hikuva Yehovha u chavelerile tiko ra yena, u kutsule Yerusalema!

Zakariya 2:4

yi ku eka yona: “Tsutsuma, u byela ndzisanyana loyi, u ku: ‘Yerusalema u ta akiwa kukota muti lowu nga riki na rirhangu, hikwalaho ka vunyingi bya vanhu ni swifuwo leswi nga ta va eka wona.

Yeremiya 31:27

“Vonani, ku vula Yehovha, ma ta masiku lawa ndzi nga ta byalela yindlu ya Israele, ni yindlu ya Yuda mbewu ya vanhu, ni mbewu ya swifuwo.

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

Esaya 27:6

Emikarhini leyi taka, Yakobo u ta cela timitsu, Israele u ta baleka swiluva ni mahluke, u ta tata misava hi mihandzu ya yena.

Pisalema 53:6

Aa! Ku kutsula ka Israele ku ta pfa rini eSiyoni xana? Siku Xikwembu xi nga ta tlherisa vabohiwa va tiko ra xona, Yakobo u ta khana, Israele u ta tsaka.

Nehemiya 8:17

Nhlengeletano hinkwayo ya lava tlheleke eku bohiweni, va endla mitsonga, kutani va tshama emitsongeni yeleyo; hikuva vana va Israele a va nga si endla sweswo, ka ha ri mpfhuka Yoxuwa, n'wana Nuni, a ri kona, ku fikela sweswi. Ku tsaka ku va lokukulu ngopfu.

Yohane 17:22

Ku kwetsima loku u ndzi nyikeke kona, ndzi va nyikile va ta endla un'we, kukotisa na hina hi nga un'we;

Esaya 60:9

Hikuva swihlale swi ta langutela mina, kutani tingalava ta Tarxixi ti ta rhanga ti ta ku vuyisa vana va wena hi le kule swin'we ni silivhere ya vona, ni nsuku wa vona, hi vito ra Yehovha, Xikwembu xa wena, hikwalaho ka Mukwetsimi wa Israele, la ku dzunisaka.

Esaya 55:5

Waswivo, u ta Vitana tiko leri u nga ri tivangiki, kutani matiko lama nga ku tivangiki, ma ta tsutsumela eka wena, hikwalaho ka Yehovha, Xikwembu xa wena, hikwalaho ka Mukwetsimi wa Israele, la ku dzunisaka.

Yeremiya 17:26

Kambe va ta suka emitini ya Yuda, ni le matlhelweni ya Yerusalema, ni le tikweni ra Benjamini, ni le rivaleni, ni le ntshaveni, ni tlhelo ra dzonga, va tisa tiholokosta ni magandzelo, ni mihlengo, ni mirhi ya risuna, va tisa ni magandzelo ya ku khensa endlwini ya Yehovha.

Ezekiele 37:10

Ndzi profeta hilaha a ndzi leriseke hakona; kutani moya wu nghena eka vona, va hanya, va yima emilengeni ya vona; a yi ri nyimpi leyikulu, leyikulu ngopfu.

Esaya 26:15

Oho Yehovha! U kurisile tiko; u ri andzisile; u tidzunisile, u tshinetile ekule mindzilekana hinkwayo ya tiko.

Yeremiya 3:16

“ ‘Kutakuloko mi andzile, mi tatile tiko, emikarhini yoleyo, ku vula Yehovha, a va nga ha vuli: “Areka ya ntwanano wa Yehovha.” Hikuva a yi nga ha tsundzukiwi, yi nga ka yi nga ha naveriwi. Kambe ku nga ka ku nga ha endliwi yin'wana.