Yeremiya 30:18 - Xitsonga (Bibele)

¹⁸ “Hikuva, ku vula Yehovha: Ndzi ta tlherisa lava khomiweke emitsongeni ya Yakobo, ndzi twela vuako bya vona vusiwana; muti wu ta vuyisiwa exiteni xa wona, ni yindlu ya vuhosi yi ta akiwa hi mukhuva wa yona.

BIBELE Mahungu Lamanene

¹⁸ HOSI Xikwembu xi vurisa sweswo xi ri: “Ndzi ta tlhela ndzi katekisa mindyangu ya va ka Yakobo, miti ya vona ndzi ta yi twela vusiwana; muti wa Yerusalema wu ta tlhela wu akiwa exintshabyanini xa wona, na tona tindlu ta le ntsindza ti ta tlhela ti akiwa lomu a ti ri kona khale.

Yeremiya 30:18 Referans Kwoze

Pisalema 102:13

U ta pfuka, u tsetselela Siyoni, Hikuva hi wona nkarhi wa ku n'wi tsetselela; Nkarhi lowu vekiweke, wu fikile.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Yeremiya 33:7

ndzi vuyisa va Yuda lava khomiweke, ni va Israele lava khomiweke, ndzi tlhela ndzi va akisa kukotisa emikarhini ya khale.

Yeremiya 49:39

Hambiswiritano, enkarhini wa ku hetelela ndzi ta tlherisa eku bohiweni va ka Elamu, ku vula Yehovha.”

Yeremiya 23:3

Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala.

Zakariya 1:16

Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

Yeremiya 46:27

“Kambe wena u nga chavi, nandza wanga, Yakobo, u nga tshuki wena Israele! Hikuva ndzi ta ku kutsula emisaveni ya le kule, ni vatukulu va wena etikweni ra ku bohiwa ka vona; kutani Yakobo u ta vuya a tshama, a tsaka, a nga chavisi hi munhu.

Yeremiya 49:6

Kambe endzhaku ndzi ta tlherisa lava nga ya eku bohiweni va vana va Amoni, ku vula Yehovha.”

Esaya 44:26

Kambe ndzi tiyisa rito ra nandza wa mina, ndzi hetisa makungu ya tintsumi ta mina; ndzi vula ehenhla ka Yerusalema, ndzi ku: ‘Vanhu va ta hanya kona,’ ni le henhla ka miti ya Yuda: ‘Yi ta akiwa kambe kutani ndzi ta pfuxa marhumbi ya yona.’

Yeremiya 31:4

Ndzi ta ku aka, kutani u ta va u akiwile, wena, nhwanyana wa Israele! U ta va u tibombisa hi mirumba ya wena, u ta huma u famba exiyin'weni xa vatsaki.

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

1 TIKRONIKA 29:19

Loko a ri n'wananga, Solomoni, n'wi nyike mbilu leyo tiya ku hlayisa milawu ya wena, ni marito ya wena, ni ku lerisa ka wena, ni ku heta hinkwaswo, ni ku aka yindlu leyi ndzi yi lunghiseke!”

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Esaya 44:28

Ndzi byela ta Korexe, ndzi ku: ‘I murisi wa mina, u ta endla ku rhandza ka mina hinkwako; u ta ku eka Yerusalema: “U ta tlhela u akiwa!” Eka tempele, u ta ku: “A ku akeriwe masungulo!” ’ ”

Yeremiya 31:38

“Vonani, ku vula Yehovha, ma ta masiku lawa muti wu nga ta akeriwa Yehovha ha wona, ku suka ekhokholweni ra Hananele ku yisa enyangweni ya yinhla.

Yeremiya 31:23

Ku vula Yehovha wa mavandla, Xikwembu xa Israele: “Va ha ta vula marito lawa emisaveni ya Yuda, ni le mitini ya kona, loko ndzi tlherisile varikwavo lava nga eku bohiweni, va ku: ‘Yehovha a a ku katekise, vuako byo lulama, ntshava leyi hlawuriweke!’

Zakariya 12:6

“Hi siku rolero ndzi ta endla tihosana ta Yuda ti va kukota xitiko xa ndzilo exikarhi ka tihunyi, ni xisana xa ndzilo exikarhi ka tinyandza, ti ta dya exineneni ni le ximatsini matiko hinkwawo ya le matlhelweni; loko a ri Yerusalema, u ta tshama exiteni xa yena eYerusalema.

Pisalema 78:69

Kutani xi aka vukwetsimelo bya xona tani hi tindhawu leti tlakukeke. Tanihi misava leyi xi nga yi tiyisa hi laha ku nga heriki.

Nehemiya 7:4

Hikuva muti a wu anamile, wu ri wukulu, kambe vanhu va wona a va nga talanga, na tona tindlu a ti nga si akiwa.

Pisalema 85:1

Oho Yehovha, u katekisile tiko ra wena! U vuyisile vakhomiwa va Yakobo,

Zakariya 14:10

Tiko hinkwaro, ku suka eGeba ku ya fika eRimoni, ku nga tlhelo ra dzonga eka Yerusalema, ri ta hundzuka ri kota banyi, Yerusalema, u ta tlakuka, a tshama exiteni xa yena, ku sukela enyangweni ya Benjamini ku ya fika enyangweni yo rhanga, enyangweni ya tinhla, ni ku sukela ekhokholweni ra Hananele ku yisa eswikhuvutweni swa hosi.

Yeremiya 31:40

Nkova hinkwawo wa mitsumbu ni wa nkuma, ni masimu hinkwawo, ku yisa enambyaneni wa Kedroni ku fika eyinhleni ya nyangwa ya tihanci, hitlhelo ra vuxa, ku ta hlawuleriwa Yehovha; a ku nga ha mbundzuxiwi, a ku nga ha onhiwi hilaha ku nga heriki.”

1 TIKRONIKA 29:1

Hosi Davhida a ku eka nhlengeletano hinkwayo: “Solomoni, n'wananga, loyi a nga yena la hlawuriweke hi Xikwembu, a ha ri lontshwa, u pfumala matimba, kambe ntirho wukulu hikuva yindlu leyi, yi nga ka yi nga vi ya munhu, kambe i ya Yehovha Xikwembu.

Pisalema 48:3

Etindlwini ta wona ta vuhosi Xikwembu xi tiviwa xi ri xichavelo lexi tlakukeke.

Pisalema 48:13

Langutisisani rirhangu ra wona, Mi kambisisa tindlu ta wona ta vuhosi, Mi ta ambela rixaka leri nga ta ta.

Pisalema 122:7

Ku rhula a ku ve endzeni ka rirhangu ra wena, Ni ku etlela ka tiko etindlwini ta wena ta vuhosi!

Yeremiya 29:11

Hikuva mina ndzi tiva mianakanyo ya mina leyi ndzi yi anakanyaka ematshan'weni ya n'wina, ku vula Yehovha, hikuva i mianakanyo yo rhula yi nga ri ya ku biha, ndzi ta mi nyika ku hetelela ka ku saseka ni ku tshemba.

Yeremiya 32:15

Hikuva ku vula Yehovha wa mavandla, Xikwembu xa Israele: Ka ha ta xaviwa tindlu, ni masimu, ni tivhinya etikweni leri.’

Ezekiele 36:11

Ndzi ta andzisa ehenhla ka n'wina vanhu ni swifuwo; va ta andza ni ku tala, ndzi rhandza leswaku mi va ni vaaki ku fana ni khale, ndzi ta mi endla leswinene ku tlula eku sunguleni, hilaha mi nga ta tiva leswaku hi mina Yehovha.

Amosi 9:14

Ndzi ta tshunxa tiko ra mina ra Israele evukhumbini bya rona, kutani va ta pfuxa miti leyi onhakeke va aka kona; va ta rima masimu ya vhinya, va nwa vhinyo ya wona, va ta rima mitanga ya mirhi va dya mihandzu ya yona.

Zakariya 1:12

Kutani ntsumi ya Yehovha yi ahlamisa nomu wa yona, yi ku: ‘Yehovha wa tinyimpi! U ta tshika ku ri kungani ku tsetselela Yerusalema, ni miti ya Yuda leyi u nga yi karihela hi malembe lawa ya ntlhanu wa makume ni makume mambirhi xana?’

Zakariya 12:7

Yehovha u ta hlayisa matende ya Yuda eku sunguleni, leswaku ku kwetsima ka yindlu ya Davhida, ni ku kwetsima ka vaaki va Yerusalema, ku nga tshuki ku tlakukela Yuda.

Pisalema 102:14

Hikuva malandza ya wena ma rhandza maribye ya Siyoni, Ma rhandzisisa ni ntshuri wa yena.

Yeremiya 32:44

Masimu ma ta xaviwa hi mali, va ta tsala matsalwa ya nxavo, va ma tiyisa, va teka timbhoni, etikweni ra Benjamini ni le matlhelweni ya Yerusalema, ni le mitini ya Yuda, ni le mitini ya le ntshaveni, ni le mitini ya le rivaleni, ni le mitini ya tlhelo ra n'walungu; hikuva ndzi ta vuyisela lava khomiweke va vona, ku vula Yehovha.”