Yeremiya 30:16 - Xitsonga (Bibele)

¹⁶ Hambiswiritano hinkwavo lava ku dyaka va ta dyiwa hinkwavo lava ku kamanyetaka va ta yisiwa eku bohiweni, lava ku nyenyemukaka va ta nyenyemukiwa hinkwavo lava ku onhaka ndzi ta va nyiketa eku onhakeni.

BIBELE Mahungu Lamanene

¹⁶ Hambiswiritano, hinkwavo lava va ku hlaselaka, ndzi ta va hlasela na vona, valala va wena hinkwavo va ta yisiwa evukhumbini; lava phanghaka swilo swa wena, ni swa vona swi ta phanghiwa, hinkwavo lava va ku tekelaka swa wena, na vona va ta tekeriwa swa vona.

Yeremiya 30:16 Referans Kwoze

Yeremiya 10:25

Wa nga halata ku kariha ka wena ematilweni lama nga ku tiviki, ni le tinxakeni leti nga khongeriki vito ra wena; hikuva va dyile Yakobo, va n'wi dyile va va va n'wi heta, kambe va hetile vuako bya yena.

Esaya 33:1

U ni khombo wena muonhi la nga siki onhiwaka! Wena muyivi, ku nga siki yiviwaka swa wena! Kutakuloko u hetile ku onha, u ta onhiwa, loko u hetile ku yiva, ku ta yiviwa swa wena.

Eksoda 23:22

“Kambe loko u yingisa rito ra yona, u endla hinkwaswo leswi ndzi nga ta ku byela swona, ndzi ta va nala eka valala va wena, ndzi ku lwela eka lava ku pfukaka.

Zakariya 2:8

Hikuva Yehovha wa tinyimpi u te: Endzhaku ka ku kwetsima u ndzi rhumile eka matiko lama mi hlaseleke; hikuva loyi a mi khumbaka, u khumba ndzololo ya tihlo ra yena:

Nhlavutelo 13:10

Loyi a yisaka van'wana evukhumbini, u ta ya evukhumbini; loyi a dlayaka hi tlhari, na yena u ta fanela ku dlawa hi tlhari, Hilaha ku nga vonakalaka ku tiyisela ni ku pfumela ka vakwetsimi.

Zakariya 12:2

“Vonani, ndzi ta endla ha Yerusalema, xinwelo xa sululwana eka matiko hinkwawo ya matlhelo, ni ka Yuda swi va tano, loko ku sivelelwa Yerusalema.

Yuwele 3:8

Ndzi xavisa vana va n'wina va xinuna ni va xisati eka vana va Yuda, leswaku va xavisiwa eka va Xeba, tiko ra le kule; hikuva Yehovha u vurile.”

Esaya 14:2

Vamatiko va ta va teka va va yisa ekaya ka vona; kutani yindlu ya Israele yi ta va fuma etikweni ra Yehovha, va va malandza ya vona ya xinuna ni ya xisati; va ta endla lava va va boheke makhumbi ya vona, kutani va ta fuma lava va nga va xanisa.

Pisalema 129:5

A va khomiwe hi tingana, a va tlhelele endzhaku, Hinkwavo lava vengaka Siyoni!

Sofoniya 2:8

“Ndzi twile ku sandza ka Mowabu ni tinhlambha ta vana va Amoni lava sandzeke tiko ra mina, va tikurisa hi le ndzilakaneni wa vona.”

Habakuku 2:16

U tixurhise tingana ematshan'weni ya ku kwetsima; n'wana u ri wena, u ta kombisa vukhuna bya wena. Xi ta tlhelela eka wena, xinwelo lexi nga evokweni ra xinene ra Yehovha, kutani mahlanta ya tingana ma ta va kona ehenhla ka ku kwetsima ka wena.

Nahume 1:8

U ta lovisa xivandla xa Ninivha hi ndhambi leyi kukutaka, kutani lava nga valala eka yena u ta va pfalela emunyameni.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Mikiya 4:11

Sweswi matiko layo tala ma ku hlengeletanele, ma ku: “U sandziwile, mahlo ya hina ma ta vona khombo ra Siyoni!”

Ezekiele 35:5

“Hikuva u ve ni rivengo leri nga heriki, u nyiketele vana va Israele fumu hi nkarhi wa ku karhateka ka vona, hi nkarhi wa ku hela ka leswo biha swa vona.

Ezekiele 29:6

Vaaki hinkwavo va Egipta va ta swi tiva leswaku hi mina Yehovha, hikuva a va ri nhonga ya rihlanga eka yindlu ya Israele.

Swirilo 1:21

“Va ndzi twile loko ndzi ri karhi ndzi hefemuteka, ku hava loyi a nga ndzi chavelelaka! Valala va mina hinkwavo va twile khombo ra mina, Kutani va tsakela leswi u swi endleke; Va ta fana na mina siku leri u nga ta humelerisa mhaka leyi u yi vekeke.

Yeremiya 2:3

Israele a a hlaseriwile emahlweni ka Yehovha, a swi ri swirhangana swa rifuwo ra yena, hinkwavo lava n'wi dyaka a va ri na nandzu, a va humeleriwa hi khombo,” ’ ” ku vula Yehovha.

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Esaya 54:15

Hambi va ta ku etlelela, swi nga ka swi nga humi ka mina, la ku tumbelelaka u ta wa emahlweni ka wena.

Zakariya 14:2

Hikuva ndzi ta hlengeleta matiko hinkwawo ku lwa na Yerusalema; muti wu ta ngheniwa, ku ta phangiwa tindlu vavasati va ta pfinyiwa va etleriwa, hafu yin'wana ya muti yi yisiwa evukhumbini; kambe lava seleke va tiko a va nga susiwi emutini.

Zakariya 1:14

“Ntsumi leyi vulavulaka na mina yi ndzi byela, yi ku: ‘Tlakusa rito, u ku: Yehovha wa tinyimpi u te: Ndzi ni ritsimbo lerikulu hikwalaho ka Yerusalema, na Siyoni;

Yeremiya 50:28

Rito ra lava balekeke ni ra lava poneke etikweni ra Babilona ri twakala eSiyoni, vanhu va kona va byeriwa ku rihisa ka Yehovha Xikwembu xa hina, ku tirihisela tempele ya yena.

Yeremiya 25:12

“Kambe kutakuloko malembe ya 70 ma herile, ndzi ta holovela hosi ya Babilona ni tiko ra kona hikwalaho ka ku homboloka ka vona, ku vula Yehovha, ndzi holovela ni tiko ra Vakalediya, ndzi ri hundzula swahava hilaha ku nga heriki.

Yeremiya 12:14

Ku vula Yehovha ehenhla ka hinkwavo lavo biha lava xaxameleke na mina, lava phangeke rifuwo ra mina, leri ingi ndzi ri averile tiko ra mina ra Israele: “Vonani ndzi ta va susa etikweni ra vona ni yindlu ya Yuda, ndzi ta yi pambula hi le xikarhi ka yona, ndzi yi susa.

Yeremiya 8:16

Mpfumawulo wa tihanci ta yena wu twakala eDani, misava hinkwayo yi tsekatseka hi swirilo leswi chavisaka swa wona; va ta ku ta herisa tiko ni hinkwaswo leswi nga eka rona, ni miti, ni vaaki va yona;

Yeremiya 30:15

“U rilela yini hikwalaho ka mbanga ya wena? Mbanga ya wena a yi nga holi. Ndzi ku endlele sweswo hikwalaho ka ku tala ka ku homboloka ka wena, hikuva swidyoho swa wena swi tele.

Duteronoma 30:7

Yehovha, Xikwembu xa wena, u ta veka makhombo lawa hinkwawo ehenhla ka valala va wena, ni le henhla ka vavengi va wena lava ku hlongoriseke.

1 SAMIELE 17:53

Kutani vana va Israele va tlhela va vuya eku hlongoriseni ka Vafilista, va phanga mixaxa ya vona.

Swivuriso 22:23

Hikuva Yehovha u ta va lamulela, Lava va dyeke u ta va tekela vutomi.

Swirilo 1:22

“Ku biha hinkwako ka vona a ku humelele emahlweni ka wena, Kutani u va endla hilaha u nga ndzi endla hakona Hikwalaho ka ku homboloka ka mina! Hikuva ku hefemuteka ka mina kukulu, kutani mbilu ya mina ya vava.”

Zakariya 1:15

kutani ndzi karihela hi ku tlurisa matiko lama titsakeleke; hikuva a ndzi kariheli tiko ra mina switsanana, kasi wona ma engeta ku endla swo biha.

Zakariya 2:12

Yehovha u ta fuma Yuda, yi va ndzhaka ya yena etikweni leri hlawuriweke u ta tihlawulela Yerusalema, kambe!”