Yeremiya 30:14 - Xitsonga (Bibele)

¹⁴ Varhandziwa va wena hinkwavo va ku rivele; a va ha vuri nchumu ha wena hikuva ndzi ku tlhavile swa nga i nala, ni ku holoveriwa loku nonon'hwaka, hikwalaho ka ku tala ka ku homboloka ka wena, hikuva swidyoho swa wena swi tele ngopfu.

BIBELE Mahungu Lamanene

¹⁴ Hinkwavo lava a wu twanana na vona sweswi va ku rivarile, a va ha ri na mhaka na wena; ndzi ku bile ku fana ni loko ndzi ri nala wa wena, ndzi ku tshinya onge ndzi munhu wa nsele, hikuva milandzu ya wena a yi ri yikulu, ni swidyoho swa wena a swi tele ngopfu.

Yeremiya 30:14 Referans Kwoze

Swirilo 1:2

U rila ni ku rila nivusiku, kutani mihloti ya xiririka emarhameni ya yena; Exikarhi ka varhandziwa va yena hinkwavo, a ku na la n'wi chavelelaka, Vanakulobye va yena hinkwavo va n'wi xisile. Va hundzukile valala va yena.

Yeremiya 5:6

Hikwalaho nghala ya swihlahla yi ta va dlaya; mhisi ya mananga yi ta va heta, ni yingwe yi ta rindza miti ya vona; un'wana ni un'wana la humaka eka yona u ta handzuriwa; hikuva ku dyoha ka vona ku tele, kutani va andzisile ku tiarisa ka vona.

Ntirho 30:21

Eka mina u hundzukile nala la levaka, Wa ndzi hlongorisa hi voko ra wena ra matimba.

Yeremiya 22:20

“Khandziya Lebanoni, u huwelela! Tlakusela rito eBaxani! U huwelela u ri eAbarimi! Hikuva varhandziwa va wena hinkwavo va lovisiwile.

Yeremiya 30:15

“U rilela yini hikwalaho ka mbanga ya wena? Mbanga ya wena a yi nga holi. Ndzi ku endlele sweswo hikwalaho ka ku tala ka ku homboloka ka wena, hikuva swidyoho swa wena swi tele.

Yeremiya 22:22

Varisi va wena hinkwavo va ta tekiwa hi mheho, ni varhandziwa va wena va ta yisiwa evukhumbini; hilaha u nga ta khomisiwa tingana, u va u kanakana hi vumbabva hinkwabyo bya wena.

Yeremiya 4:30

Kutani wena muonhiwa, u ta endla yini xana? Hambi u nga tifunengeta hi crimson, hambi u tisasekisa hi vubombi bya nsuku, ni loko u nga tibombisa emahlweni hi murhi; vubombi bya wena a byi pfuni nchumu; swigangu swa wena hakunene swi ku sandzile; swi lave vutomi bya wena.

Yeremiya 2:36

U phikelela hikwalaho ka yini ku hambuka ndlela ya wena? U ta khomisiwa tingana hi Egipta, kukota loko wa ha khomisiwile tingana i Vaaxuru.

Ntirho 19:11

Vukari bya yena byi pfurhile ehenhla ka mina. U ndzi languta kukota nala wa yena;

Hosiya 5:14

Hikuva ndzi tanihi nghala eka Efrayimi, ni tanihi nghalanyana eka yindlu ya Yuda. Mina, mina hi xiviri, ndzi ta handzula kutani ndzi tifambela; ndzi ta teka lexi ndzi xi phangeke, kambe a ku na la nga xi kutsulaka.

Hosiya 2:5

Hikuva mana wa vona a a ri ni vuoswi; loyi a va velekeke u tiendlile tingana; hikuva u te: ‘Ndzi ta landzela varhandziwa va mina lava nga ndzi nyika vuswa bya mina ni mati ya mina, ni voya bya mina bya tinyimpfu, ni ntsembyana wa mina, ni mafurha ya mina, ni swo nwa swa mina.’

Ezekiele 23:22

Hikwalaho, Hosi Yehovha u ri: “Oho Oholiba! Vona, ndzi ta ku pfuxela varhandziwa va wena, lava moya wa wena wu hambaneke na vona, ndzi ta va tisa va pfa ematlhelo hinkwawo ku ta ku lwisa:

Ezekiele 23:9

“Hilaha ndzi n'wi nyiketeke emavokweni ya varhandziwa va yena, emavokweni ya vana va Asiriya, lavo ingi a va rhandza ngopfungopfu.

Swirilo 1:19

“Ndzi vitanile varhandziwa va mina, hi vona lava nga ndzi yenga; Vaprista va mina ni vakulu va mina va lovile emutini, Loko va lava swakudya leswi nga pfuxaka mimoya ya vona.

Yeremiya 38:22

Vona, vavasati hinkwavo lava seleke endlwini ya hosi ya Yuda va ta yisiwa eka tindhuna ta hosi ya Babilona, va ta ku: ‘U kanganyisiwile, u hluriwe hi lava va ku tshembiseke ku rhula; milenge ya wena loko yi bodlhomela endzhopeni, vona va tlhelela endzhaku!’

Yeremiya 6:23

va tamele gadzi ni fumu, va kariha ngopfungopfu, a va na ku tsetselela: rito ra vona ri pfuma kukotisa lwandle va khandziyile tihanci, va hlomile kukotisa loko a ri munhu un'we la ku hlaselaka, wena, n'wana Siyoni.

Ntirho 16:9

Vukari bya yena byi ndzi handzula, byi ndzi landzelela; U ndzi getselela meno. Loyi a nga nala eka mina, u ndzi tlhava hi mahlo layo kariha.

Pisalema 107:17

Swihunguki a swi hlomurisiwa Hi tindlela ta swona leto biha ni ku homboloka ka swona;

Esaya 57:13

Loko u ta huwelela, xana vandla ra swikwembu swa wena ri ta ku ponisa-ke? Mheho yi ta swi hundzisa hinkwaswo, moya wu ta swi susa. Kambe la ndzi tshembaka, u ta dya ndzhaka ya tiko, u ta nyikiwa ntshava ya mina leyo kwetsima.”

Yeremiya 14:17

Kutani u va byela rito leri, u ku: ‘Mahlo ya mina ma ta huma mihloti vusiku ni nhlekanhi, ma nga ka ma nga yimi; hikuva nhwana wa tiko ra mina u tlhaviwile; mbanga ya yena hi leyikulu, i mbanga leyo vavisa ngopfu.

Yeremiya 32:30

“Hikuva vana va Israele ni vana va Yuda va endlile leswo biha emahlweni ka mina ka ha ri evuntshweni bya vona; hikuva vana va Israele va ndzi pfukile ntsena hi ku endla ka mavoko ya vona, ku vula Yehovha.

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Yeremiya 50:42

Va tamele mavurha ni mafumu, va kariha, a va tsetseleli munhu; rito ra vona ri pfuma kukota lwandle va khandziyile tihanci, va humile nyimpi kukota munhu a ri un'we la taka ku lwa na wena n'wana wa Babilona.

Obadiya 1:7

Vavanuna volavo hinkwavo u endleke xinakulobye na vona, va ku tlherisele endzilakaneni wa wena; vavanuna lava ingi va ri ni ku rhula na wena va ku xisile va ku hlurile. Lava ingi va dya vuswa bya wena, va ku celele marindzi. A ku na ku twisisa eka wena!

Yeremiya 5:5

Ndzi ta ya eka vakulukumba, ndzi vulavula na vona, hikuva vona va tiva ndlela ya Yehovha, ni nawu wa Xikwembu xa vona. Kambe, na vona hinkwavo, va tshovile joko, va tshunxile mapindza.

Yeremiya 32:29

Vakalediya va ta lwa ni muti lowo, va ta nghena, va hisa muti lowo hi ndzilo va hisa ni tindlu leti va hiselaka Baali mirhi ya risuna ehenhla ka tona, va humesele swikwembu swin'wana swakunwa, va va va ndzi pfuka.

Yeremiya 32:34

Kambe va vekile manyala ya vona endlwini leyi vito ra mina ri vuriwaka ehenhla ka yona va yi nyamisa.

Yeremiya 32:35

Va akele Baali swivandla leswi tlakukeke eriweni ra n'wana Hinomu, va ta hisela Moloko vana va vona va xinuna ni va xisati, swi nga leswi ndzi nga va byelangiki swona, kambe a swi humangi embilwini ya mina leswaku va endla manyala layo tano ku dyohisa Yuda.

Swirilo 2:1

Hosi yi funengetile ha yini hi ku kariha nhwanyana wa Siyoni? Ku kwetsima ka Israele, u ku susumetile a ri ehenhla, a ku hoxa emisaveni, Kutani hi siku ra vukari bya yena A nga tsundzukanga vunavelo bya milenge ya yena.

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Daniele 9:13

Kukotisa loko ku tsariwile enawini wa Muxe, swo biha leswi hinkwawo swi hi humelele sweswo. Kambe a hi olovisanga mombo wa Yehovha, Xikwembu xa hina, hi ku tshika swidyoho swa hina, ni ku tlharihela ntiyiso wa wena.