Yeremiya 30:12 - Xitsonga (Bibele)

¹² “Hikuva, ku vula Yehovha: Mbanga ya wena yi bihile, ni swilondza swa wena swa vava.

BIBELE Mahungu Lamanene

¹² HOSI Xikwembu xi vurisa sweswo xi ri: “Wena Israele, mbanga ya wena a yi holi, vuvabyi bya wena i ntsandza-vatshunguri.

Yeremiya 30:12 Referans Kwoze

Yeremiya 15:18

Kambe ku vaviseka ka mina ku kona hilaha ku nga heriki, ni mbanga ya mina a yi ongoriwi ha yini xana? Yi alela yini ku hola? Xana eka mina u ta va xihlovo lexi kanganyisaka, kumbe mati lama phyeke xana?

Yeremiya 30:15

“U rilela yini hikwalaho ka mbanga ya wena? Mbanga ya wena a yi nga holi. Ndzi ku endlele sweswo hikwalaho ka ku tala ka ku homboloka ka wena, hikuva swidyoho swa wena swi tele.

Yeremiya 14:17

Kutani u va byela rito leri, u ku: ‘Mahlo ya mina ma ta huma mihloti vusiku ni nhlekanhi, ma nga ka ma nga yimi; hikuva nhwana wa tiko ra mina u tlhaviwile; mbanga ya yena hi leyikulu, i mbanga leyo vavisa ngopfu.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

Ezekiele 37:11

Kutani a ku eka mina: “N'wana wa munhu, marhambu walawo, i yindlu hinkwayo ya Israele. Vona va ri: ‘Marhambu ya hina ma omile; ku tshemba ka hina ku herile; hi lovile.’

Yeremiya 6:7

Kukotisa loko xihlovo xi humesa mati ya xona, wu humesa vumbabva bya wona hi mukhuva wolowo, ku wonga ni ku onha swi ri karhi swi twakala eka wona; timbanga ni mabibi ya mbilu swi le mahlweni ka mina hi masiku.

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Hosiya 5:13

Efrayimi a vona vuvabyi bya yena, na Yuda a vona xilondza xa yena; Efrayimi u yile eka Vaaxuru, u rhumile eka hosi Yarebe; kambe yeloyi a nga ka a nga tivi ku mi pfuna, a nga ka a nga horisi xilondza xa n'wina.

Mikiya 1:9

Hikuva timbanga ta Samariya ti bihile khombo ra yena ri humelele ni ka Yuda; ri fikile enyangweni ya tiko ra mina, eka Yerusalema.

Nahume 3:19

Mbanga ya wena a yi na ku kandziwa, matshimbi ya wena a ma na ku hola! Hinkwavo lava twaka ta wena, va ta ku phakatela hi mandla; hikuva vumbabva bya wena byi kayele mani eku humeleleni ka byona xana?

Yeremiya 8:22

Xana ku na murhi eGiliyadi, a ku na n'anga kona xana? Xana mbanga ya n'wana wa tiko ra mina a yi boheleriwanga ha yini?

Yeremiya 14:19

Xana Yuda, u n'wi tshikele makumu, kumbe mbilu ya wena yi korwile hi Siyoni xana? U hi bele yini, ku nga ri na ku hanyisiwa xana? Hi langutele ku rhula, kambe a hi voni ku rhula; ni nkarhi wa ku horisiwa, kambe ku chavisa ku kona.