Yeremiya 3:18 - Xitsonga (Bibele)

¹⁸ “ ‘Emikarhini yoleyo, yindlu ya Yuda yi ta famba ni yindlu ya Israele va ta huma swin'we etikweni ra n'walungu, ku ya etikweni leri ndzi ri fumiseke vatata wa n'wina.

BIBELE Mahungu Lamanene

¹⁸ Emasikwini ya kona, vanhu va Yuda ni vanhu va Israele va ta vuya swin'we va huma ematikweni ya le n'walungwini, va vuyela etikweni leri ndzi ri nyikeke vatata wa vona leswaku ri va ra vona.”

Yeremiya 3:18 Referans Kwoze

Yeremiya 31:8

“Vonani, ndzi ta va vita etikweni ra le dzongeni, ndzi va hlengeleta emakun'wini ya misava. Exikarhi ka vona ku ni lowo fa mahlo ni lowo khwita, la tikeke ni ntswendyana, swin'we va ta tlhelela halenu va tele ngopfu.

Amosi 9:15

“Ndzi ta va byala etikweni ra vona, a va nga ha tlheri va tsuvuriwa etikweni ra vona leri ndzi va nyikeke rona,” ku vula Yehovha, Xikwembu xa wena.

Hosiya 1:11

Kutani vana va Yuda, ni vana va Israele va ta hlengeletana kun'we, kutani va ta tivekela hosi yin'we va huma etikweni; hikuva ri ta va lerikulu siku ra Yizriele.

Yeremiya 50:4

Emikarhini yoleyo ni le nguveni yoleyo, ku vula Yehovha, vana va Israele va ta ta ni vana va Yuda, kutani va ta ya va ri karhi va rila, va lava Yehovha, Xikwembu xa vona.

Yeremiya 23:8

Kambe va ta ku: ‘Yehovha wa hanya la humeseke, a va a vuyisile rixaka ra yindlu ya Israele etikweni ra n'walungu, ni le matikweni hinkwawo laha ingi ndzi va hangalasile kona,’ kutani va ta tiakela etikweni ra vona.”

Yeremiya 16:15

kambe va ta ku: ‘Yehovha wa hanya, la humeseke vana va Israele etikweni ra n'walungu ni le matikweni hinkwawo, laha ingi a va hangalasile kona,’ kutani ndzi ta va tlherisela etikweni ra vona leri ndzi ri nyikeke vatata wa vona.

Yeremiya 3:12

Yana, u ya vulavula marito lawa tlhelo ra n'walungu, u ku: ‘Tlhela, Israele muhundzuki, ku vula Yehovha, ndzi nga ka ndzi nga ku khwanyaleri mombo, hikuva mina ndzi ni musa, ku vula Yehovha, ndzi nga ka ndzi nga dyisi mbitsi hi masiku.

Zakariya 10:6

“Ndzi ta kurisa yindlu ya Yuda, ndzi ponisa yindlu ya Yosefa, ndzi ta va akisa, hikuva ndzi va tsetselele; swi ta kotisa loko swa nga a ndzi nga va lahlanga, hikuva hi mina Yehovha, Xikwembu xa vona, ndzi ta va yingisa.

Yeremiya 50:20

Emikarhini yoleyo, ni le nguveni yeleyo, ku vula Yehovha, ku ta laviwa ku homboloka ka Israele, kambe a ku nga ha vi kona, ni swidyoho swa Yuda kutani a swi nga ha kumiwi, hikuva ndzi ta khomela lava ndzi va siyeke.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Yeremiya 7:7

Ndzi ta mi akisa endhawini leyi, etikweni leri ndzi ri nyikeke vatata wa n'wina hilaha ku nga heriki.

Yeremiya 50:5

Va ta vutisa ndlela ya Siyoni, va langutisa mimombo ya vona kona: ‘Tanani, mi namarhela Yehovha hi ntwanano lowu nga heriki, lowu nga riki na ku rivariwa!’

Ezekiele 11:17

Hikwalaho u ta ku: ‘Ku vula Hosi Yehovha: Ndzi ta mi vuyisa hi le matikweni, ndzi ta mi tlherisa ematikweni laha ndzi mi hangalaseke kona, ndzi mi nyika kambe tiko ra Israele.’

Zakariya 2:6

Yo! Yo! Balekani, n'wina mi nga etikweni ra n'walungu, ku vula Yehovha, hikuva ndzi mi hangalasile timhehweni ta mune ta tilo, ku vula Yehovha.

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Esaya 43:5

U nga chavi hikuva ndzi na wena, ndzi ta vuyisa rixaka ra wena ri huma evuxeni, ndzi ri hlengeleta ri huma evupeladyambu.

Esaya 43:6

Ndzi ta ku eka n'walungu, ‘Humesa!’ ni ka dzonga: ‘U nga arisi!’ Vuyisa vana va mina ematikweni ya le kule, ni vanhwana va mina hi le makun'wini ya misava,

Hosiya 2:2

Kanetanani ni mana wa n'wina, kanetani! Hikuva a hi nsati wa mina, na mina a ndzi nuna wa yena: A a suse vuoswi bya yena emahlweni ka yena, ni vumbhisa bya yena emaveleni ya yena.