Yeremiya 3:13 - Xitsonga (Bibele)

¹³ Ntsena u fanele ku tivula ku biha ka wena, hikuva u tshikile Yehovha, Xikwembu xa wena, kambe u ri karhi u tsutsumela matlhelo hinkwawo eka swikwembu swa vamatiko, ehansi ka mirhi hinkwayo leyi nga ni matluka, kutani a mi yingisanga rito ra mina, ku vula Yehovha.

BIBELE Mahungu Lamanene

¹³ Amukela ntsena nandzu wa wena, u pfumela leswaku u tiarisile emahlweni ka mina HOSI Xikwembu xa wena; u fambile u ya tinyiketa eka swikwembu swimbe ehansi ka nsinya wun'wana ni wun'wana lowu tlhumeke, kutani u tlurile ku lerisa ka mina. Ndzi vula sweswo mina HOSI.’ ”

Yeremiya 3:13 Referans Kwoze

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Yeremiya 3:6

Emikarhini ya Hosi Yosiya, Yehovha a ku eka mina: “Xana u vonile lexi Israele muhundzuki a xi endleke? U fambile etintshaveni hinkwato leti tlakukeke, ni le hansi ka mirhi hinkwayo leyi nga ni matluka, a ri karhi a oswana kona.

Yeremiya 2:25

Hiteka leswaku nenge wa wena wu nga fambi ntsena, ni nkolo wa wena wu nga omi, u ri karhi u vula leswaku ndzi rhandzile swikwembu swa vamatiko, kambe ndza ha ta swi landzela.

Duteronoma 12:2

“Mi ta herisa kunene swivandla hinkwaswo leswi matiko lawa mi nga ta teka tiko ra wona, ma gandzeleke swikwembu swa wona eka swona, etintshaveni leti tlakukeke, ni le switsungeni, ni le hansi ka murhi wun'wana ni wun'wana lowu hlukeke;

Yeremiya 3:2

“Tlakusa mahlo ya wena eswitsungeni, u languta; xana hi kwihi laha u nga etleriwangiki kona xana? U tshamele swona etindleleni tanihi Muarabu la nga emananga kambe u nyamisile misava hi vuoswi bya wena ni ku biha ka wena.

Yeremiya 2:20

“Hikuva khale u tshovile joko ra wena, u tshunxile mapindza ya wena, kambe u ku: ‘A ndzi nga ha tirhi!’ hilaha u tinyikeke vuoswi eswitsungeni hinkwaswo leswi tlakukeke ni le hansi ka mirhi hinkwayo leyi nga ni matluka.

Ezekiele 16:15

“Kambe u tshembile ku saseka ka wena, eku twaleni ka wena, u endlile vuoswi, u tinyiketile vaendzi hinkwavo lava nga swi rhandza.

Yeremiya 14:20

Ha Yehovha, hi titivela ku dyoha ka hina, ni milandzu ya vatata wa hina, hikuva a hi ri karhi hi ku dyohela.

Swivuriso 28:13

La fihlaka swidyoho swa yena, a nga ka a nga kateki, Kambe la swi vulaka, a tshika, u ta kuma tintswalo.

Nehemiya 9:2

Va rixaka ra Israele va tihlawula eka vana va matiko, va tihumesa erivaleni, va tivula swivi swa vona ni ku dyoha ka vatata wa vona.

Esaya 57:5

lava hisekaka emikanyini, ni le hansi ka murhi wun'wana ni wun'wana lowu hlukeke, lava tlhavaka vana emikoveni, ni le mabakweni ya tintshava?

Yeremiya 14:10

Hi leti Yehovha a ti vulaka ehenhla ka tiko leri, a ku: “Va rhandza ku hambuka, a va tivi ku khoma milenge ya vona, kwalaho Yehovha a nga tsakisiwiki ha vona; kambe sweswi u ta anakanya ku homboloka ka vona, kutani u ta tshinya ku dyoha ka vona.”

Hosiya 5:15

Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.