Yeremiya 3:12 - Xitsonga (Bibele)

¹² Yana, u ya vulavula marito lawa tlhelo ra n'walungu, u ku: ‘Tlhela, Israele muhundzuki, ku vula Yehovha, ndzi nga ka ndzi nga ku khwanyaleri mombo, hikuva mina ndzi ni musa, ku vula Yehovha, ndzi nga ka ndzi nga dyisi mbitsi hi masiku.

BIBELE Mahungu Lamanene

¹² Hikokwalaho famba u ya byela va le n'walungwini marito lawa, u ku: “ ‘We Israele, wena wo ka u nga tshembeki, ndzi ri, vuyela ka mina, a ndzi nga ha ku hlundzukeri, hikuva ndzi ni tintswalo. Ndzi vula sweswo mina HOSI, a ndzi nga hlundzuki hilaha ku nga heriki.

Yeremiya 3:12 Referans Kwoze

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

Yeremiya 33:26

na kona ndzi ta tshika vatukulu va Yakobo ni va Davhida, nandza wa mina ndzi nga ha tshuki ndzi teka evaneni va yena la nga ta fuma vatukulu va Abrahama, ni va Israele, ni va Yakobo; hikuva ndzi ta vuyisa vakhomiwa va vona, ndzi va tsetselela.”

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Yeremiya 3:22

“Tlhelani, n'wina vana lava hambukeke, kutani ndzi ta horisa ku hambuka ka n'wina.” “Languta, ha ta eka wena hikuva u Yehovha, Xikwembu xa hina.

Yeremiya 3:18

“ ‘Emikarhini yoleyo, yindlu ya Yuda yi ta famba ni yindlu ya Israele va ta huma swin'we etikweni ra n'walungu, ku ya etikweni leri ndzi ri fumiseke vatata wa n'wina.

Yeremiya 30:11

Hikuva, ndzi na wena ku ku ponisa, ku vula Yehovha; hikuva ndzi ta heta hinkwako matiko hinkwawo lawa ndzi ku hangalaseke ka wona; kambe wena ndzi nga ka ndzi nga ku herisi, ndzi ta ku laya hi ku lulama, a ndzi nga ku tshiki ntsena u nga avanyisiwanga.

Yeremiya 23:8

Kambe va ta ku: ‘Yehovha wa hanya la humeseke, a va a vuyisile rixaka ra yindlu ya Israele etikweni ra n'walungu, ni le matikweni hinkwawo laha ingi ndzi va hangalasile kona,’ kutani va ta tiakela etikweni ra vona.”

Yeremiya 4:1

“Israele, loko u nga hundzuka, loko u tlhelela eka mina, ku vula Yehovha, kutani u susa manyala ya wena emahlweni ka mina, u nga ka u nga ha tsendzeleki.

Yeremiya 3:5

Xana u ta va ni mbitsi hilaha ku nga heriki? Xana u ta hlunama hilaha ku nga heriki-ke?’ Languta, u vule sweswo, kasi u tirha leswo biha u ri karhi u swi hetisa.”

Pisalema 145:8

Yehovha u ni tintswalo u ni nsovo, U hlwela ku kariha u tsetselela ngopfu.

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

2 TIHOSI 18:1

Hi lembe ra vunharhu ra Hoxeya, n'wana Ela, hosi ya Israele, Hezekiya n'wana Akazi, hosi ya Yuda, a sungula ku fuma.

2 TIHOSI 17:23

Yehovha a ko a susa Israele emahlweni ka yena, hilaha a nga vula hi nomu wa malandza ya yena hinkwawo, va nga vaprofeta, a susa va Israele etikweni ra vona a va yisa eAsiriya, laha va nga kona ku fika namuntlha.

Duteronoma 30:2

loko u tlhelela eka Yehovha, Xikwembu xa wena, ni loko u yingisa rito ra yena hi mbilu hinkwayo ya wena, ni moya hinkwawo wa wena, u ri wena ni vana va wena, hi laha ndzi ku lerisaka swilo hinkwaswo hakona namuntlha;

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Ezekiele 39:25

“Hikwalaho, Hosi Yehovha u vulavula sweswo, a ku: Sweswi ndzi ta tlherisa vabohiwa va Yakobo, ndzi ta tsetselela yindlu hinkwayo ya Israele, ndzi ta kombisa rilondzo ra mina hikwalaho ka vito ra mina ro kwetsima.

Yeremiya 31:8

“Vonani, ndzi ta va vita etikweni ra le dzongeni, ndzi va hlengeleta emakun'wini ya misava. Exikarhi ka vona ku ni lowo fa mahlo ni lowo khwita, la tikeke ni ntswendyana, swin'we va ta tlhelela halenu va tele ngopfu.

Yeremiya 3:14

“ ‘Tlhelani, n'wina vana lava hambukeke, ku vula Yehovha. A ku: Hi mina n'wini wa n'wina. Ndzi ta teka un'wana wa n'wina emutini wun'wana; vambirhi, ndzi va teka erixakeni rin'wana; kutani ndzi mi tlherisela eSiyoni.

Yeremiya 3:7

A ndzi ku: ‘Kutakuloko a endlile sweswo hinkwaswo, u ta tlhela a vuya eka mina,’ kambe a nga vuyanga; kutani Yuda, makwavo la nga tshembekangiki, u tshama a swi vona.

Yeremiya 3:1

Va te: “Kungakuloko wanuna, a tshika nsati wa yena, kutani nsati yeloyi a suka eka yena, a ya tekiwa hi nuna un'wana, xana nuna wa yena a nga tlhela a n'wi teka xana? Tiko leri ri nga ka ri nga nyamisiwi hi ku endla sweswo-ke? Loko u ri wena, u tinyiketile vuoswi ni swigangu leswo tala xana u ta tlhelela eka mina-ke?” ku vula Yehovha.

Esaya 44:22

Ndzi hlangurile milandzu ya wena tanihi papa, ni swidyoho swa wena tanihi hunguva; vuyela eka mina, hikuva ndzi ku kutsurile!”

Swivuriso 28:13

La fihlaka swidyoho swa yena, a nga ka a nga kateki, Kambe la swi vulaka, a tshika, u ta kuma tintswalo.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Pisalema 103:8

Yehovha u ni tintswalo ni ku tsetselela, U hlwela ku kariha, u tele vunene.

Pisalema 79:5

Yehovha, u ta tshika rini ku kariha, Rilondo ra wena ri ta pfurha tani hi ndzilo hi masiku xana?

2 TIKRONIKA 30:9

Hikuva loko mi tlhela eka Yehovha, vamakwenu ni vana va n'wina va ta kuma tintswalo eka lava va va yiseke evukhumbini, kutani va ta vuya etikweni leri; hikuva Yehovha, Xikwembu xa n'wina, u tele tintswalo ni vunene, a nga ka a nga mi fularheli loko mi vuya ka yena.”

2 TIHOSI 17:6

Hi lembe ra ntlhanu na mune ra Hoxeya, hosi ya Asiriya yi teka Samariya, yi fambisa Vaisraele etikweni ra Asiriya, kutani yi va akisa eHala, ni le henhla ka Habori, nambu wa Gozana, ni le mitini ya Vameda.

2 TIHOSI 15:29

Emasikwini ya Peka, hosi ya Israele, Tiglata-Pilezere, hosi ya Asiriya, a ta, kutani a teka Iyoni, na Avele-Beta-Maaka, na Yanowaka, na Kedexe, na Hasoro, na Giliyadi, na Galeliya, ni tiko hinkwaro ra Neftali, kutani a fambisa vaaki va kona eAsiriya.

Genesa 4:7

Loko u endla swinene, xana a u nga ti khensiwa xana? Kambe loko u nga endli swinene, vudyoho byi tshamile enyangweni; ku navela ka byona ku ta ku wonga; kambe wena, u fanele ku byi hlula.”

Levhitika 26:40

“ ‘Kutakuloko va tivula swidyoho swa vona, ni swidyoho swa vatata wa vona eku dyoheni loku va ndzi dyoheleke hakona;

Pisalema 103:9

A nga tengisi hi mikarhi hinkwayo, A nga hlayisi vukari bya yena hi masiku.

Yeremiya 11:6

Yehovha a ku eka mina: “Twarisa marito lawa hinkwawo emitini ya Yuda ni le mitsendzeleni ya Yerusalema, u ku: ‘Yingisani marito ya ntwanano lowo, mi endla ha wona.

Yeremiya 12:15

Kambe kutakuloko ndzi va tsuvurile, ndzi ta tlhela ndzi va tsetselela; kutani ndzi ta va tlherisela un'wana ni un'wana endzhakeni ya yena, un'wana ni un'wana etikweni ra yena.

Swirilo 3:22

I tintswalo ta Yehovha leti ti endleke leswaku hi nga tshuki hi lova, Hikuva tintswalo ta yena a ti si hela;

Ezekiele 11:17

Hikwalaho u ta ku: ‘Ku vula Hosi Yehovha: Ndzi ta mi vuyisa hi le matikweni, ndzi ta mi tlherisa ematikweni laha ndzi mi hangalaseke kona, ndzi mi nyika kambe tiko ra Israele.’

2 TIKRONIKA 29:10

Sweswi ndzi rhandza ku endla ntwanano na Yehovha, Xikwembu xa Israele, leswaku ku hisa ka vukari bya yena ku hi sukela.

Esaya 31:6

Hundzulekani eka yena loyi mi n'wi fularheleke swonghasi, n'wina, vana va Israele!

Yeremiya 31:21

“U tiyimisela rihika, u titlhomela swikombandlela, langutisa ndlela ni mitila leyi u fambaka ha yona, vuya nhwanyana wa Israele, vuyela emitini leyi nga ya wena.

Zakariya 1:4

Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.