Yeremiya 29:8 - Xitsonga (Bibele)

⁸ “Hikuva ku vula Yehovha wa mavandla, Xikwembu xa Israele, a ku: Mi nga tshuki mi kanganyisiwa hi vaprofeta va n'wina lava nga exikarhi ka n'wina, ni vangoma va n'wina, mi nga tshuki mi yingisela valorhi va n'wina lava mi lavaka milorho eka vona;

BIBELE Mahungu Lamanene

⁸ Hakunene HOSI ya matimba hinkwawo Xikwembu xa Israele xi vurisa sweswo xi ri: ‘Mi nga tshuki mi pfumela ku xisiwa hi vaprofeta va n'wina ni vangoma lava nga xikarhi ka n'wina; mi nga tshuki mi yingisa ni lava va mi byelaka milorho ya vona,

Yeremiya 29:8 Referans Kwoze

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

2 Timotiya 3:13

Kambe vanhu lavo biha ni vakanganyisi va ta hundzela emahlweni eku biheni, va ri karhi va kanganyisa, na vona va kanganyisiwa.

Yeremiya 28:15

Kutani muprofeta Yeremiya a byela Hananiya muprofeta, a ku: “Yingisa-ke, Hananiya! Yehovha a nga ku rhumanga, kambe u tshembisile tiko leri mavunwa.

Yeremiya 27:9

“ ‘Kutani n'wina, mi nga tshuki mi yingisa vaprofeta va n'wina, hambi va ri vabvumbi va n'wina, hambi va ri valorhi va n'wina, hambi ti ri tin'anga ta n'wina, hambi va ri vangoma va n'wina, lava mi byelaka, va ku: “Mi nga ka mi nga tirheli hosi ya Babilona.

Yeremiya 14:14

Ku va laha Yehovha a nge eka mina: “Vaprofeta va va profetela vunwa hi vito ra mina a ndzi va rhumanga, kambe a ndzi va lerisanga, kutani a ndzi vulavulanga na vona; va mi profetele masingita ya mavunwa, ni vubvumbi, ni ku kanganyisa ka timbilu ta vona.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

Nhlavutelo 13:14

Xi hambukisa lava akeke emisaveni hi masingita lawa xi nga nyikiwa matimba ya ku ma endla emahlweni ka xivandza, xi ri karhi xi byela lava akeke emisaveni leswaku va endlela xivandza lexi ngi xi ri ni mbanga ya tlhari, xi tlhela xi hanya, xifaniso.

2 Vatesalonika 2:3

mi nga tshuki mi xisiwa niswitsongo hi munhu, hikuva swi fanele leswaku ku tlhelela endzhaku ku va kona eku sunguleni, ni ku humelela ka munhu wa xidyoho, n'wana wa ku lahleka,

Varhoma 16:18

Hikuva lavo tano a va tirheli Hosi ya hina, Yesu Kriste, kambe va tirhela makhwiri ya vona ntsena; kutani va hambukisa timbilu ta lavo rivala hi marito lama tsakisaka, ma ku lwandla enon'wini.

Luka 21:8

Kutani a ku: “Tivoneni leswaku mi nga tshuki mi xisiwa, hikuva lavo tala va ta ta hi vito ra mina, un'wana ni un'wana a ku: ‘Hi mina Kriste; nkarhi wu kusuhi,’ kambe mi nga va landzi.

Luka 6:26

Mi ni khombo n'wina siku vanhu hinkwavo va mi dzunisaka, hikuva vatata wa vona va endlisile sweswo eka vaprofeta va mavunwa.

Matewu 24:24

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

Zakariya 13:4

Hi siku rolero vaprofeta va ta khomiwa hi tingana, un'wana ni un'wana hi ku bvumbha ka yena loko a ri karhi a profeta, a va nga ha ambali nguvu ya voya ku vula swa mavunwa.

Mikiya 2:11

Loko munhu a ri kona la fambelaka swahava, u xisa, a ku: “Ndzi ta ku bvumbhela vhinyo ni byalwa!” Muprofeta loyi a nga va yena la lulamelaka tiko leri.

Yeremiya 23:21

A ndzi rhumanga vaprofeta valavo, kutani vona va tsutsumile; a ndzi vulavulanga na vona, kambe vona va profetile.

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

Yeremiya 23:27

Xana va ni miehleketo ya leswaku va ta rivarisa tiko ra mina vito ra mina hi milorho ya vona leyi va yi vulavulaka, un'wana ni un'wana eka nakulobye, hilaha vatata wa vona va tshamaka va rivala vito ra mina hikwalaho ka Baali xana?

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Yeremiya 23:25

Ndzi twile leswi vuriwaka hi vaprofeta lava profetaka mavunwa hi vito ra mina, loko va ku: ‘Hi lorhile, hi lorhile.’

Yeremiya 29:1

Hi lawa marito ya tsalwa leri muprofeta Yeremiya a ri rhumeleke a ri Yerusalema, eka vakulukumba lava seleke eku bohiweni, ni ka vaprista, ni ka vaprofeta, ni ka tiko hinkwaro, lava Nebukadnetsara a nga va khoma eYerusalema, a va yisa Babilona.

Yeremiya 29:21

“ ‘Yehovha wa mavandla, Xikwembu xa Israele, u vula hikwalaho ka Akabu, n'wana Kolaya, ni ka Sedekiyasi n'wana Maaseya, lava mi profetelaka mavunwa hi vito ra mina, a ku: Vonani ndzi ta va nyiketa emavokweni ya Nebukadnetsara, hosi ya Babilona, a ta va dlaya emahlweni ka n'wina.

Yeremiya 29:23

Hikuva va endlile manyala exikarhi ka Israele va oswanile ni vasati va vamakwavo, va vurile marito yo hemba hi vito ra mina, leswi ndzi nga va lerisangiki swona. Kambe ndzi tiva leswo, ndzi mbhoni ya swona, ku vula Yehovha.’ ”

Yeremiya 37:9

Ku vula Yehovha: Mi nga tikanganyisi, mi ku: “Vakalediya va ta suka va ya ekule na hina; kasi a va nga suki.”

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Ezekiele 13:6

milorho ya vona i swahava; vuprofeta bya vona i byo hemba, va ri: ‘Ku vurile Yehovha!’ Kasi Yehovha a nga va rhumanga.

Yeremiya 23:16

Ku vula Yehovha wa mavandla, a ku: “Mi nga tshuki mi yingisela marito ya vaprofeta lava mi profetelaka; va mi kanganyisa, va vula leswi va swi vonaka etimbilwini ta vona, swi nga ri leswi humaka enon'wini wa Yehovha.

Yeremiya 29:15

Kambe mi ri: ‘Yehovha u hi humesele vaprofeta le Babilona!’