Yeremiya 28:2 - Xitsonga (Bibele)

² “Ku vula Yehovha wa mavandla, Xikwembu xa Israele, a ku: Ndzi ta tshova joko ra hosi ya Babilona.

BIBELE Mahungu Lamanene

² “HOSI ya matimba hinkwawo Xikwembu xa Israele xi vurisa sweswo xi ri: Ndzi tshovile joko leri hosi ya Babilona yi mi rhwexeke rona.

Yeremiya 28:2 Referans Kwoze

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Yeremiya 28:11

Kutani Hananiya a vulavula emahlweni ka tiko hinkwaro, a ku: “Ku vula Yehovha, ndzi ta tshova sweswo joko ra Nebukadnetsara, hosi ya Babilona, enhan'wini ya tiko hinkwaro, malembe mambirhi loko ma herile,” kutani muprofeta Yeremiya a famba hi ndlela ya yena.

Levhitika 26:13

Hi mina Yehovha, Xikwembu xa n'wina lexi mi humeseke etikweni ra Egipta, leswaku mi nga ha tshuki mi va makhumbi kona. Ndzi fayile mpingu wa joko ra n'wina, ndzi mi fambisile mi yimisa tinhamu.