Yeremiya 28:11 - Xitsonga (Bibele)

¹¹ Kutani Hananiya a vulavula emahlweni ka tiko hinkwaro, a ku: “Ku vula Yehovha, ndzi ta tshova sweswo joko ra Nebukadnetsara, hosi ya Babilona, enhan'wini ya tiko hinkwaro, malembe mambirhi loko ma herile,” kutani muprofeta Yeremiya a famba hi ndlela ya yena.

BIBELE Mahungu Lamanene

¹¹ Kutani a engeta a vulavula emahlweni ka vanhu hinkwavo, a ku: “HOSI Xikwembu xi vurisa sweswo xi ri: Hi mukhuva wolowo loko ku nga si hundza malembe mambirhi, ndzi ta va ndzi tshovile joko leri Nebukadnetsara hosi ya Babilona a ri rhwexeke vanhu va matiko hinkwawo.” Kavaloko muprofeta Yeremiya a tifambela.

Yeremiya 28:11 Referans Kwoze

Yeremiya 14:14

Ku va laha Yehovha a nge eka mina: “Vaprofeta va va profetela vunwa hi vito ra mina a ndzi va rhumanga, kambe a ndzi va lerisanga, kutani a ndzi vulavulanga na vona; va mi profetele masingita ya mavunwa, ni vubvumbi, ni ku kanganyisa ka timbilu ta vona.

Swivuriso 14:7

Hambana ni xihunguki, Hikuva a ku na vutivi emilon'wini ya xona.

Yeremiya 29:9

hikuva va mi profetela mavunwa hi vito ra mina; kasi a ndzi va rhumanga, ku vula Yehovha.

Yeremiya 23:17

Va tshama va vula eka lava ndzi sandzaka, va ku: Rito ra Yehovha ri ri: ‘Ku tsaka ku ta va kona eka n'wina,’ ni ka hinkwavo lava fambaka hi ku nonon'hwa ka timbilu ta vona, va ku: ‘Mi nga ka mi nga humeleli hi swo biha.’ ”

2 TIKRONIKA 18:10

Kavaloko Sedekiyasi, n'wana Kenana, a tiendlela timhondzo ta nsimbhi, a ku: “Yehovha a vurisa sweswo, a ku: ‘Hi timhondzo leti u ta gotsola Vasiriya, u ko u va heta.’ ”

1 TIHOSI 22:6

Kavaloko hosi ya Israele yi hlengeleta vaprofeta, va lava ku va mune wa madzana, kutani a ku eka vona: “Xana ndzi nga ya hlasela Ramoto wa Giliyadi, kumbe ndzi nga yi xana?” Kutani va ku: “Tlhandluka, Yehovha u ta wu nyiketa emavokweni ya hosi.”

1 TIHOSI 13:18

Kutani a ku eka yena: “Na mina ndzi muprofeta kukota wena, kambe ntsumi ya Xikwembu yi ndzi byerile hi rito ra Yehovha, ri te: ‘N'wi tlherise endlwini ya wena, a ta dya swakudya, a nwa mati.’ ” Kambe a a hemba mavunwa.

Ezekiele 13:7

A hi milorho ya swahava leyi mi yi lorhaka xana, a hi vuprofeta byo hemba lebyi mi byi profetaka xana, loko mi ku: ‘Ku vurile Yehovha?’ Kasi mina a ndzi vulanga nchumu.”

Yeremiya 28:15

Kutani muprofeta Yeremiya a byela Hananiya muprofeta, a ku: “Yingisa-ke, Hananiya! Yehovha a nga ku rhumanga, kambe u tshembisile tiko leri mavunwa.