Yeremiya 27:8 - Xitsonga (Bibele)

⁸ Tiko kumbe ku fuma loku nga tiki tirhela Nebukadnetsara, hosi ya Babilona, ni loko ku ri ku nyiketa tinhamu ta vona ejokweni ra hosi ya Babilona, ndzi ta holovela tiko rolero hi tlhari, ni ndlala, ni ntungu, ku vula Yehovha, ndzi kondza ndzi ri lovisa hi voko ra yena.

BIBELE Mahungu Lamanene

⁸ “ ‘Loko vanhu va tiko rin'wana kumbe mfumo wun'wana va ala ku tlhandlekiwa joko ra Nebukadnetsara hosi ya Babilona, va nga lavi ku n'wi tirhela, mina ndzi ta va ba hi matlhari ni tindlala ni mintungu. Mina HOSI ndzi ri, ndzi ta va herisa hi voko ra Nebukadnetsara.

Yeremiya 27:8 Referans Kwoze

Ezekiele 14:21

“Hikuva Hosi Yehovha u ri: Hambi ndzi ba muti wa Yerusalema, hi ku avanyisa ka mina ka mune, ku nga tlhari, ni ndlala, ni swivandzana, ni ntungu, leswaku ku herisiwa vanhu ni swifuwo,

Yeremiya 24:10

Ndzi ta rhuma matlhari exikarhi ka vona, ni ndlala, ni ntungu; va ta hela etikweni leri ndzi tshamaka ndzi ri nyika vona, ni vatata wa vona.”

Yeremiya 40:9

Kutani Gedaliya, n'wana Ahikama, n'wana Xafani, a va hlambanyela ni vanhu va vona, a ku: “Mi nga chavi ku tirhela Vakalediya; mi tiakela etikweni, mi tirhela hosi ya Babilona, hi kona mi nga ta tsaka.

Yeremiya 27:11

Kambe tiko leri vekaka tinhamu ta rona ejokweni ra hosi ya Babilona ku n'wi tirhela, ndzi ta ri tshika etikweni ra rona, ku vula Yehovha leswaku va ri rima, va tiakela kona.” ’ ”

Yeremiya 27:13

Mi rhandzela yini ku fa hi matlhari ni ndlala, ni ntungu, wena ni tiko ra wena hilaha ku vulaka Yehovha hikwalaho ka tiko leri ri nga tirheliki hosi ya Babilona?

Yeremiya 28:4

Loko a ri Yekoniya, n'wana Yoyakimi, hosi ya Yuda, ni Vayuda hinkwavo va le vukhumbini lava yeke Babilona, ndzi ta va vuyisa exivandleni lexi, ku vula Yehovha, hikuva ndzi ta tshova joko ra hosi ya Babilona.”

Yeremiya 28:14

Hikuva ku vula Yehovha wa mavandla, Xikwembu xa Israele: Ndzi veka joko ra nsimbhi enhan'wini ya matiko lawa hinkwawo, ma ta tirhela Nebukadnetsara, hosi ya Babilona ma ta hamba ma n'wi tirhela; ndzi n'wi hile ni swiharhi swa nhova.’ ”

Yeremiya 29:17

ku vula Yehovha wa mavandla, a ku: ‘Vonani ndzi rhumela matlhari, ni ndlala, ni ntungu exikarhi ka vona; ndzi ta va humesa kukota makuwa lama pfundzeke, lama nga riki na ku dyiwa hikuva ma bihile,

Yeremiya 29:18

ndzi ta va phalalela hi matlhari ni ndlala ni ntungu ndzi va nyiketa ku xanisiwa eku fumeni hinkwako ka misava, ni le ku rhukaniweni, ni le ku onhakeni, ni ku va xihlamariso ni xisandzu ematikweni hinkwawo lawa ndzi nga ta va hlongola exikarhi ka wona.

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.