Yeremiya 27:19 - Xitsonga (Bibele)

¹⁹ Hikuva, ku vula Yehovha wa mavandla, hikwalaho ka timhandze, ni ka lwandle, ni ka swikhato, ni ka swibya swin'wana leswa ha seleke emutini lowu,

BIBELE Mahungu Lamanene

¹⁹ hikuva HOSI ya matimba hinkwawo yi vula sweswo yi ri: “Tiphuphu, ni nhlambeto leyikulu, ni swigolonyana swa koporo, ni swibya hinkwaswo leswi saleke emutini lowu, swi ta yisiwa le Babilona!”

Yeremiya 27:19 Referans Kwoze

2 TIHOSI 25:13

Vakalediya va faya timhandze ta koporo leti ngi ti ri endlwini ya Yehovha, ni swikhato, ni lwandle ra koporo leri ngi ri ri endlwini ya Yehovha; kutani va yisa koporo ya swona eBabilona.

2 TIHOSI 25:17

Ku leha ka mhandze yin'wana ni yin'wana a swi ri swisungunhu swa 18, ni ku tlakuka ka swirhendzevutana swa koporo leswi ngi swi ri ehenhla ka tona, a swi ri swisungunhu swinharhu. Swirhendzevutana swi rhendzeriwa hi ntirho wa longwe ni magirenada, hinkwaswo a swi ri swa koporo. A swi ri tano eka mhandze ya vumbirhi.

Daniele 1:2

Kutani Yehovha a nyiketa emavokweni ya yena Yoyakimi, hosi ya Yuda, ni swibya swin'wana swa yindlu ya Xikwembu, kutani Nebukadnetsara a famba na swona etikweni ra Xinara, endlwini ya xikwembu xa yena, a nghenisa mitirho leyo evuhlayiselweni bya xikwembu xa yena.

1 TIHOSI 7:23

Kutani a chulula lwandle ra koporo, xi ri xirhendzevutana ematlhelweni hinkwawo; ku suka etlhelo rin'wana ku fika etlhelo rin'wana a swi ri swisungunhu swa khume, ni ku enta ka rona swisungunhu swa ntlhanu ngoti ya swisungunhu swa makume manharhu a yi ringana ku ri rhendzela hinkwaro.

1 TIHOSI 7:27

Kutani a endla khume ra switikirheto swa koporo; ku leha ka xin'wana ni xin'wana a swi ri swisungunhu swa mune, ni ku anama, swisungunhu swa mune, ni ku tlakuka, swisungunhu swinharhu.

2 TIKRONIKA 36:18

Ni swingolongondzwana swa yindlu ya Xikwembu, leswikulu ni leswitsongo, ni xuma xa yindlu ya Yehovha, ni xuma xa hosi ni xa tindhuna ta yena, Nebukadnetsara a yisa hinkwaswo eBabilona.

Swirilo 1:10

Nala u tshambulutile voko ra yena Eswilweni hinkwaswo swa yena leswi pfumalekaka, Hikuva u vone matiko ma nghena exikwetsimisweni xa yena, Lawa ingi u lerisile leswaku ma nga tshuki ma nghena enhlengeletanweni ya wena.