Yeremiya 27:17 - Xitsonga (Bibele)

¹⁷ Mi nga tshuki mi va yingisela. Tirhelani hosi ya Babilona, kutani mi ta hanya. Mi rhandzela yini leswaku muti lowu wu endliwa rhumbi?

BIBELE Mahungu Lamanene

¹⁷ Mi nga va yingisi; tirhelani hosi ya Babilona, kutani mi ta hanya. Xana swa fanela leswaku muti lowu wu hundzuka rhumbi xana?”

Yeremiya 27:17 Referans Kwoze

Yeremiya 38:23

Vasati va wena hinkwavo, ni vana va wena va ta yisiwa eka Vakalediya, na wena u ta tsandzeka ku pona emavokweni ya vona, kambe u ta khomiwa hi voko ra hosi ya Babilona; kutani muti lowu, wu ta hisiwa hi ndzilo, hikwalaho ka wena.”

Yeremiya 38:17

Kutani Yeremiya a byela Sedekiyasi, a ku: “Ku vula Yehovha, Xikwembu xa mavandla, Xikwembu xa Israele: Loko u huma sweswi u ya tinyiketa eka tindhuna ta hosi ya Babilona, moya wa wena wu ta hanya, ni muti lowo wu nga ka wu nga hisiwi hi ndzilo; u ta hanya, wena, ni yindlu ya wena.

Yeremiya 7:34

Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Yeremiya 42:11

Mi nga chavi hosi ya Babilona, leyi mi yi chavaka; mi nga yi chavi, ku vula Yehovha hikuva ndzi na n'wina, ku mi hanyisa ni ku mi lamulela emandleni ya yena.