Yeremiya 27:12 - Xitsonga (Bibele)

¹² Ndzi byela na Sedekiyasi, hosi ya Yuda, marito walawo hinkwawo ndzi ku: “Vekani tinhamu ta n'wina ejokweni ra hosi ya Babilona, mi tirhela yena ni tiko ra yena, kutani mi ta hanya.

BIBELE Mahungu Lamanene

¹² Kutani mina Yeremiya ndzi yisa mahungu yo fana ni layo sungula eka Sedekiyasi hosi ya Yuda, ndzi ku ka yena: “Pfumelani ku tlhandlekiwa joko ra hosi ya Babilona ni ra vanhu va yona mi va tirhela, kutani mi ta hanya.

Yeremiya 27:12 Referans Kwoze

Yeremiya 38:17

Kutani Yeremiya a byela Sedekiyasi, a ku: “Ku vula Yehovha, Xikwembu xa mavandla, Xikwembu xa Israele: Loko u huma sweswi u ya tinyiketa eka tindhuna ta hosi ya Babilona, moya wa wena wu ta hanya, ni muti lowo wu nga ka wu nga hisiwi hi ndzilo; u ta hanya, wena, ni yindlu ya wena.

Yeremiya 28:1

Hi lembe rolero, eku sunguleni ka ku fuma ka Sedekiyasi, hosi ya Yuda, hi lembe ra vumune, hi n'hweti ya vuntlhanu, Hananiya, n'wana Azuri, muprofeta wa Gibiyoni, a ndzi byela timhaka emahlweni ka vaprista ni ka tiko hinkwaro endlwini ya Yehovha, a ku:

Yeremiya 27:8

Tiko kumbe ku fuma loku nga tiki tirhela Nebukadnetsara, hosi ya Babilona, ni loko ku ri ku nyiketa tinhamu ta vona ejokweni ra hosi ya Babilona, ndzi ta holovela tiko rolero hi tlhari, ni ndlala, ni ntungu, ku vula Yehovha, ndzi kondza ndzi ri lovisa hi voko ra yena.

Swivuriso 1:33

Kambe la ndzi yingisaka u ta tiakela hi ku rhula, A nga chavi khombo.”

Yeremiya 17:4

Hikwalaho ka nandzu wa wena u ta lahlekeriwa hi ndzhaka leyi ngi ndzi ku nyikile yona, kambe ndzi ta ku endla nandza wa lava nga valala eka wena, etikweni leri u nga ri tiviki; hikuva mi pfurhisile ndzilo wa ku kariha ka mina, wa ha ta hisa hilaha ku nga heriki.”

Yeremiya 28:2

“Ku vula Yehovha wa mavandla, Xikwembu xa Israele, a ku: Ndzi ta tshova joko ra hosi ya Babilona.

Yeremiya 42:11

Mi nga chavi hosi ya Babilona, leyi mi yi chavaka; mi nga yi chavi, ku vula Yehovha hikuva ndzi na n'wina, ku mi hanyisa ni ku mi lamulela emandleni ya yena.

Yeremiya 21:9

La nga ta sala emutini lowo u ta fa hi matlhari, kumbe hi ndlala, kumbe hi ntungu; kambe la humaka ku ya tinyiketa eka Vakalediya lava mi siveleleke, u ta hanya; vutomi bya yena ku ta va lexi a xi phangaka.