Yeremiya 26:9 - Xitsonga (Bibele)

⁹ Xana u profetela yini hi vito ra Yehovha, u ku: ‘Yindlu leyi yi ta kotisa Xilo, ni muti lowu wu ta onhiwa, wu pfumala muaki,’ xana?” Kutani tiko hinkwaro ri rhendzela Yeremiya endlwini ya Yehovha.

BIBELE Mahungu Lamanene

⁹ Hikwalaho ka yini u tiendla muprofeta la vulavulaka hi vito ra HOSI Xikwembu, kutani u vula leswaku yindlu leyi yi ta wa ku fana ni ya le Xilo, ni leswaku muti lowu wu ta hundzuka rhumbi, ku nga ha tshami munhu eka wona, xana?” Kutani ntshungu lowu a wu ri kona eTempeleni wu rhendzela Yeremiya.

Yeremiya 26:9 Referans Kwoze

Timhaka 22:22

Va n'wi yingisela ku fikela eritweni lero, kutani va tlakusa marito ya vona, va ku: “N'wi suse emisaveni, munhu lowo tano, hikuva a nga fanekeri ku hanya.”

Timhaka 21:30

Kutani muti hinkwawo wu endla dzolonga, ni vanhu va tsutsumela swin'we exivandleni xin'we, kuteloko va khomile Pawulo, va n'wi kokela ehandle ka tempele; kutani hi nomu lowu, tinyangwa ti pfariwa.

Timhaka 13:50

Kambe Vayuda va hlohlotela vavasati lava chaviwaka, lava gandzelaka Xikwembu, ni vakulukumba va muti, kutani va pfuxela Pawulo na Barnaba ku xaniseka, kutani va va hlongola etikweni ra vona.

Timhaka 6:14

hikuva hi n'wi twile a ku: Yesu yeloyi wa Nazareta, u ta lovisa xivandla lexi, a hundzuluxa ni mikhuva leyi hi yi nyikiweke hi Muxe.”

Timhaka 5:28

“Xana a hi mi lerisanga ngopfungopfu leswaku mi nga tshuki mi dyondzisa hi vito lero xana? Hambiswiritano, mi tatile Yerusalema hi dyondzo ya n'wina, kutani mi rhandza ku tisa ngati ya munhu loyi, henhla ka hina.”

Yohane 8:59

Kutani va rhola maribye ku n'wi hoxetela, kambe Yesu a tumbela, kutani a huma etempeleni.

Yohane 8:20

Yesu a vula marito lawa, evuhlayiselweni bya mali, a ri karhi a dyondzisa etempeleni; kambe a ku vanga na munhu la n'wi khomaka, hikuva nkarhi wa yena a wu nga si fika.

Marka 15:11

Kambe vaprista lavakulu va hlohlotela vunyingi leswaku a va tshunxela Barabasi.

Matewu 27:20

Kambe vaprista lavakulu ni vakulukumba va hlohlotela vunyingi leswaku va kombela Barabasi, Yesu, yena a dlawa.

Matewu 21:23

Kuteloko a fike etempeleni, vaprista lavakulu ni vakulukumba va tiko va ta eka yena a ri karhi a dyondzisa, va ku eka yena: “Swilo leswo, u swi endla hi matimba wahi? Matimba walawo u nyikiwile hi mani xana?”

Mikiya 2:6

Vaprofeta va mavunwa va ri: “Mi nga profeti mi vulavula!” Xana va nga tshika ku vula timhaka teto-ke? “Leswo biha swi nga ka swi nga cukumetiwi.”

Amosi 5:10

Va venga la tsundzuxaka ehubyeni, va yila lava vulavulaka hi ku lulama.

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Esaya 29:21

va nga lava hehlaka van'wana ehubyeni, va rindza loyi a tengaka timhaka ta yena, va wisa la lulameke hi mavunwa ya vona.

2 TIKRONIKA 25:16

Kakuloko a vulavula na yena, Amasiya a ku eka yena: “Xana va ku vekile wa huvo ya hosi-ke? Suka wena! Va ta ku dlayela yini-ke?” Kutani muprofeta a suka, a ku: “Ndza vona leswaku Yehovha u kanerile ku ku lovisa, hikuva u endlile mhaka leyi, kutani a ku yingisanga marito ya mina.”

Timhaka 3:11

Kutani, hikuva a a namarhela Petro na Yohane, vanhu hinkwavo va hlamala, va tsutsumela erikupakupeni leri va nge i ra Solomoni.

Timhaka 5:12

Kambe swikombiso ni masingita leswo tala a swi endliwa exikarhi ka vanhu hi mavoko ya vaapostola. Kutani hinkwavo a va hlengeletana erikupakupeni ra Solomoni, va ri mbilu yin'we.

Yoxuwa 18:1

Nhlengeletano hinkwayo ya vana va Israele yi hlangana eXilo; kutani va dzima kona tabernakela ya nhlengeletano, hikuva tiko a ri fumiwa hi vona.

Yeremiya 32:3

yi ku eka yena: “U profetela yini loko u ku: ‘Ku vula Yehovha: Vona ndzi ta nyiketa muti lowo emavokweni ya hosi ya Babilona, a ta nghena eka wona.

Yeremiya 33:10

“Hikuva, ku vula Yehovha: Loko xi ri xivandla lexi n'wina mi nge xi onhiwile, a ku na munhu, hambi swi ri swifuwo, hambi wu ri muti wa Yuda, ni mitsendzele ya Yerusalema, leyi onhiweke, laha ku nga riki na munhu kona, hambi a ri muaki, hambi yi ri homu;

Yeremiya 36:29

Kutani hikwalaho ka Yoyakimi, hosi ya Yuda, u ta ku: ‘Ku vula Yehovha: U hisile buku, u ku: “Hi tsalele yini eka yona mhaka leyi nge, hosi ya Babilona yi ta ta yi onha tiko leri, yi ri pfumata vanhu, hambi swi ri swifuwo?”

Swirilo 4:13

Swona swi humelele hikwalaho ka swidyoho swa vaprofeta va yena, Ni vukanganyisi bya vaprista va yena, Lava nga halata exikarhi ka wona Ngati ya lava lulameke.