Yeremiya 26:16 - Xitsonga (Bibele)

¹⁶ Kutani vakulukumba ni tiko hinkwaro va byela vaprista ni vaprofeta, va ku: “Munhu loyi a nga fanelanga ha rifu, hikuva u vulavule na hina hi vito ra Yehovha, Xikwembu xa hina.”

BIBELE Mahungu Lamanene

¹⁶ Kutani varhangeri va tiko ni ntshungu hinkwawo va vulavula ni vaprista ni vaprofeta, va ku: “A ku na nandzu lowu munhu loyi a fanelaka ku dlayiwa hikwalaho ka wona, hikuva leswi a nga hi byela swona swi huma eka HOSI Xikwembu xa hina.”

Yeremiya 26:16 Referans Kwoze

Timhaka 23:29

kwalaho ndzi kumile leswaku va n'wi hehla hi timhaka ta nawu wa vona, kambe ku nga ri na nandzu lowu fanekeleke rifu, hambi ti ri timpecana.

Timhaka 23:9

Kutani ku endliwa huwa leyikulu; vatsari van'wana lava yimeleke Vafarisi, va yima, va hlamula, va ku: “A hi kumi ku biha ni kun'we eka munhu loyi; kumbexana moya wun'wana wu vulavurile na yena, swimbe ntsumi xana?”

Timhaka 25:25

Loko ndzi ri mina, loko ndzi kumile leswaku a nga endlangi nchumu lowu fanelaka hi ku fa, na yena leswi a tivekeke eka Awugusto, ndzi avanyisile leswaku a rhumeriwa eka yena.

Yeremiya 36:25

Kambe Elinatani, na Delaya, na Gemariya va khongerile hosi leswaku a nga hisi buku, kambe a nga va yingisanga.

Yeremiya 36:19

Kutani vakulukumba va ku eka Baruku: “Famba u ya tumbela, wena, na Yeremiya, mi nga tiviwi hi munhu laha mi nga kona.”

Luka 23:47

Ndhuna ya dzana, kuteloko yi vonile leswi humeleleke, yi dzunisa Xikwembu, yi ku: “Kunene munhu loyi a a lulamile.”

Luka 23:41

Kasi, loko hi ri hina, swi hi lulamele; hikuva hi amukela leswi fanekelaka leswi hi swi endleke; kambe loyi, a nga dyohanga nchumu.”

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Yeremiya 26:11

Vaprista ni vaprofeta va byela vakulukumba ni tiko hinkwaro, Va ku: “Munhu yeloyi u lulamela hi rifu, hikuva u profetile hikwalaho ka muti lowu hilaha mi swi tweke hakona hi tindleve ta n'wina.”

Swivuriso 16:7

Yehovha loko a tsakisiwa hi ku famba ka munhu, U twananisa na yena hambi va ri valala va yena.

Estere 4:14

hikuva, hambi u nga miyela enkarhini wolowo ku pfuna ni ku hanyisiwa swi ta humelela Vayuda swi pfa kun'wana; loko u ri wena ni yindlu ya tata wa wena, mi ta lovisiwa, kambe swi tiviwa hi mani loko kumbe u fikile evukosikazini hikwalaho ka nkarhi lowo tano?”

Yeremiya 34:10

Kutani ku pfumela vakulukumba hinkwavo, ni tiko hinkwaro ku nghena entwananweni wa ku tshunxa un'wana ni un'wana nandza wa yena wa xinuna ni wa xisati va tifambela, va nga ha fuyiwi; va pfumela sweswo, va va tshiketa va tifambela.

Yeremiya 37:15

Kutani vakulukumba va pfukela Yeremiya va n'wi ba, va n'wi yisa endlwini ya khotso, endlwini ya Yonatani, mutsari, hikuva a va yi endlile khotso.

Pisalema 94:16

I mani la nga ta ndzi lwela eka lavo biha? Ni ku ndzi pfuna emahlweni ka vadyohi?