Yeremiya 26:15 - Xitsonga (Bibele)

¹⁵ Ntsena, ma swi tiva leswaku loko mi ndzi dlaya, mi ta va mi veke ngati leyi nga riki na nandzu ehenhla ha n'wina, ni le henhla ka muti lowu, ni le henhla ka vaaki va kona; hikuva kunene Yehovha u ndzi rhumile eka n'wina, leswaku ndzi ta mi byela marito lawa hinkwawo etindleveni ta n'wina.”

BIBELE Mahungu Lamanene

¹⁵ Kambe tivani leswaku loko mi ndzi dlaya, mi ta va mi halatile ngati leyi nga riki na nandzu, kutani hi n'wina ni vaaki va muti lowu lava mi nga ta va ni nandzu, hikuva loyi a ndzi rhumeke ku mi byela marito hinkwawo lawa mi ma tweke, i HOSI Xikwembu hi xiviri xa xona.”

Yeremiya 26:15 Referans Kwoze

Swivuriso 6:17

I mahlo yo tikukumuxa, ni ririmi ra vunwa, Ni mavoko lama halataka ngati leyi nga riki na nandzu;

Tinhlayo 35:33

Mi nga tshuki mi onha tiko leri mi nga eka rona, hikuva ngati yi onha tiko; hikuva a ku na mhamba yin'wana ya ngati leyi halatiweke, loko yi nga ri ngati ya loyi a yi halateke.

Nhlavutelo 16:6

Hikuva leswi va nga halata ngati ya vakwetsimi ni ya vaprofeta, u va nyikile ngati ku nwa; va lulamele hi yona.”

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

Matewu 26:25

Kutani Yudasi la n'wi xengaka a hlamula, a ku: “Xana hi mina, Rabi?” Yesu a ku eka yena: “U vula swona.”

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

Matewu 26:4

va kanela makungu ya ku khoma Yesu hi vutlhari, va ta n'wi dlaya.

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Yeremiya 2:34

Kasi ni le madziveni ya nguvu ya wena, ku kumiwa ngati ya swisiwana leswi nga riki na nandzu, lava u nga va khomangiki va boxa yindlu ya wena, kambe u va dlayile hikwalaho ka mikhuva ya wena hinkwayo.

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

2 TIHOSI 24:4

ni hikwalaho ka ngati leyi nga riki na nandzu leyi a yi halateke; hikuva a tatile Yerusalema hi ngati leyi nga riki na nandzu; kutani Yehovha a nga rhandzangi ku rivalela.

Duteronoma 19:10

u ta engetela kambe miti yin'wanyana minharhu eka leyinharhu leyi, leswaku ngati leyi nga riki na nandzu, yi nga tshuki yi halatiwa etikweni leri Yehovha, Xikwembu xa wena, a ku nyikaka leswaku yi va ndzhaka ya wena, ni leswaku ku nga tshuki ku va ni ngati ehenhla ka wena.

Genesa 42:22

Rhuveni a va hlamula, a ku: “Xana a ndzi mi byelanga, ndzi ku: ‘Mi nga dyoheleni makwerhu?’ Kambe mi arile ku ndzi yingisa; hilaha ngati ya yena yi vitaniwaka.”

Genesa 4:10

Kambe Yehovha a ku: “U endle yini? Rito ra ngati ya makwenu ri huwelele emisaveni, ri ta eka mina.

Swivuriso 6:16

Ku ni swilo swa ntlhanu na xin'we leswi vengiwaka hi Yehovha, Ndzi ri ntlhanu na swimbirhi lama nga manyala eka yena:

Yeremiya 26:12

Kutani Yeremiya a byela vakulukumba hinkwavo ni tiko, a ku: “I Yehovha la ndzi rhumeke ku profeta hikwalaho ka yindlu leyi ni ka muti lowu marito hinkwawo lawa mi ma tweke.

2 TIKRONIKA 24:22

Hosi Yowasi a nga anakanyanga vunene lebyi Yehoyada, tata wa Zakariya, a n'wi endleleke byona; kambe a dlaya n'wana wa yena, Zakariya; loyi, kakuloko a fa, a ku: “Yehovha a a vonisise, a a lavisise!”

Yeremiya 30:1

Rito leri humaka eka Yehovha ri ta eka Yeremiya, ri ku: