Yeremiya 26:11 - Xitsonga (Bibele)

¹¹ Vaprista ni vaprofeta va byela vakulukumba ni tiko hinkwaro, Va ku: “Munhu yeloyi u lulamela hi rifu, hikuva u profetile hikwalaho ka muti lowu hilaha mi swi tweke hakona hi tindleve ta n'wina.”

BIBELE Mahungu Lamanene

¹¹ Hiloko vaprista ni vaprofeta va mangalela Yeremiya emahlweni ka varhangeri ni ntshungu hinkwawo, va ku: “Munhu loyi ú fanele ku fa, hikuva ú tiendlile muprofeta a vulavula swo biha ehenhla ka muti lowu, hilaha mi swi tweke hakona.”

Yeremiya 26:11 Referans Kwoze

Yeremiya 38:4

Kutani vakulukumba va ku eka hosi: “Munhu loyi a a dlayiwe, hikuva u lolohisa mavoko yi tinhenha leti seleke emutini lowo, ni mavoko ya tiko hinkwaro, hi ku va byela timhaka toleto; hikuva munhu loyi a nga laveri tiko leri ku lulama, kambe khombo.”

Matewu 26:66

Va hlamula, va ku: “U fanele hi rifu.”

Duteronoma 18:20

Kambe muprofeta la nga ta tikurisa hi ku vula hi vito ra mina rito leri ndzi nga n'wi lerisangiki ku ri vula, kumbe loko a vulavula hi mavito ya swikwembu swin'wana, muprofeta loyi u ta fa.’

Timhaka 22:22

Va n'wi yingisela ku fikela eritweni lero, kutani va tlakusa marito ya vona, va ku: “N'wi suse emisaveni, munhu lowo tano, hikuva a nga fanekeri ku hanya.”

Yohane 19:7

Vayuda va n'wi hlamula va ku: “Hi ni nawu, kutani hi nawu wa hina u fanele hi ku fa, hikuva u tiendle N'wana wa Xikwembu”.

Yohane 18:30

Va hlamula, va ku eka yena: “Loko ngi a nga dyohanga, ingi hi nga n'wi nehanga eka wena.”

Yeremiya 18:23

Kambe, wena Yehovha, u tiva leswaku makungu hinkwawo ya vona ehenhla ka mina ku ndzi dlaya; u nga tshuki u funengeta nandzu wa vona, kutani u nga susi xidyoho xa vona emahlweni ka wena; a va susumetiwe emahlweni ka wena! Hi siku ra vukari bya wena u endlisa sweswo na vona.

Yeremiya 26:16

Kutani vakulukumba ni tiko hinkwaro va byela vaprista ni vaprofeta, va ku: “Munhu loyi a nga fanelanga ha rifu, hikuva u vulavule na hina hi vito ra Yehovha, Xikwembu xa hina.”

Vaavanyisi 6:30

Kutani vanhu va muti va ku eka Yowasi: “Humesa n'wana wa wena, a fa, hikuva u mbundzuxile alitari ya Baali, u pandzile ni xifaniso xa kona.”