Yeremiya 25:6 - Xitsonga (Bibele)

⁶ Mi nga landzeni swikwembu swin'wana ku swi tirhela ni ku swi khinsamela, mi nga tshuki mi ndzi karihisa hi swiendlo swa mavoko ya n'wina, na mina ndzi nga ka ndzi nga mi humeseli swo biha.’

BIBELE Mahungu Lamanene

⁶ Mi nga tshuki mi landzelela swikwembu swin'wana, ni ku swi tirhela mi nga swi tirheli; mi nga ndzi hlundzukisi mina HOSI hi ku tiendlela swikwembu sweswo, kutani na mina a ndzi nga mi endli nchumu xo biha!’ ”

Yeremiya 25:6 Referans Kwoze

Duteronoma 8:19

“Kungakuloko u rivala Yehovha, Xikwembu xa wena, kutani u landza swikwembu swin'wana ku swi gandzela, ni ku khinsama emahlweni ka swona, ndza tiyisa mhaka namuntlha emahlweni ka n'wina leswaku mi ta lova kunene.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Yeremiya 7:6

Loko mi nga xanisi wamatiko, ni xisiwana, ni noni; kambe mi nga halati ngati leyi nga riki na nandzu endhawini leyi; loko mi nga fambi eka swikwembu swin'wana ku tilavela khombo:

2 TIHOSI 17:35

Yehovha a a endlile ntwanano na vona, a va lerisile, a ku: “Mi nga tshuki mi chava swikwembu swin'wana, mi nga khinsami emahlweni ka swona, mi nga swi tirheli ni ku swi gandzela.

Duteronoma 6:14

Mi nga tshuki mi landza swikwembu swin'wanyana exikarhi ka swikwembu swa matiko lama nga ta mi rhendzela;

Yeremiya 7:9

I ku yini xana? Ku yiva! Ni ku dlaya! Ni ku oswa, ni ku hlambanya hi mavunwa, ni ku hisela Baali mirhi ya risuna, ni ku famba eka swikwembu swin'wana leswi mi nga swi tiviki!

1 TIHOSI 14:22

Va Yuda va endla leswo biha emahlweni ka Yehovha, va n'wi vilerisa ku tlurisa vatata wa vona hi swidyoho leswi va swi endleke.

Yoxuwa 24:20

Kutakuloko mi fularhela Yehovha, mi ya tirhela swikwembu swin'wana swa matiko man'wanyana, u ta mi hundzukela, a mi endla leswo biha, a mi herisa, hambi a tshamile a mi endlela leswinene.”

Duteronoma 28:14

ni loko u nga hambukeli exineneni kumbe eximatsini eka marito hinkwawo lawa ndzi ku lerisaka wona namuntlha ku landza swikwembu swin'wana ni ku swi tirhela.

Duteronoma 13:2

ni loko ku humelela xikombiso ni masingita leswi a ku byeleke loko a te: ‘A hi landzeni swikwembu swin'wana leswi,’ u nga swi tivangiki, ‘hi ta swi tirhela,’

Eksoda 20:23

Mi nga tshuki mi tiendlela swikwembu swa silivhere, ni swa nsuku ehandle ka mina.

Eksoda 20:3

“U nga tshuki u va ni swikwembu swin'wana emahlweni ka mina.

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Hosiya 1:7

Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”

Yeremiya 32:30

“Hikuva vana va Israele ni vana va Yuda va endlile leswo biha emahlweni ka mina ka ha ri evuntshweni bya vona; hikuva vana va Israele va ndzi pfukile ntsena hi ku endla ka mavoko ya vona, ku vula Yehovha.

Yeremiya 44:7

“Kutani sweswi, ku vula Yehovha, Xikwembu xa mavandla, Xikwembu xa Israele, mi endlele mimoya ya n'wina swo biha swonghasi ha yini, leswaku ku va ku tsemiwa eka n'wina vavanuna, ni vavasati, ni vana, ni swihlangi exikarhi ka Yuda, leswaku ku nga sali masalela ya n'wina xana?