Yeremiya 25:4 - Xitsonga (Bibele)

⁴ Yehovha u tshama a rhuma eka n'wina malandza ya yena hinkwawo, vaprofeta, a va rhuma wa ha ri mixo, kambe a mi yingisanga, kambe a mi nga rhiyi tindleve ta n'wina ku twa.

BIBELE Mahungu Lamanene

⁴ A mi pfumelanga ku rhiya ndleve mi yingisa, hambileswi HOSI Xikwembu xi nga tshikangiki ku mi rhumela malandza ya xona hinkwawo va nga vaprofeta,

Yeremiya 25:4 Referans Kwoze

Yeremiya 25:3

“Hi lembe ra khume na manharhu ra ku fuma ka Yosiya, n'wana Amoni, hosi ya Yuda, ku fikela siku leri, i malembe ya makume mambirhi na manharhu, rito ra Yehovha ri tile eka mina, kambe ndzi mi byerile rona, ndzi vulavula ndzi ri karhi ndzi pfuka wa ha ri mixo, kambe a mi yingisanga.

Yeremiya 26:5

ni ku yingisa marito ya malandza ya mina vaprofeta, volavo ndzi tshameke ndzi va rhumela eka n'wina, volavo ndzi va rhumaka ndzi pfuka wa ha ri mixo, kambe a mi va yingisanga;

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Yeremiya 36:31

Ndzi ta n'wi ba, yena, ni vatukulu va yena ni malandza ya yena, hikwalaho ka ku homboloka ka vona; ndzi va humesela ni vaaki va Yerusalema, ni va yindlu ya Yuda, ku biha hinkwako loku ndzi ku vuleke ehenhla ka vona, kambe a va ndzi yingisanga.’ ”

Yeremiya 32:33

Va ndzi fularhele va nga ndzi langutanga, kasi mina ndzi va dyondzisa, ndzi pfuka nimpundzu ku va dyondzisa, kambe a va yingisanga leswaku va amukela ku tshinyiwa.

Yeremiya 29:19

Hikuva a va yingisanga rito ra mina, ku vula Yehovha, loko ndzi ri karhi ndzi va rhumela malandza ya mina vaprofeta, ndzi va rhuma wa ha ri mixo, kambe a va yingisanga, ku vula Yehovha.’

Yeremiya 22:21

Ndzi vulavule na wena eku tirhuleleni ka wena, kutani u ku: ‘Ndzi nga ka ndzi nga yingisi!’ Hi wona mukhuva wa wena we evuhlangini bya wena lowa ku: ‘A ku na ku yingisela rito ra mina.’

Yeremiya 19:15

“Ku vula Yehovha wa tinyimpi, Xikwembu xa Israele: ‘Vonani, ndzi ta tisela muti lowu ni miti hinkwayo ya lomu makhombo hinkwawo lawa ndzi ma vuleke ehenhla ka yona, hikuva va nonon'hwisile tinhamu ta vona, va nga ti tshuka va yingisa rito ra mina.’ ”

Yeremiya 18:12

Kambe va ku: ‘A swi pfuni! Hi ta famba hi ku tirhandzela ka hina, leswaku un'wana ni un'wana a endla hi ku nonon'hwa ka mbilu ya yena leyo biha.’

Yeremiya 17:23

Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

Yeremiya 16:12

Kambe n'wina mi endla mitirho leyo biha ku tlula vatata wa n'wina; kutani mi famba un'wana ni un'wana eku tinonon'hwiseni ka mbilu leyo biha ya yena, leswaku mi nga ti ndzi yingisa.

Yeremiya 25:7

Kambe a mi ndzi yingisanga, ku vula Yehovha, ku ri leswaku mi ta ndzi karihisa hi swiendlo swa mavoko ya n'wina; ndzi ta mi humesela swo biha.

2 TIKRONIKA 33:10

Kambe Yehovha a tshama a vulavula na Manase ni tiko ra yena; ntsena a va yingisanga nchumu.

Yeremiya 6:17

Ndzi vekile ka n'wina valanguteri lava nge: ‘Yingisani rito ra nanga!’ Va ku: ‘Hi nga ka hi nga yingisi.’

2 TIKRONIKA 24:19

Yehovha a rhuma exikarhi ka vona vaprofeta lava va layaka ku va tlherisela eka yena; kambe a va va yingisanga.

Zakariya 1:4

Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.