Yeremiya 25:10 - Xitsonga (Bibele)

¹⁰ Ndzi ta miyeta eka vona rito ra ku tsaka, ni rito ra muteki, ni rito ra mutekiwa mpfumawulo wa ribye ni ku vonakala ka rivoni.

BIBELE Mahungu Lamanene

¹⁰ Ndzi ta herisa tinsimu ta ntsako ni ta minkhuvo ya vukati, ti nga ha vi kona exikarhi ka vona; kona a ku nga ha kandziwi, ni timboni a va nga ha lumeki.

Yeremiya 25:10 Referans Kwoze

Yeremiya 7:34

Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Ezekiele 26:13

Ndzi ta miyeta pongo ra ku yimbelela ka wena, kutani a ku nga ha twi mpfumawulo wa tiharipa ta wena.

Yeremiya 16:9

Hikuva, Yehovha wa tinyimpi, Xikwembu xa Israele u vula a ku: Maswivo, ndzi ta miyeta exivandleni lexi, emahlweni ka n'wina ni le mikarhini ya n'wina, rito ra ku tsaka ni rito ra ku rhula rito ra muteki ni rito ra mutekiwa.

Hosiya 2:11

Ndzi ta herisa mitsako ya yena hinkwayo ndzi herisa mikhuvo ya yena ni mitlango ya ku vonaka ka n'weti, ni Tisavata ta yena, ni tinhlengeletano ta yena hinkwato.

Estere 8:11

Mapapila lawa, hosi a ma rhumela Vayuda, emutini wun'wana ni wun'wana, leswaku va pfumeleriwa ku hlengeletana endhawini yin'we, ni ku yimela ku hanya ka vona, ku dlaya, ni ku lovisa hinkwavo vanhu ni tiko leri va pfukelaka, kun'we ni vana va vona ni vasati va vona, ni ku phanga swilo swa vona.

Estere 7:4

hikuva hi xavisiwile, mina ni varikwerhu, leswaku hi herisiwa hi dlawa, hi lovisiwa. Kambe; loko hi xavisiwile leswaku hi ta endliwa makhumbi ya vavanuna ni ya vavasati, ingi ndzi miyerile ndzi ku ntsee; kambe muxanisi a nga hluleka ku riha leswi hosi yi nga ta onhakelwa hi swona.”

Estere 3:13

Matsalwa ma rhumeriwa ematikweni hinkwawo ya hosi hi vatsutsumi, va ku: “Ku lovisiwa, ku dlayiwa, ku herisiwa Vayuda hinkwavo, lavakulu ni lavatsongo, vana ni vavasati, hi siku rin'we, hi siku ra khume na manharhu ra n'hweti ya khume na timbirhi, yi nga n'hweti ya Adara, va phanga ni xuma xa vona.”

Esaya 47:2

Teka maribye ya ku sila, u sila mapa! Susa xisirhelo xa wena, u tlakusa nguvu ya wena; funungula milenge ya wena, pela milambu!

Yeremiya 48:33

Ku tsaka ni ku tsakisisa swi susiwile emasin'wini ni le tikweni ra Mowabu; ndzi herisile vhinyo exikhuvutweni a ka ha kandziwi hi tinsimu; i huwa, a ra ha ri risimu.

Swirilo 5:15

Ku tsaka ka timbilu ta hina ku herile; Ku cina ka hina ku hundzukile nkosi,