Yeremiya 24:7 - Xitsonga (Bibele)

⁷ Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

BIBELE Mahungu Lamanene

⁷ Ndzi ta va pfula miehleketo, kutani va ta tiva leswaku hi mina ndzi nga HOSI. Va ta va vanhu va mina, na mina ndzi va Xikwembu xa vona, hikuva va ta va va vuyele eka mina hi mbilu hinkwayo.

Yeremiya 24:7 Referans Kwoze

Vaheveru 8:10

Hikuva ntwanano lowu ndzi nga ta wu vekela yindlu ya Israele, endzhaku ka masiku lawa, hi lowu, ku vula Hosi: Ndzi ta veka milawu ya mina eku anakanyeni ka vona, ndzi yi tsala etimbilwini ta vona, ndzi ta va Xikwembu xa vona, vona va va tiko ra mina.

Yeremiya 30:22

Ma ha ta tshama mi ri tiko ra mina, mina ndzi va Xikwembu xa n'wina.

Ezekiele 37:23

Va nga ka va nga ha tinyamisi hi swikwembu swa vona swa thyaka, ni manyala ya vona, ni swidyoho swa vona hinkwaswo ndzi ta va lwela eka ku tiarisa hinkwako ka vona loku va nga dyoha hakona, ndzi va basisa; va ta va tiko ra mina, na mina ndzi va Xikwembu xa vona.

Zakariya 8:8

ndzi va tisa, va ta aka eYerusalema ri ta va tiko ra mina, mina ndzi va Xikwembu xa vona hi vunene ni ku lulama.”

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”

Ezekiele 37:27

Vutshamo bya mina byi ta va kona exikarhi ka vona, ndzi va Xikwembu xa vona, na vona va va tiko ra mina.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Yeremiya 3:10

Hambiswiritano, Yuda, makwavo la nga tshembekangiki, a nga ha vuyanga eka mina hi mbilu hinkwayo kambe byi va hi vunwa, ku vula Yehovha.”

Esaya 51:16

Ndzi vekile marito ya mina enon'wini wa wena, ndzi ku vekile endzhutini wa voko ra mina, ku andlala matilo lamantshwa ni ku sungula misava leyintshwa, ni ku byela Siyoni: ‘U tiko ra mina!’ ”

2 TIKRONIKA 6:38

kungakuloko va tlhelela eka wena hi timbilu hinkwato ta vona, ni mimoya hinkwayo ya vona, etikweni ra vukhumbi bya vona, laha va yisiweke kona; loko va ku khongela, va languta tlhelo ra tiko leri u ri nyikeke vatata wa vona, ni tlhelo ra muti lowu u wu hlawuleke, ni tlhelo ra yindlu leyi ndzi yi akeleke vito ra wena,

Vaheveru 11:16

Kambe sweswi, va navela tiko ra rikwavo leri tlurisaka hi ku saseka, eka rikwavo ka le tilweni; hikwalaho Xikwembu xi nga riki na tingana hikwalaho ka vona, ni ku tivula Xikwembu xa vona, hikuva xi va lunghiserile muti.

Pisalema 119:2

Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona;

Yeremiya 7:23

kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

Yeremiya 11:4

lowu ndzi wu leriseke vatata wa n'wina, siku ndzi va humesaka etikweni ra Egipta, ehondweni ya nhumbu, ndzi ku: Yingisani rito ra mina, mi endla hinkwaswo leswi ndzi mi lerisaka swona; hilaha mi nga ta va tiko ra mina, mina ndzi va Xikwembu xa n'wina;

Yeremiya 29:10

“Hikuva ku vula Yehovha, a ku: Malembe ya 70, kutakuloko ma herile ka Babilona, ndzi ta mi tsundzuka, ndzi mi endlela hi marito ya mina yo lulama, ndzi mi tlherisela exivandleni lexi.

Ezekiele 14:11

leswaku va yindlu ya Israele va nga tshuki va ndzi fularhela ni ku tinyamisa hi mangava hinkwawo ya vona. Kutani va ta va tiko ra mina, mina ndzi va Xikwembu va vona, ku vula Hosi Yehovha.”

Ezekiele 16:62

Ndzi ta tiyisa ntwanano wa mina na wena, kutani u ta tiva leswaku hi mina Yehovha,

Ezekiele 39:22

Kutani yindlu ya Israele yi ta tiva leswaku hi mina Yehovha, Xikwembu xa yona, ku suka siku rero ni le mahlweni;

Ezekiele 11:17

Hikwalaho u ta ku: ‘Ku vula Hosi Yehovha: Ndzi ta mi vuyisa hi le matikweni, ndzi ta mi tlherisa ematikweni laha ndzi mi hangalaseke kona, ndzi mi nyika kambe tiko ra Israele.’

Hosiya 2:22

kutani misava yi ta hlamula koro, ni vhinyo, ni mafurha, sweswo swi hlamula Yizriele.