Yeremiya 24:5 - Xitsonga (Bibele)

⁵ “Ku vula Yehovha Xikwembu xa Israele: Kukotisa loko makuwa lawa ma nandziha, va Yuda lava khomiweke, valavo ndzi va suseke exivandleni lexi, ndzi va yisa etikweni ra Vakalediya, ndzi ta va languta ku va endla swinene.

BIBELE Mahungu Lamanene

⁵ “Mina HOSI Xikwembu xa Israele ndzi vurisa sweswo ndzi ri: Vanhu va tiko ra Yuda lava ndzi va yiseke evukhumbini etikweni ra Vakalediya kule ni xivandla lexi, ndzi va vona va ri lavanene, ku fana ni makuwa lamanene lawa.

Yeremiya 24:5 Referans Kwoze

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Nahume 1:7

Yehovha u ni tintswalo, i xichavelo esikwini ra khombo, u tiva lava chavelaka eka yena.

Nhlavutelo 3:19

Ndzi tshinya ni ku laya hinkwavo lava ndzi va rhandzaka; hikwalaho-ke, u va ni ku chivirika, u tisola.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Vagalatiya 4:9

Kambe sweswi, leswi mi tivaka Xikwembu, ngopfu ndzi nga ku, leswi mi nga tiviwa hi Xikwembu, xana mi tlhelela yini etimhakeni ta khale leti nga riki na matimba, ta vusiwana, leti mi rhandzaka ku tlhela mi tiboha eka tona?

1 Vakorinto 8:3

Kambe loko munhu a rhandza Xikwembu, u tiviwa hi xona.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

Yohane 10:27

Tinyimpfu ta mina ti yingisa rito ra mina, kutani mina ndza ti tiva, kutani ta ndzi landza,

Matewu 25:12

Kambe a va hlamula, a ku: ‘Ndza vurisa, ndzi ri eka n'wina, a ndzi mi tivi.’

Pisalema 119:71

Swi lulamile eka mina leswi ndzi nga tsongahatiwa, Leswaku ndzi ta dyondza timfanelo ta wena.

Pisalema 119:67

Loko ndzi nga si tsongahatiwa, a ndzi hambuka ndlela; Kambe sweswi ndzi hlayisa rito ra wena.

Duteronoma 8:16

lexi ku dyiseke emananga, manna leyi nga tiviwiki hi vatata wa wena, ku ku tsongahata, ni ku ku ringa, kambe xi ta ku katekisa kandzhaku.

Yeremiya 24:4

Kutani rito ra Yehovha ri ta eka mina, ri ku:

Yeremiya 29:4

“Ku vula Yehovha wa mavandla Xikwembu xa Israele, eka lava bohiweke hinkwavo, lava ndzi va rhurhiseke Yerusalema, ndzi va yiseke Babilona, a ku:

Yeremiya 29:20

Kambe yingiselani rito ra Yehovha n'wina mi nga eku bohiweni hinkwenu lava ndzi mi humeseke Yerusalema, ndzi mi yisa Babilona!

Ezekiele 11:17

Hikwalaho u ta ku: ‘Ku vula Hosi Yehovha: Ndzi ta mi vuyisa hi le matikweni, ndzi ta mi tlherisa ematikweni laha ndzi mi hangalaseke kona, ndzi mi nyika kambe tiko ra Israele.’

Levhitika 26:44

Kambe, hambi va nghenile etikweni ra valala va vona, ndzi nga ka ndzi nga va cukumeti, ndzi nga ka ndzi nga va tshiki ndzi ko ndzi va heta, ndzi va ndzi tlula ntwanano wa mina na vona: hikuva hi mina Yehovha, Xikwembu xa vona.

Yeremiya 29:11

Hikuva mina ndzi tiva mianakanyo ya mina leyi ndzi yi anakanyaka ematshan'weni ya n'wina, ku vula Yehovha, hikuva i mianakanyo yo rhula yi nga ri ya ku biha, ndzi ta mi nyika ku hetelela ka ku saseka ni ku tshemba.

Ezekiele 11:20

leswaku va famba emilawini ya mina va ri karhi va hlayisa swileriso swa mina va swi hetisa, kutani va ta va tiko ra mina, mina ndzi va Xikwembu xa vona.