Yeremiya 24:10 - Xitsonga (Bibele)

¹⁰ Ndzi ta rhuma matlhari exikarhi ka vona, ni ndlala, ni ntungu; va ta hela etikweni leri ndzi tshamaka ndzi ri nyika vona, ni vatata wa vona.”

BIBELE Mahungu Lamanene

¹⁰ Ndzi ta va vangela tinyimpi ni tindlala ni mintungu va kondza va hela hinkwavo, ku nga sali na un'we etikweni leri ndzi ri nyikeke vona ni vatata wa vona.”

Yeremiya 24:10 Referans Kwoze

Esaya 51:19

Maxangu ni ku lova, ndlala ni tlhari, xana ndzi ta ku chavelerisa ku yini?

Ezekiele 33:27

U nge eka vona: Hosi Yehovha u ri: Ndza hanya, hakunene lava nga emarhumbini va ta wa hi fumu, lava nga etikweni, ndzi ta va nyiketa swivandza swi va swakudya swa swona; va le makhokholweni ni le mabakweni va ta fa hi ntungu.

Ezekiele 7:15

“Ehandle ku ni fumu, emutini ku ni ntungu ni ndlala. La nga emasin'wini u ta dlawa hi fumu, la nga emutini u ta lovisiwa hi ntungu ni ndlala.

Yeremiya 34:17

“Hikwalaho, ku vula Yehovha, a ku: N'wina a mi ndzi yingisanga ku vula mfanelo ya un'wana ni un'wana ku tshunxa makwavo ni xaka ra yena, vonani, mina ndza mi byela mfanelo, ku vula Yehovha: Ndzi tshunxa fumu, ni ntungu, ni ndlala; ndzi mi nyiketa ku xanisiwa eku fumeni hinkwako ka misava.

Yeremiya 27:8

Tiko kumbe ku fuma loku nga tiki tirhela Nebukadnetsara, hosi ya Babilona, ni loko ku ri ku nyiketa tinhamu ta vona ejokweni ra hosi ya Babilona, ndzi ta holovela tiko rolero hi tlhari, ni ndlala, ni ntungu, ku vula Yehovha, ndzi kondza ndzi ri lovisa hi voko ra yena.

Yeremiya 19:7

Ndzi ta herisa makungu ya Yuda ni ya Yerusalema, exivandleni lexi, ndzi va wisa hi fumu emahlweni ka lava nga valala va vona, ni le vokweni ra lava lavaka vutomi bya vona; kambe mitsumbu ya vona, ndzi ta yi nyika tinyanyana ta tilo ni swivandzana swa misava leswaku yi dyiwa hi swona.

Yeremiya 16:4

“Va ta fa hi rifu lero biha, va nga ka va nga rileriwi, ni ku yimberiwa va nga ka va nga yimberiwi; kutani va ta va vulongo ehenhla ka misava. Va ta dlawa hi fumu ni ndlala, kambe mitsumbu ya vona yi ta dyiwa hi tinyanyana ta le henhla, ni swivandzana swa misava.”

Yeremiya 15:2

Kambe, kutakuloko va ku eka wena: ‘Xana hi ta ya kwihi?’ U va hlamula, u ku: ‘Yehovha u vula a ku: Lava lulameriwaka hi rifu a va ye eku feni, lava lulameriwaka hi tlhari, etlharini; lava lulameriwaka hi ndlala, endlaleni; ni lava lulameriwaka hi vukhumbi, evukhumbini.’

Yeremiya 9:16

Kutani ndzi ta va hangalasa ematikweni lama nga tiviwiki hi vona, ni loko va ri vatata wa vona; kutani ndzi ta rhuma fumu endzhaku ka vona, ndzi ko ndzi va heta.”

Yeremiya 5:12

Va landzule Yehovha, va ku: “A nga kona; khombo ri nga ka ri nga hi humeleri, kambe hi nga ka hi nga voni fumu, hambi yi ri ndlala.

Nhlavutelo 6:8

Ndzi languta, kutani ndzi vona hanci ya ribungwanyana; loyi a yi khandziyeke a a vuriwa Rifu, a a landzeriwa hi xivandla xa vafi; kutani a nyikiwa matimba ehenhla ka tlhelo ra vumune ra misava, ku ya dlaya vanhu hi tlhari ni ndlala, ni rifu ni hi swivandzana swa misava.

Duteronoma 28:21

Yehovha u ta ku namarheta rifu, u ko u herisiwa emisaveni leyi u nga ta nghena eka yona ku yi fuma.

Yeremiya 21:9

La nga ta sala emutini lowo u ta fa hi matlhari, kumbe hi ndlala, kumbe hi ntungu; kambe la humaka ku ya tinyiketa eka Vakalediya lava mi siveleleke, u ta hanya; vutomi bya yena ku ta va lexi a xi phangaka.

Yeremiya 42:17

Vanhu hinkwavo lava phikelelaka ku ya eEgipta ni ku aka kona, va ta fa hi matlhari, ni ndlala, ni ntungu, a ku nga ha poni munhu emahlweni ka ku biha kuloku ndzi nga ta va humesela kona.

1 TIHOSI 14:15

Yehovha u ta ba Israele! Kukotisa rihlanga loko ri tsekatsekisiwa ematini, u ta susa Israele ehenhla ka tiko lerinene leri a ri nyikeke vatata wa vona, u ta va hangalasa ehase ka nambu, hikuva va tiendlele swifaniso swa swikwembu, va ri karhi va hlundzukisa Yehovha.

Yeremiya 9:15

Hikwalaho, ku vula Yehovha wa mavandla, Xikwembu xa Israele, a ku: “Vonani, ndzi ta dyisa tiko leri murhi wa absinta, kambe ndzi ta va nwisa mati lama bavaka.

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Yeremiya 29:17

ku vula Yehovha wa mavandla, a ku: ‘Vonani ndzi rhumela matlhari, ni ndlala, ni ntungu exikarhi ka vona; ndzi ta va humesa kukota makuwa lama pfundzeke, lama nga riki na ku dyiwa hikuva ma bihile,

Yeremiya 29:18

ndzi ta va phalalela hi matlhari ni ndlala ni ntungu ndzi va nyiketa ku xanisiwa eku fumeni hinkwako ka misava, ni le ku rhukaniweni, ni le ku onhakeni, ni ku va xihlamariso ni xisandzu ematikweni hinkwawo lawa ndzi nga ta va hlongola exikarhi ka wona.

Yeremiya 32:24

Vonani, nhulu yi fike emahlweni ka muti ku nghena eka wona, kutani muti wu ta nyiketiwa emavokweni ya Vakalediya va wu lwisa, wu hlupha hi matlhari ni ndlala ni ntungu; lexi u xi vuleke xi fikile, wa xi vona.

Yeremiya 32:25

Hambiswiritano, Hosi Yehovha u te eka mina: “U tixavela nsimu yoleyo hi mali, u teka timbhoni,” kasi muti wu nyikiwe emavokweni ya Vakalediya!’ ”

Yeremiya 42:22

Sweswi-ke, swi tiveni leswaku mi ta fa hi matlhari, ni ndlala ni ntungu, exivandleni lexi mi tirhandzelaka ku ya aka eka xona.”

Ezekiele 6:11

Hosi Yehovha u ri: “Bana hi swandla swa wena, u raha hi nenge wa wena, u ku: Yo! Hikwalaho ka manyala hinkwawo lama chavisaka ya yindlu ya Israele, leyi nga ta wa hi fumu ni ndlala ni ntungu.