Yeremiya 23:9 - Xitsonga (Bibele)

⁹ Mbilu yanga yi tshovekile exikarhi ka mina; marhambu ya mina hinkwawo ma karhi ma ngundzangundza, ndzi kotisa munhu la pyopyiweke ni munhu la hluriweke hi vhinyo, hikwalaho ka Yehovha, ni hikwalaho ka marito ya ku kwetsima ka yena.

BIBELE Mahungu Lamanene

⁹ Lawa i mahungu ehenhla ka vaprofeta: Ndzi le ku karhatekeni lokukulu, miri wa mina hinkwawo wa rhurhumela; ndzi fana ni munhu la pyopyiweke, la dedelekisaka hi vhinyo; ndzi karhatiwa hi marito layo hlawuleka lawa HOSI Xikwembu xi ndzi byeleke wona,

Yeremiya 23:9 Referans Kwoze

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Daniele 8:27

Kutani mina, Daniele, ndzi wa ndzi titivala, ndzi vabya masikunyana, kutani ndzi pfuka, ndzi khoma ntirho wa hosi, ndzi ri karhi ndzi hlamala hi xivono xolexo; kambe a ku nga ri na munhu loyi ngi a xi tiva.

Swirilo 3:15

U ndzi xurhisile leswo bava, U ndzi pyopyisile hi nkaka.

Esaya 51:21

Hikwalaho-ke, twana timhaka teti, wena xisiwana, wena la pyopyiweke, kambe ku nga ri hi vhinyo,

Pisalema 60:3

U kombisile tiko ra wena swilo leswo nonon'hwa; U hi nwise vhinyo leyi pyopyisaka.

Varhoma 7:9

Hikuva eku sunguleni, a ndzi hanya, ndzi nga ri na nawu; kambe nawu, loko wu fikile, vudyoho byi pfuka, mina ndzi fa.

Ezekiele 9:6

Dlayani, hetisani swidyuhati, ni majaha, ni vanhwana, ni swihlangi, ni vavasati; kambe mi nga khumbi mani na mani la funghiweke. Mi sungula hi vukwetsimelo bya mina.” Kutani va sungula hi vakulukumba lava nga tshama emahlweni ka yindlu.

Ezekiele 9:4

a ku eka yena: “Tsemakanya exikarhi ka muti, exikarhi ka Yerusalema, u fungha emombyeni vanhu lava hlunameke, lava rilaka hikwalaho ka manyala hinkwawo lama endliwaka exikarhi ka vona.”

Yeremiya 9:1

Loko ngi nhloko ya mina yi ri mati, ni mahlo ya mina ya ri miseledyana ya mihloti, vusiku ni nhlekanhi, a ndzi ta rilela vanhwanyana va tiko ra mina lava dlayiweke!

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Esaya 29:9

Yimani, mi hlamala! Tisiveni mahlo, mi swinya! Va pyopyiwile, ku nga ri hi vhinyo; va tsekatseka, ku nga ri hi ku hlula hi byalwa.

Esaya 28:1

Khombo ri ni xintlontlo lexi tiarisaka xa vapyopyiwa va Efrayimi, khombo ri ni xiluva lexi vuneke byi nga vubombi bya vona, ehenhla ka nkova lowu noneke wa lava hluriwaka hi vhinyo!

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Pisalema 69:20

Xisandzu xi handzule mbilu ya mina kambe ndza vabya; Ndzi langutele ku tweriwa vusiwana, kambe a swi kona, Ni lava ndzi miyetaka, kambe a ndzi va voni.

Yeremiya 8:18

Ku chaveleriwa ka mina eku vavisekeni ka mina ku kwihi?

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Yeremiya 36:16

Kuteloko va twa marito walawo hinkwawo, va tshuka, va langutana, va ku eka Baruku: “Hi ta byela hosi marito walawo hinkwawo.”

Ezekiele 13:3

Ku vula Hosi Yehovha: Va ni khombo vaprofeta va mavunwa, lava landzaka miehleketo ya timbilu ta vona, kasi a va voni nchumu!