Yeremiya 23:36 - Xitsonga (Bibele)

³⁶ Kambe ‘masungulo ya Yehovha’ a mi nga ha tshami mi ma vula sweswo, hikuva un'wana ni un'wana u ta biwa hikwalaho ka rito ra yena; hikuva mi soholote marito ya Xikwembu lexi hanyaka a nga Yehovha wa mavandla, Xikwembu xa hina.

BIBELE Mahungu Lamanene

³⁶ Mi nga ha vulavuli hi ‘ndzhwalo wa HOSI Xikwembu’. Xana mahungu ya xona ma nga va ‘ndzhwalo’ xana? Loko mi vula sweswo, mi onha mahungu ya Xikwembu xa hina lexi hanyaka, yona HOSI ya matimba hinkwawo.

Yeremiya 23:36 Referans Kwoze

2 Petro 3:16

hilaha a swi endlaka tiepistoleni ta yena hinkwato, loko a vula timhaka leti; exikarhi ka tona, ku nga ni tin'wana leto nonon'hwa ku twisisa, leti, lava nga dyondzangiki, ni lava tsekatsekaka va ti hombolokisaka, kukotisa Matsalwa man'wana eku lahlekeni ka vona.

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

Pisalema 120:3

Xana hakelo ya wena yi ta va yihi, u ta ku engetelela yini? Wena ririmi leri xisaka!

Pisalema 64:8

Tindzimi ta vona ti va wisa ehansi, Hinkwavo lava va vonaka va ninginisa tinhloko.

2 TIHOSI 19:4

Kumbe Yehovha Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, a ta avanyisa marito lawa a ma yingiseke kutani u ta humesa xikhongelo hikwalaho ka tiko leri ra ha seleke.’ ”

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

Vagalatiya 6:5

hikuva un'wana ni un'wana u ta rhwala ndzhwalo wakwe.

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Luka 19:22

A ku eka yena: ‘Nandza lowo biha, ndzi ta ku avanyisa hi ku vula ka wena. U tivile leswaku ndzi munhu wo nonon'hwa, ndzi teka lexi ndzi nga xi vekangiki, ndzi tshovela lexi ndzi nga xi byalangiki.

Matewu 12:36

Hikwalaho ndzi ri eka n'wina: Hi siku ra ku avanyisa, vanhu va ta hlamulela ku vulavula kun'wana ni kun'wana ka vuhava lebyi va byi vuleke;

Esaya 28:22

Kutani sweswi tshikani ku tseketsela, swi nga ri leswaku mi engeta mi bohiwa; hikuva ndzi twile eka Hosi, Yehovha wa tinyimpi, leswaku ku lova ka misava hinkwayo ku kaneriwile.

Swivuriso 17:20

Wa mbilu yo soholoka a nga ka a nga kumi ku kateka, Ni wa ririmi ro soholoka u ta wela eku biheni.

Pisalema 149:9

Va hetisa ka vona ku avanyisa loku tsariweke! Hi kona ku twala loku hlayiseriweke vahlawuriwa va yena hinkwavo. Dzunisani Yehovha!

Pisalema 12:3

Yehovha u ta herisa milomu leyi yengaka, Ni ririmi leri tisaselaka hi leswikulu,

1 SAMIELE 17:36

Sweswo nandza wa wena u dlayile nghala hambi yi ri bere, kutani Mufilista loyi, wa khuna u ta kotisa xin'wana xa swona, hikuva u sandzile tinyimpi ta Xikwembu lexi hanyaka.”

1 SAMIELE 17:26

Davhida a ku eka vavanuna lava yimeke ekusuhi na yena: “Xana va ta endla yini eka loyi a nga ta hlula Mufilista loyi, a susa xisandzu ehenhla ka Israele? I mani Mufilista loyi, la nga yimbangiki, leswi a sandzaka mavandla ya Xikwembu lexi hanyaka?”

Duteronoma 5:26

Hikuva va kwihi vanhu lava nga yingisa kukotisa hina rito ra Xikwembu lexi hanyaka loko xi vulavula endzilweni, kutani va sala va hanya?

Yeremiya 23:37

“U ta byela muprofeta, u ku: ‘Lexi Yehovha a xi hlamulaka, ni lexi Yehovha a xi vulaka, i yini?’

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.