Yeremiya 23:3 - Xitsonga (Bibele)

³ Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala.

BIBELE Mahungu Lamanene

³ Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Yeremiya 23:3 Referans Kwoze

Yeremiya 32:37

Vonani, ndzi ta va hlengeleta ematikweni hinkwawo laha ndzi va hangalaseke kona hi vukari bya mina, ni ku leva ka mina ni ku tsuva lokukulu, ndzi ta va vuyisela exivandleni lexi, ndzi va akisa hi ku titsakela.

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Ezekiele 11:17

Hikwalaho u ta ku: ‘Ku vula Hosi Yehovha: Ndzi ta mi vuyisa hi le matikweni, ndzi ta mi tlherisa ematikweni laha ndzi mi hangalaseke kona, ndzi mi nyika kambe tiko ra Israele.’

Yeremiya 31:8

“Vonani, ndzi ta va vita etikweni ra le dzongeni, ndzi va hlengeleta emakun'wini ya misava. Exikarhi ka vona ku ni lowo fa mahlo ni lowo khwita, la tikeke ni ntswendyana, swin'we va ta tlhelela halenu va tele ngopfu.

Pisalema 106:47

Yehovha, Xikwembu xa hina, hi kutsule! Hi hlengelete exikarhi ka matiko, Leswaku hi ta yimbelela vito ra wena leri kwetsimaka, Hi ta tikurisa hi ku ku dzunisa!

Ezekiele 36:24

“Ndzi ta mi humesa ematikweni ndzi mi hlengeleta exikarhi ka matiko hinkwawo, ndzi mi vuyisa etikweni ra n'wina;

Ezekiele 36:37

“Hosi Yehovha u vulavula sweswo, a ku: Ku ni mhaka leyi ndza ha ta ka pfumela ku laviwa hi yindlu ya Israele, ndzi va endlela yona: Ndzi ta andzisa vanhu va fana ni mitlhambi,

Mikiya 7:12

Enkarhini lowo ku ta ta eka wena, lava pfaka Asiriya ku ya fika emitini ya Egipta, ni ku suka eEgipta ku yisa enambyeni, ku suka elwandle rin'wana ku ya fika elwandle rin'wana, ni ku suka entshaveni yin'wana ku ya fika entshaveni yin'wana.

Yeremiya 8:3

Kutani ku ta rhandziwa rifu ngopfu ku ri ni vutomi hi masalela hinkwawo lama saleke ya rixaka leri ro biha, ematikweni hinkwawo lawa ndzi nga ta ma hangalasa eka wona, ku vula Yehovha wa tinyimpi.

Yeremiya 30:10

Kutani wena Yakobo, nandza wa mina, u nga chavi, ku vula Yehovha, u nga rhurhumeli, Israele, hikuva vona, ndzi ta ku ponisa, ndzi ku vita emisaveni ya le kule, ndzi lava ni rixaka ra wena etikweni ra vukhumbi. Yakobo a ta vekiwa, a titshamela a tsakile, a nga ha chavisiwi hi munhu.

Yeremiya 31:7

Hikuva Yehovha u vula a ku: “Huwelelani hi ku tsaka eka Yakobo, mi dzunisa loyi a nga lowo rhanga exikarhi ka matiko; twarisani tinsimu, mi ku: ‘Oho Yehovha, ponisa tiko ra wena, e masalela ya Israele?’

Yeremiya 46:27

“Kambe wena u nga chavi, nandza wanga, Yakobo, u nga tshuki wena Israele! Hikuva ndzi ta ku kutsula emisaveni ya le kule, ni vatukulu va wena etikweni ra ku bohiwa ka vona; kutani Yakobo u ta vuya a tshama, a tsaka, a nga chavisi hi munhu.

Levhitika 26:9

“ ‘Ndzi ta hundzukela eka n'wina, ndzi mi andzisa mi tala, kambe ndzi ta tiyisa ntwanano wa mina na n'wina.

Yeremiya 16:15

kambe va ta ku: ‘Yehovha wa hanya, la humeseke vana va Israele etikweni ra n'walungu ni le matikweni hinkwawo, laha ingi a va hangalasile kona,’ kutani ndzi ta va tlherisela etikweni ra vona leri ndzi ri nyikeke vatata wa vona.

Yeremiya 50:19

Ndzi ta tlherisela Israele evuakweni bya yena: u ta kuma vudyelo Karmele ni le Baxani, kutani moya wa yena wu ta xurha, ni le ntshaveni ya Efrayimi ni le Giliyadi.

Ezekiele 36:11

Ndzi ta andzisa ehenhla ka n'wina vanhu ni swifuwo; va ta andza ni ku tala, ndzi rhandza leswaku mi va ni vaaki ku fana ni khale, ndzi ta mi endla leswinene ku tlula eku sunguleni, hilaha mi nga ta tiva leswaku hi mina Yehovha.

Mikiya 2:12

Ndzi ta ku hlengeleta ni lava seleke Vaisraele; ndzi va veka kun'we kukotisa tinyimpfu etshangeni, ni ntlhambi lowu nga emadyelweni wu va mpfumawulo wa vanhu lavo tala.