Yeremiya 23:27 - Xitsonga (Bibele)

²⁷ Xana va ni miehleketo ya leswaku va ta rivarisa tiko ra mina vito ra mina hi milorho ya vona leyi va yi vulavulaka, un'wana ni un'wana eka nakulobye, hilaha vatata wa vona va tshamaka va rivala vito ra mina hikwalaho ka Baali xana?

BIBELE Mahungu Lamanene

²⁷ Va ehleketa leswaku milorho leyi va byelanaka yona, yi ta rivata vanhu va mina va nga ha ndzi anakanyi, kukota leswi vatata wa vona va ndzi rivaleke va ya tirhela Baali.

Yeremiya 23:27 Referans Kwoze

Vaavanyisi 3:7

Kutani vana va Israele va endla leswo biha emahlweni ka Yehovha, va rivala Yehovha, Xikwembu xa vona, va tirhela Baali na Axera.

Timhaka 13:8

Kambe Elima (hileswaku mungoma, loko vito ra yena ri hlamuseriwa) a ala ka vona, a ringeta ku hambukisa ndhuna eku pfumeleni.

Yeremiya 29:8

“Hikuva ku vula Yehovha wa mavandla, Xikwembu xa Israele, a ku: Mi nga tshuki mi kanganyisiwa hi vaprofeta va n'wina lava nga exikarhi ka n'wina, ni vangoma va n'wina, mi nga tshuki mi yingisela valorhi va n'wina lava mi lavaka milorho eka vona;

2 TIHOSI 21:3

A pfuxa tindhawu leti tlakukeke leti mbundzuxiweke hi Hezekiya, tata wa yena, a akela Baali tialitari, a endla xifaniso xa Axera hilaha Akabu, hosi ya Israele, a endleke hakona, a khinsama emahlweni ka vandla hinkwaro ra matilo, a ri tirhela.

Vaavanyisi 10:6

Kutani vana va Israele va engeta va endla leswo biha emahlweni ka Yehovha, va tirhela Baali na Astarte, ni swikwembu swa Siriya, ni swikwembu swa Sidoni, ni swikwembu swa Mowabu, ni swikwembu swa vana va Amoni, ni swikwembu swa Vafilista; va fularhela Yehovha, va tshika ku n'wi tirhela.

Yeremiya 9:14

kambe va tifambele hi ku nonon'hwa ka timbilu ta vona, ni ku landzela va Baali, hilaha va dyondzisiweke hakona hi vatata wa vona.”

Duteronoma 8:11

“Chava ku rivala Yehovha, Xikwembu xa wena, u nga ti loloha ku hlayisa milawu ya yena, ni timhaka ta yena, ni ku lerisa ka yena loku ndzi ku lerisaka namuntlha.

Duteronoma 8:14

mbilu ya wena yi nga tshuki yi tikurisa, u va u rivala Yehovha, Xikwembu xa wena, lexi ku humeseke etikweni ra Egipta, endlwini ya vukhumbi,

Duteronoma 8:18

Anakanya Yehovha, Xikwembu xa wena, hikuva hi yena la ku nyikaka matimba ku tilavela rifuwo, a ta tiyisa ntwanano lowu a wu hlambanyeleke vatata wa wena, hilaha a swi endlaka namuntlha.

Yeremiya 2:32

Xana wanhwana a nga rivala vubombi bya yena, kumbe mutekiwa mavamba ya yena xana? Kambe tiko ra mina ri ndzi rivarile hi masiku lama nga heriki.