Yeremiya 23:24 - Xitsonga (Bibele)

²⁴ Xana munhu a nga fihleka exihundleni, leswaku ndzi nga n'wi voni, ku vula Yehovha? A ndzi ku: Matilo ni misava swi tele ha mina, ku vula Yehovha?

BIBELE Mahungu Lamanene

²⁴ Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Yeremiya 23:24 Referans Kwoze

Swivuriso 15:3

Mahlo ya Yehovha ma languta hinkwako, Ma xiya lavo biha ni lavo lulama.

Pisalema 139:7

Xana ndzi nga ya kwihi, ndzi va kule ni moya wa wena? Kumbe ndzi nga balekela kwihi, ndzi va kule ni mombo wa wena?

Pisalema 90:8

U vekile emahlweni ka wena swivi swa hina, Ni ku dyoha ka hina loku fihliweke ku le ku vonakaleni ka mombo wa wena.

Esaya 29:15

Khombo eka lava tumbelelaka leswaku va fihlela Yehovha makungu ya vona, va endla mitirho ya vona emunyameni, va ku: “Hi ta voniwa hi mani? La hi tsundzukaka i mani?”

1 TIHOSI 8:27

“Kambe, xana kunene Xikwembu xi nga aka emisaveni xana? Waswivo, matilo ni matilo ya matilo a ma ku eneri; xana-ke Yindlu leyi ndzi akeke yona a hi yitsongo ku tlurisa xana?

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Esaya 66:1

Yehovha u vulavula sweswo, a ku: “Matilo i xiluvelo xa mina, ni misava i vunavelo bya mikondzo ya mina; hi yihi yindlu leyi mi nga ta ndzi akela Yona, ni xivandla xa ku wisa ka mina xi nga va xihi xana?

Pisalema 10:11

A ku embilwini ya yena: “Xikwembu xi rivele; Xi fihlile mombo wa xona, a xi languti ni siku ni rin'we.”

2 TIKRONIKA 6:18

“Kambe xana kunene Xikwembu xi nga aka ni munhu emisaveni xana? Waswivo, matilo, ni matilo ya matilo ma nga ka ma nga ku ringani; swi tsandza ni yindlu leyi ndzi yi akeke!

Vaefesa 1:23

wu nga miri wa yena, ni ku hetiseka ka loyi a hetisisaka hinkwaswo eka hinkwavo.

2 TIKRONIKA 2:6

Kambe i mani la nga va ni matimba ya ku xi akela yindlu xana? Hikuva matilo, ni matilo ya matilo ma nga ka ma nga xi eneli; kutani mina ndzi mani ku xi akela yindlu, loko yi nga ri ya ku hisa mirhi ya risuna emahlweni ka xona?

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Ezekiele 9:9

A ku eka mina: “Ku homboloka ka yindlu ya Israele ni ya Yuda ku kurile ngopfu; tiko ri tele hi ngati, ni muti wu tele hi lunya, va ri: ‘Yehovha u fularhele tiko, Yehovha a nga voni nchumu.’

Ezekiele 8:12

Kutani a ku eka mina: “N'wana wa munhu, xana u swi vonile leswi vakulukumba va Israele va endlaka swona emunyameni, un'wana ni un'wana ekamareni ra yena ra swifaniso? Hikuva va ku: ‘Yehovha a nga hi voni, Yehovha u fularhele tiko leri.’ ”

Yeremiya 49:10

Kambe mina ndzi hluvurile Esawu, ndzi hahlule vuchavelo bya yena, kutani a ku nga ha tumbeleki; rixaka ra yena ri onhiwile, ni vamakwavo, ni lava akeke na yena; a ka ha salangi munhu.

Pisalema 148:13

Hikuva vito ra yena hi rona ntsena leri tlakukeke; Vuhosi bya yena byi tlakukile ku tlula misava ni matilo.

Genesa 16:13

Kutani a thya Yehovha la vulavuleke na yena vito ra Atta-el-royi (Xikwembu lexi ndzi vonaka), hikuva a a ku: “Kasi xana ndzi vonile kokwala Xikwembu lexi, xi ri karhi xi ndzi vona.”

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Ntirho 34:21

“Hikuva mahlo ya xona ma languta mikhuva ya vanhu. Xi languta mafambele ya vona hinkwawo.

Ntirho 34:22

A ku na munyama, a ku na mindzhuti ya rifu, Laha vadyohi va nga tumbelaka kona.

Yeremiya 16:17

Hikuva mahlo ya mina ma languta tindlela hinkwato ta vona leti nga tumbelangiki emahlweni ka mina, ni ku homboloka ka vona loku nga funengetiwangiki emahlweni ka mina.

Yeremiya 32:19

U nkulukumba emakungwini, u ni matimba eku endleni; mahlo ya wena ma languta mikhuva hinkwayo ya vana va vanhu ku tlherisela eka un'wana ni un'wana hi mikhuva ya yena, mihandzu ya ku endla ka yena.

Daniele 2:22

Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.

Pisalema 139:8

Loko ndzi tlhandlukela ematilweni, u kona; Ni loko ndzi ya etlela exivandleni xa vafi, ni kwalaho u kona.